1 Juan 2:27 - Biblia Dc en Mixe de Quetzaltepec

²⁷ Mmëët'ajtëp ja Kënu'kxymyëkajtën, mëti'ipë ja Wintsën Jesukristë mëët të mkënu'kxëtën, ets ka'ap xyajmëyatë ets pën myaj'ijxpëkëtëty, jä'ä ko ja Kënu'kxymyëkajtën mëti'ipë të mmo'ojëtën yë'ë mtuk'ijxpëjkëtëp winë, ets aakjä'ä yaj'ijxpëjkpy mëti'ipë mëtëyën, yë'ë ka'ap wyin'ëëny. Tu'ukyë mëët ja Kristë yajpaatë, jëtu'un tä ja Kënu'kxymyëk'ajtën të mtukni''ixëtën.

Biblia Mixe de Quetzaltepec

²⁷ Mmëët'ajtëp ja Kënu'kxymyëkajtën, mëti'ipë ja Wintsën Jesukristë mëët të mkënu'kxëtën, ets ka'ap xyajmëyatë ets pën myaj'ijxpëkëtëty, jä'ä ko ja Kënu'kxymyëkajtën mëti'ipë të mmo'ojëtën yë'ë mtuk'ijxpëjkëtëp winë, ets aakjä'ä yaj'ijxpëjkpy mëti'ipë mëtëyën, yë'ë ka'ap wyin'ëëny. Tu'ukyë mëët ja Kristë yajpaatë, jëtu'un tä ja Kënu'kxymyëk'ajtën të mtukni''ixëtën.

1 Juan 2:27 ပူးပေါင်းရင်းမြစ်များ

Proverbios 28:5

Yë ëxëëkja'aytyëjk ka'ap nijënu'un twinjawëtë tii ja'ay tyijpy tu'knaxajtën ets ja oypyë ja nänyipaye'eyë; e mëti'ipë y'ijxtaaytyëpën yë jot winma'any ma Tiosën, wa'ats twinjawëtë.

Mateo 13:11

Tääts ja Jesús y'ëtsoowëtë: Miitsëty tëë ja Dios mtuknijawëtë mëti'ipë yu'utsy myëët'ajtypyën jam ma tsajpjotmëpë kutujkënën, e yë ja'ayëty ka'ap tnijawëtë.

Juan 14:16

Ets n'amëtowëpës ja Dios Teety ets tkäxëty ma miitsëtyën ja wiinkpë ja nikajpxtutpë; jä'ä jëtu'un ja Kënu'kxymyëkajtën tëyajtënpë, xëmëpë yajpaata'anyën mëët miitsëty.

Juan 14:17

Mëti'ipë yi'iyë myëmaay myëtajtëpën ja naaxwiinypë ka'ap t'ëxajëja'antë, jä'ä ko ka'ap t'ixtë ets ka'ap t'ixy'atë; e miitsëty m'ixy'ajtëp, jä'ä ko yë'ë yajpaaty mëët miitsëty ets xëmë yajpaata'any ma miitsëtyën.

Juan 14:26

e ja nikajpxtutpë, ja Kënu'kxymyëkajtën mëti'ipë ja Dios Teety kyäxäämpyën ëjts nxëëwkyëjxmës, yë'ë mtuk'ëwaanëjanëtëp tu'kë'ëyë winë ets xyjyä'ämyätstëty wi'ixjaty miits të nëëmëtën.

Juan 16:13

Ko ënety myiny ja Kënu'kxymyëkajtën, mëti'ipë ja tëyajtën yäjkpyën, yë'ë nëjkx tu'kë'ëyë mtuk'ijxpëkëtë ja tëypyë jaantypë, jä'ä ko ka'ap kyë'ëm winma'any tnikajpxa'any, yë'ë nyikajpxäämpy mëti'ipë myëtoopyën ets mtuk'ëwaanëja'anëtë mëti'ipë tunan jatanëpën.

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Juan 6:45

Jëtu'un ja Dios ja kyäjpxynyajxpë y'ënantë: Ni'ëmukë ja Dios tyaj'ijxpëka'any. Paaty mëti'ipë myëtoow'ijtëpën ja Dios Teety ets tjatë mëti'ipë tuk'ijxpëjkëtëpën, ëjts xynyimiintëp.

