1 Crónicas 9:1 - Biblia Dc en Mixe de Quetzaltepec

¹ Je'eyëp ko ja ja'ayëty mëti'ipë jyä'äyäjtypyën ja Judá, ojts ja jam tsyo'ontaaynyëtë ma nyaax kyajpnëtyën tsumy matsy, mëët ko ënety ja tuuntëko'oy kajpxtëko'oyën tmëët'atë.

Biblia Mixe de Quetzaltepec

¹ Je'eyëp ko ja ja'ayëty mëti'ipë jyä'äyäjtypyën ja Judá, ojts ja jam tsyo'ontaaynyëtë ma nyaax kyajpnëtyën tsumy matsy, mëët ko ënäty ja tuuntëko'oy kajpxtëko'oyën tmëët'atë.

1 Crónicas 9:1 ပူးပေါင်းရင်းမြစ်များ

Nehemías 7:64

Ya'atë ja'ayëty ojts xyëëw jyayaj'ixta'atë, je'eyëp ko ka'ap maa yajpaty, paaty tyim yajjo'tstë ma ja teety'ätyën.

Nehemías 7:5

Ënätës ja Dios xy'ënëmaay etsës nyajtu'ukmujkta'ajëty ja ja'ay mëti'ipë ijtëpën ma ja nyaax kyajpnëtyën, ja kutuunktëjkëty ets ja naax kajpn ets tu'uk kyojëty ja noky ma yajjaaypyajta'atëty ja ja'ayëty, japts ma nokyën ojts yajpaaty ja ja'ayxyëëwëty mëti'ipë ënety tëëyëp të jya'tën. Ets jap myiinta'ay ja ja'ayxyëëw:

Esdras 2:59

Mëti'ipë tso'ontën jam Tel-mélah, Tel-harsá, Querub, Adón ets Imer, ka'ap yajxon yajnija'awëtyë pën Israel ja'ayën jä'äjëty, jä'ä ko ka'ap tii ja nyokyëty ets ka'ap ojts maa ja xyëëw y'akëxë'ëkëtë ma jaaypyety myintën ja xyëëwëty ja mayjyä'äy, wä'änxyëp ojts je'eyë jëkäm tja'ay'atë ja Israel ja'ayëty; jä'ä xyëëwajtë:

Daniel 1:2

Wintsën ojts kë'ëm tyajkutuky ets Nabucodonosor tmatsëty yë Joaquim ets yë'ë ojts näjyëtu'un tyajkutuky ets Nabucodonosor tyajpëtsëëmta'ajëty jap tsajptëkoty ja apëjk atu'unën mëti'ipë ja Dios jyä'ä'ajtypyën ets jap tpëjktaktaay ja Dios ja y'apëjk y'atu'unën ma ja kyë'ëm tsajptëjkën ma jap y'ityën kanaak ja tios mëti'ipë y'ëwtajtypyën;

Jeremias 39:9

Ok yë Nebuzaradán, tsiptuunpë wintsën, mëti'ipë nyiwintsën'ajtypyën ja këwent'ajtpëtëjk mëti'ipë ja yajkutujkpë kyëwent'ajtëpën, ojts tmënëjkxta'ay tsumy matsy ja ja'ayëty jam Babilonyë, jëtu'un mëti'ipë ënety kajpnjoty të wyë'ëmtën ets mëti'ipë të tpuwa'akëtën ja Caldeo ja'ayëty; tu'kë'ëyë ja naax kajpn tyajnëjkxtaay tsumy matsy.

2 Crónicas 33:11

Paatykyëjxm yë Wintsën tyukniwoowpäjtëtë ja Asiria ja'ayëty ets tmajtstë ja Manasés ets tsumy xoty ojts tyajnëjkxtë jam Babilonyë, mëët pujxntejpxy.

1 Crónicas 8:40

Ulam ja y'u'unk y'ëna'k jotmëkja'ay ijtyëty, tyukjajtëp wi'ix ja tyi'pxn tyajtuntëtyën. May ja y'u'unk y'ëna'këty ets ja y'ok'u'unk y'ok'ëna'këty, nimëko'px ja wëxtyikxy majk nyiwinë'ajtë, aakyë'ë Benjamín y'ok'u'unk y'ok'ëna'k. Jëtu'un'äämpy tëkokyë ja yajkutujkpëtëjk ja xyëëw yajjaaypyäjtë ma ja nokyën, mëti'ipë ja Israel ja'ayëty myëët'ajtëpën.

