1 Juan 2:3 - Biblia Dc en Mixe de Quetzaltepec

³ Pën nmëmëto'owëm ja Dios ja y'ënä'ämën tyiyajtën, jyëkyejpy akujk jotkujk n'ëna'anmëty ko Dios n'ixy'ajtëmë.

Biblia Mixe de Quetzaltepec

³ Pën nmëmëto'owëm ja Tios ja y'ënä'ämën tyiyajtën, jyëkyejpy akujk jotkujk n'ëna'anmëty ko Tios n'ixy'ajtëmë.

1 Juan 2:3 ပူးပေါင်းရင်းမြစ်များ

Salmos 119:32

Ëjts poj'amës njapatuunta'aja'any yë m'ënä'ämën mtëyajtën, jä'ä ko janty jotkujkës nnäjyawëty mijts xyaj'ity yë njot nwinma'anyës.

Salmos 119:6

Ka'apës nitii ntsëtyu'unjawëty koos npatunëty ja m'ënä'ämën mtëyajtën.

Isaías 53:11

E oy ënety ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënety nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Lucas 6:46

Wintsën, Wintsën, jëtu'unës miits xynyëëmëtë, je'eyëp ko ka'ap xypyatuntë ja ënä'ämën mëti'ipës nikäjpxypën.

Juan 14:15

Pën xytsyojktëpës miits, mpatuntëp ja n'ënä'ämënës.

Juan 15:10

Pën mpatuuntëp ja n'ënä'ämënës, myajpaatantëp jam maas ja ntsojkën nja'awënën, jëtu'un ijxtëm ëjts npatunyën ja nTeetyës ja y'ënä'ämën etsës nyajpaaty ma ja tsyojkën jya'awënën.

Juan 15:14

Miits jëtu'un nmëku'ukja'awëtyëp, pën mtuuntëp mëti'ipë ntuk'ënä'ämtëpën.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

Hebreos 5:9

Ets ko ojts tyaj'apaatë ja tyuunk, ënät ojts nyäxy yajnitsokpë xëmëkyëjxm ma ja mëti'ipë mëmëtoowëpën,

1 Juan 2:13

U'unk teetyëty tyam nnijäyëtë, jä'ä ko tëë xynyijawëtë mëti'ipë tääyëm yajpatpën. Ëna'ktëjkëty, tyam nnijäyëtë jä'ä ko tëë xymyëmëta'aktë ja mëjku'u.

1 Juan 3:14

Nnija'awëm ëëtsajtëm ko nmëët'ajtëm ja xëmëkyëjxmëpë ja juukyajtën, jä'äkyëjxm ko nätsyojkëm nixim niyam. Pën ja myëku'uk kyatsojkpy, o'kën kyë'ëjotm ja y'ity.

1 Juan 3:19

Jëtu'un ëëtsajtëm nnija'awëmë ko ja Dios xyjyä'ä''ajtëmë ets akujk jotkujk n'ijtmëty Dios wyintum

1 Juan 3:6

Paaty, pënjaty ijtëp mëët ja Kristë, ka'ap y'itë pokyjotm; e pën ijtp pokyjotm, ka'ap ja Kristë nijawë ets ka'ap t'ixy'äty.

1 Juan 4:13

Jä'ä ko Dios tëë xymyo'oyëm ja Kënu'kxymyëkajtën, jëtu'un nnija'awëmëty ko Dios y'ity ma ëëtsajtëmën ets ëëtsajtëm n'ijtëm ma yë'ëjën.

1 Juan 4:7

Mëku'uktëjkëty, nätsyojkëmë nixim niyam, jä'ä ko ja tsojkën ja'awën jam ja tsyoony ma Tiosën. Pën ja myëku'uktëjk tsyojkpyën, yë'ë ja Dios u'unk'ajtëp ets nyija'ap ja Dios.

1 Juan 5:19

Nnija'awëm ko ëëtsajtëm Dios xyjyä'ä''ajtëm, tu'kë'ëyë ja naaxwiinyëtë atsojkën ku'oypyë jä'ä'ajtëp.

1 Juan 5:2

Ko ntsojkmëty ja Dios ets ntu'unmëty mëti'ipë yë'ë tsyojkpyën, jëtu'un nija'awëmëty ko ënety ntsojkëm näjyëtu'un ja y'u'unk y'ëna'k.

1 Juan 5:3

Ko ja Dios ntsojkmëty, ja y'ënä'ämën ënety npatu'unëm ets ja y'ënä'ämën ka'ap tsyiptä'äky,

Apocalipsis 12:17

Jëtu'un ja mëj tsa'any tukjoot'anpëjky ja to'oxytyëjk ets tnipëtë'ky, tää ojts tninëjkxy näjyëtu'un ja to'oxytyëjk ja y'u'unk y'ok mëti'ipë mëët tsyiptuunyën, tëkokyë ja ja'ayëty mëti'ipë ja Dios ja y'ënä'ämën pyatuunëtëpën ets ëmuumtu'ukjot nyäyaj'itëtë mëët ja Jesukristë.

Apocalipsis 14:12

Paaty ja mëpëjkpëtëjk, mëti'ipë ja Dios ja y'ënä'ämën pyatuunëtëpën ets mëti'ipë ja Jesús mëët tu'ukyë y'itën, pyëjktaktëp ja mëjaaw.

Apocalipsis 22:14

Akujk jotkujk mëti'ipë ja jyot wyinma'any yajwa'ats'ijtëpën, yë'ë tëkëjantëp ma ja jempyë Jerusalén kajpnën ets ja tëyajtën tmëët'atëty ets tjë'kxtëty ja ujtstëëm mëti'ipë yajjuuky'ajtpën xëmëkyëjxm.