1 Corintios 2:12

Ëjts, ka'apës ja njot nja'awën jyëtu'unëty ijxtëm ja ja'ayëtyën mëti'ipë yajtuuntëpën ja naaxwiinyëtë winma'any, jëtu'un ja njot nja'awënës ijxtëmës ja Dios të xytyukmëtsokyën koos të xymyo'oy etsës nja'akyukëty ja Dios ja y'oyajtën mëti'ipë ëëtsajtëm të xymyo'oyëmën.

1 Corintios 2:13

Yë'ë nimëtyakëm ja aaw ayuk mëti'ipë ja Dios ja Jya'awën të xytyuknija'awëmën, ka'ap yë'ëty ja naaxwiinyëtë y'ijxpëjkën të xytyuknija'awëm. Jëtu'un ja ja'ay ntukmëmëtyakmëty ja Dios ja y'aaw y'ayuk mëti'ipë ja Kënu'kxymyëkajtën myëët'ajtëpën.

2 Corintios 1:21

Dios tëë tuknipëjktaakë ets ëëtsëty mëët miitsëty tu'ukyë nyajpatmëty mëët ja Kristë, ets kënu'kxy nwë'ëmëty.

Efesios 4:21

miits tëë xymyëtowtë wi'ix ja Kristë yajnimëtyä'äkyën ets tëë xyjyatë wi'ix miitsëty mjuuky'atëtyën ijxtëm yë'ë jyuuky'äjtyën, ijxtëm ja Jesús tyiy'ajtënën.

Colosenses 2:6

Paaty miitsëty, ko tëë ja Wintsën Jesukristë xykyupëktë, jëtu'un mjuuky'attëty ijxtëm yë'ë t'oyjawën.

1 Tesalonicenses 2:13

Paatykyëjxmës xëmë ja Dios nkukajpxëtë, jä'ä ko miits xymyëtowtë ja Dios ja y'aaw y'ayuk mëti'ipës nkajpxwa'kxtën. Jëtu'un ojts xy'ëxajëtë tä Dios yë'ë t'aaw t'ayukëtyën ets ka'ap jyëtu'unëty tä jeexyë nyaaxwiinyëtë ja'ay t'ayukëtyën. E mëtëy jëtu'un, Dios jyänty ayuk'ajtyp, ets jam wyinkëxë'ëky ma miitsëtyën ko mmëpëktë.

1 Tesalonicenses 4:9

E ja tsojkën ja'awën mëti'ipë ja mëpëjkpëtëjk myëët'ajtëpën nixim niyam, ka'ap kyopkpëkyëty ets miits ntuknijayëtëty, jä'ä ko tëë ja Dios kë'ëm mtuknijawëtë wi'ix mnätsyok mnäjyawëtëty nixim niyam.

1 Timoteo 2:7

Paatyës të nyajpëjktä'äky ayuk käjpxynyajxpë etsës yë ja'ay ntuk'ijxpëkëty yë mëpëjkën ets tëyajtën mëti'ipë ka'ap jyutiis'atën. Tëyës n'ëna'any, ka'apës n'antä'äky.

1 Pedro 1:23

Tëë miits jatëkok mëxu'unk'atë; ka'ap yë'ëty ko jam xymyëët'atë ja mteety mtaakëty mëti'ipë o'ktëpën, yë'ë ko ja Dios ja y'aaw y'ayuk të xymyëpëjkëtë, mëti'ipë xëmëkyëjxm ijtpën ets juukyën.

1 Juan 2:28

E tyam, u'unk maayëty, itë tu'ukyë mëët ja Kristë, ets akujk jotkujk npatmëty n'ijxmëty ko ënety myiny jatëkok; nitii tsë'ëkë ets nitiitsëtyu'un ënety nkamëët'ajtëm ko myinëty.

1 Juan 3:24

Pën ja y'ënä'ämën pyatuunëp, yë'ë ënety ja Dios mëët tu'ukyë y'ity. Ja Kënu'kxymyëkajtën mëti'ipë të xymyo'oyëmën, yë'ë xytyuknija'awëm ko yë'ë mëët tu'ukyë nyajpatëmë.

2 Juan 1:2

Paaty ntsoktë njawëtë ko tu'ukyë nmëpëjkëm ja tëyajtën ma njoot'ajt nwinma'an'ajtëmën ets mëti'ipë xëmëkyëjxm nmëët'ata'anëmën.