1 Reyes 14:19

Ja nyikäjpxy nyimëtyä'äky ja Jeroboam, tiijaty tyuunën, wi'ix ojts tsyiptunyën ets wi'ix tyuunyën ko y'ijty yajkutujkpë, jap myiinta'ay këxja'ay ma ja nokyën mëti'ipë yajtijpën Crónicas, ma kyuja'ayëtyën ja tyu'unënëty kyajpxënëty ja yajkutujkpëtëjk.

2 Reyes 24:14

Tsumy tyajnëjkxtaay ja ja'ayëty jampë tsyëënëtën Jerusalén, ja kopktëjkëty ets ja tsiptuunpë wintsënëty; ojts tyajnëjkxta'ay ja ja'ayëty mëti'ipë ijty kojtëpën taktëpën ets mëti'ipë pujxnyaj'o'oyëtëpën; majk mil ojts tyajkä'pxy ja tsumjyä'äy. Jam ma ja kajpnën nitu'uk ja ja'ay ojts kyawë'ëmy, yi'iyë mëti'ipë mëk timy'ëyoowtëpën.

2 Reyes 24:15

Nabucodonosor ojts tsum tyajnëjkxy ja Joaquín, mëët ja y'u'unk y'ëna'k, y'u'unk tyo'oxytyëjk; ja tyaak ets ja tyuunpëtëjk mëët ja y'u'unk tyo'oxytyëjkëty, y'u'unk y'ëna'këty; wyintsëntëjkëty ets ja tsyiptuunpëtëjkëty ets ja ja'ayëty mëj'äämpyë jam të yajpaatën ma ja naax kajpnën. Tsumy nyëjkxtaaytyë jam Babilonyë, jam tsyo'ontë Jerusalén.

2 Reyes 24:16

Ja tsumjyä'äy mëti'ipë ojts ja Babilonyë ja'ay tmënëjkxtën, jä'ä nyiwinë'atë, wëxtujk mil; nitu'kmil ja kojpëty takpëty ets mëti'ipë ja pujxn oyëtypë y'oytyuuntëpën; ëpëky ja ja'ayëty jotmëkëtypë ets mëti'ipë tsip'ixyëtyën.

Esdras 2:1

Ya'atë Judá ja'ayëty yë'ë ojts wyimpitë jatëkok, jam tsyo'ontë Babilonyë, ma ënety ja yajkutujkpë Nabucodonosor të myëët'atëtën tsumy matsy. Ko ojts tpatnë jajëmëjt tääts ojts jatëkok wyimpijnëtë jam Jerusalén ets jam Judá; nitu'ukjaty ojts tpata'atë ja nyaax kyajpnëty.

Nehemías 11:1

Ja kutuunktëjkëty ojts jam jya'të Jerusalén; ja naax kajpn ojts twin'ixtë ja ja'ay pënjaty nëjkxëpën jam Jerusalén, ets tu'ukjaty yajwinju'të ma tu'ukja'aypyën ets nëjkx jam tsyënaaytyaknpëky Jerusalén, ma ja kajpnën mëti'ipë kënu'kxyën ets wa'atsën, e ja nitaxtujkpëty jam ywë'ëmtëty kajpntum ma ja kajpn mutskëtypyën.

Isaías 3:2

Yajkutëkoyäämpy ja jotmëkja'aytyëjk, ja tsiptuunpëtëjk, ja yajkutujkpëtëjk, ja käjpxynyajxpëtëjk, ja najtsja'apëtëjk, ja mëjja'aytyëjk,

Jeremias 13:19

Yë Négueb kajpn tëë ja myëtsip yajnatujkta'ayë; ka'ap ni pën jam nyäxy. Yë Judá ja'ayëty wa'ats të yajmënëjkxta'atë tsumy matsy wiink kë'ëy wiink kajpn, ni'ëmukë të yajmënëjkxta'atë.