1 Crónicas 5:1 - Biblia Dc en Mixe de Quetzaltepec

^1-3 Ja Rubén ja y'u'unk y'ëna'k mëti'ipë ja Israel kyä'äxkopk'ajtypyën, jä'ä xyëëwajtë: Hanoc, Falú, Hesrón ets Carmí. Rubén yë'ë ojts jyakä'äxkopk'aty, je'eyëp ko ojts tyajtëkoy ko ojts ja tyeety ja tyo'oxytyëjk ojts tmëëtko'knaayë, tääts ojts yë'ë ja José tmëwë'ëmy ja kä'äxkopk'ajtën, nän yë'ë Jacob Israel myaank. Je'eyëp ko Judá mëj'äämpy ojts ok pyëtsimy, ma yë'ë jyä'äyën jam tu'uk Wintsën y'ijty, ja José yë'ë myëwë'ëm ja kä'äxkopk'ajtën.

Biblia Mixe de Quetzaltepec

^1-3 Ja Rubén ja y'u'unk y'ëna'k mëti'ipë ja Israel kyä'äxkopk'ajtypyën, jä'ä xyëëwajtë: Hanoc, Falú, Hesrón ets Carmí. Rubén yë'ë ojts jyakä'äxkopk'aty, je'eyëp ko ojts tyajtëkoy ko ojts ja tyeety ja tyo'oxytyëjk ojts tmëëtko'knaayë, tääts ojts yë'ë ja José tmëwë'ëmy ja kä'äxkopk'ajtën, nän yë'ë Jacob Israel myaank. Je'eyëp ko Judá mëj'äämpy ojts ok pyëtsimy, ma yë'ë jyä'äyën jam tu'uk Wintsën y'ijty, ja José yë'ë myëwë'ëm ja kä'äxkopk'ajtën.

1 Crónicas 5:1 ပူးပေါင်းရင်းမြစ်များ

Génesis 35:22

Jam ënety yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënety ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënety jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

Génesis 29:32

Ënet ja Lea ojts wyi'imy u'unk mëët ets ojts tyajmëxu'unk'aty tu'uk yë y'u'unk mëti'ipë xyëëwmooyën Rubén, tä y'ënäny: Tiosës të xy'ixy koos nmony ntuky, paatyës tyam yë Jacob ni'ikës xytsyoka'any.

1 Crónicas 26:10

Yë y'u'unk y'ëna'k yë Hosá, y'u'unk y'ok yë Merarí, jä'ä xyëëwajtë: Simri, mëti'ipë nyikopk'ajtypyën ja myëku'uktëjk, oy ënety kyakä'äxkopkëty, tyeety ojts kë'ëm pyëjktä'äkyë ets tnikopk'atëty ja myëku'uktëjk;

Éxodo 6:14

Ya'atë jëtu'un ojts tnikopk'atë yë jyiiky myëku'ukëty jënu'un tu'ktaak tu'kteety tyu'kmëku'uk'atën. Yë'ë Rubén y'u'unk'ajt y'ëna'k'ajt yë Israel yë myëtu'uk u'unk, mëti'ipë xyëëwajtën Hanoc, Falú, Hesrón ets Carmí, ya'atë jëtu'un jyä'äy'ajt.

1 Corintios 5:1

Jëtu'un yajnijawëy'äty ko tam ma miitsëtyën nitu'uk mëti'ipë ëtëtsnajxpën. Yë'ë mëj tëko'oyën nyäxy ko ja'ay kyutaak to'oxytyëjk'aty. Jampaat jëtu'unpë ka'ap yajkupëky ma ja ja'ayëtyën mëti'ipë ka'ap ja Dios tmëpëktën.

1 Crónicas 2:1

Yë Israel y'u'unk y'ëna'k jä'ä xyëëwajtë: Rubén, Simeón, Leví, Judá, Isacar, Zabulón,

Josue 14:6

Ënet ja Judá ja y'u'unk y'ok ojts nyëjkxtë jam Guilgal ets myëtya'aka'antë mëët ja Josué. Ojts yë Caleb näjyëtu'un nyijkxy mëti'ipë Quenéz ja'ayën, Jefuné yë myaank ets t'ënëmaay ja Josué: Ja'amyäts wi'ix yë Wintsën ojts t'ënëëmën yë Moisés jam Cades-barnea ko ojts ëëtsajtëm nyajnimëtyakëmë.

Deuteronomio 27:20

Poky yë ja'ay wyë'ëmëty mëti'ipë myëët'ajtypyën yë tyeety yë tyo'oxytyëjk. Jä'ä ko tyeety jëtu'un ënety yë myëyajtën wyintsë'kën yajtëkooyëp. Ënet ja ja'ay y'ëtsowtëty: Oy, jëtu'un'atëp.

Deuteronomio 21:17

Ya'atë kä'äxkopk nëjkxëp ni'ik yë kyuma'ayën yajmo'oy mëti'ipë patëpën. Jä'ä ko yë'ë ënety ëka'any yajwinkëxë'kpy ja jyot myëjaaw ja ye'etyëjk mëti'ipë patëpën ets ja kyuma'ayën kujkwä'kxy nyi'ikëty, jä'ä ko yë'ë kä'äxkopk'ajtp.

Génesis 46:8

Ya'atë jëtu'un yë xyëëwëty yë Israel ja'ayëty mëti'ipë ojts nyëjkxtën jap Egiptë, mëti'ipë Jacob y'u'unk'ajt y'ok'ajtën. Yë Rubén mëti'ipë kä'äxkopkën, yë Jacob yë myëtu'uk u'unk.

Génesis 25:23

Tä yë Wintsën y'ëtsoowinpijtë: Jap mjootjoty mäjtsk yë naax kajpn jap mëjëtypë. Mäjtsk yë kajpn jap tsyiptuntë ma naamka'anëm myintënëm naaxwiiny. Tu'uk janty mëk y'ita'any këtiinëm ja wiinkpë. Yë mëjpë yë'ë naxaanp ijxtëm yë mutskpën.

Colosenses 1:15

Ko ja Kristë të yaj'ixy'äty ënät të yajnijawë wi'ix ja Dios y'ixëtyën, jä'ä ko yë Dios ka'ap yaj'ixy; yë'ë myëëtu'uk U'unk'ajtyp ka'anëm ënety tii kyojnyëm.

Génesis 25:31

Ënet yë Jacob y'ëtsooy: Ënet yam nmo'ojëty yë tojkx, pën mkupëjkpy etsës nnaxëty ijxtëmës jeexyë nkä'äxkopk'atyën.

Génesis 48:5

E tyam ënät yë mmaank Efraín ets Manasés, mëti'ipë të myintën naaxwiiny yaa Egiptë, maas ënety ka'anëm nminyëm yaa ma mijts myajpaatyën, ëjts yë njä'ä'ajtëp. Jëtu'unës yë njawëtë tääjës njawëtën yë Rubén ets Simeón.

Deuteronomio 33:17

Ko yë José y'ëna'k'ajty oy mëk ojts jyä'äy'äty, jëtu'un mëk jyä'äy'äjty tä yë tsajpkaa u'unkën, mëk yajpaty, tä tu'uk yë tsajpkaani'kxën tunkëjxmëpë. E yë'ëts ënät tyam miimp ets tjä'ä'ata'any ja naax kam mapaat ja naaxwiinyëtë y'ëwtityën. Yë'ë yaj'antijtëp yë Efraín yë jyä'äy, yë Manasés yë jyä'äyëty.