1 Crónicas 4:1 - Biblia Dc en Mixe de Quetzaltepec

¹ Yë Judá y'u'unk y'ok jä'ä xyëëwajtë: Fares, Hesrón, Carmí, Hur ets Sobal.

Biblia Mixe de Quetzaltepec

¹ Yë Judá y'u'unk y'ok jä'ä xyëëwajtë: Fares, Hesrón, Carmí, Hur ets Sobal.

1 Crónicas 4:1 ပူးပေါင်းရင်းမြစ်များ

Génesis 46:12

Yë Judá jä'ä y'u'unk y'ëna'k xyëëwajtë: Er, Onán, Selá, Fares ets Zara. Er mëët yë Onán jam ënety të y'ooktë Canaán. E yë y'u'unk y'ëna'këty yë Fares jä'ä xyëëwajtë Hesrón ets Hamul.

Génesis 38:29

Ënätyë ojts ja pi'k'ëna'k jatëkok ja kyë'ë t'atijë ets ja myëku'uk jä'ä jëyëjp myiiny naaxwiiny. Paaty ja to'oxytyëjk mëti'ipë ënety putëjkëpën ma ja Tamarën tyajxëëwpejty ja pi'k'ëna'k, mëti'ipë jëyëjp miinën Fares. Jä'ä ko y'ënäny: Tëë yë mtu'u xyajni'ëwaatsë.

Lucas 3:33

yë Aminadab y'u'unk, yë Admín y'u'unk, yë Arní y'u'unk, yë Esrom y'u'unk, yë Fares y'u'unk, yë Judá y'u'unk,

Mateo 1:3

Judá yë'ë teety'ajtë Fares ets Zérah ets Fares ets Zérah yë'ë tyaak'ajtë Tamar. Fares yë'ë teety'ajtë Esrom, Esrom yë'ë teety'ajtë Aram,

1 Crónicas 2:18

Caleb, yë myaank yë Hesrón ojts yë tyo'oxytyëjk Azubá tu'uk yë u'unk maay tyajmëxu'unk'aty, mëti'ipë tyijtën Jeriot. Ojts näjyëtu'un wiinkëtypë y'u'unk tmëët'atë mëti'ipë xyëëwajtëpën: Jéser, Sobab ets Ardón.

1 Crónicas 2:9

Yë y'u'unk y'ëna'k yë Hesrón jä'ä xyëëwajtë: Jerahmeel, Ram ets Quelubai.

1 Crónicas 2:5

Yë Fares y'u'unk y'ëna'k jä'ä xyëëwajtë: Hesrón ets Hamul.

1 Crónicas 2:3

Ja Judá y'u'unk y'ok jä'ä xyëëwajtë: Er, Onán ets Selá. Ja tyaakëty ya'atë nitëkëëkpë ëna'këty, jä'ä ijty xyëëwajtyp Sua, Canaán ja'ay. E yë Er mëti'ipë Judá kyä'äxkopk'ajtypyën ëxëëk ijty jyä'äy'äty paaty ojts yë Wintsën pyëjkëty yë jyuukyajtën.

Rut 4:18

Yaa yë xyëëw myintë kuja'ay mëti'ipë y'u'unk'ajt y'ok'ajtën yë Fares: Fares xyëëwajt yë tyeety yë Hesrón.

1 Crónicas 3:24

Elioenai y'u'unk y'ëna'k, niwëxtujk y'ijtë: Hodavías, Eliasib, Pelaías, Acub, Joahnán, Delaías ets Ananí.

1 Crónicas 4:2

Reaia, myaank yë Sobal, jä'ä myaank xyëëwajt, Jáhat, e Jáhat jä'ä myaank xyëëwajt Ahumal ets Lahad. Yaa jëtu'un ojts tsyoontë yë ja'ayëty mëti'ipë ojts yajtijtën soratitas.

1 Crónicas 2:4

Ja Judá tsyu'u mëti'ipë xyëëwajtypyën Tamar mäjtsk ojts y'u'unk tyajminy tyaja'ty naaxwiiny, tu'uk mëti'ipë xyëëwajtëpën Fares ets tu'uk Zérah. Jä'ä nyiwinë'ajtë ja Judá ja y'u'unk y'ëna'k nimëkoxk.

1 Crónicas 2:7

Yë Carmí y'u'unk y'ëna'k jä'ä xyëëwajt: Acar, mëti'ipë ojts y'ëyo'onpëjktä'äkyën jam ma ja Israel ja kajpnën ko tnixajëy mëti'ipë ënety ja Dios të tni'ënä'ämën ets kyutëkooytya'ajëty.

1 Crónicas 2:50

Ya'atë jëtu'un ojts yë Caleb t'u'unk'aty t'ok'aty. Yë y'u'unk y'ëna'k yë Hur, yë Efrata kyä'äxkopk jä'ä xyëëwajtë: Sobal, mëti'ipë Quiriat-jearim tyeety'ajtën;