1 Crónicas 27:1 - Biblia Dc en Mixe de Quetzaltepec

¹ Ma ya'atën, yë'ë yajnimëtya'akaanp ja ja'ayëty mëti'ipë ojts tnikopk'atën ja y'u'unk y'ëna'këty, y'u'unk tyo'oxytyëjkëty; mëti'ipë nyiwintsën'ajtën ja tsiptuunpëtëjkëty, tuunpëtëjkëty ets mëti'ipë mëët tyuunmujktën ja yajkutujkpë; mëti'ipë yajtijtëpën wintsëntëjkëty ets tu'kë'ëyë mëti'ipë ënety tyu'uwinwoowtëpën ja tsiptuunpëtëjkëty; winpo'ojëty ojts tyuka'ajëtë ets nyäxy jëtu'un ja xëëw jëmëjt. Ja tu'kpëkyjyätypë ja këwent'ajtpëty, i'px majktaxk miljaty ijty yajpëjkta'aktë.

Biblia Mixe de Quetzaltepec

¹ Ma ya'atën, yë'ë yajnimëtya'akaanp ja ja'ayëty mëti'ipë ojts tnikopk'atën ja y'u'unk y'ëna'këty, y'u'unk tyo'oxytyëjkëty; mëti'ipë nyiwintsën'ajtën ja tsiptuunpëtëjkëty, tuunpëtëjkëty ets mëti'ipë mëët tyuunmujktën ja yajkutujkpë; mëti'ipë yajtijtëpën wintsëntëjkëty ets tu'kë'ëyë mëti'ipë ënäty tyu'uwinwoowtëpën ja tsiptuunpëtëjkëty; winpo'ojëty ojts tyuka'ajëtë ets nyäxy jëtu'un ja xëëw jëmëjt. Ja tu'kpëkyjyätypë ja këwent'ajtpëty, i'px majktaxk miljaty ijty yajpëjkta'aktë.

1 Crónicas 27:1 ပူးပေါင်းရင်းမြစ်များ

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

1 Crónicas 28:1

David ojts tyajmujkta'ay jam Jerusalén tëkokyë ja kutuunktëjkëty, kopktëjkëty ets mëti'ipë kyutënaaytyëpën ja myëku'uktëjk; mëti'ipë tsiptuunpë wintsën'ajtëpën ma yajkutujkpën, mëti'ipë wyintënaaytyëpën ja tsiptuunpëty; mëti'ipë tu'kpëkyjyäty wyintënaaytyëpën ja tsiptuunpëtëjkëty, mëti'ipë ja naax kam yajtuknipëjktën tniwintsën'atëty ets ja jëyujk tsajpkaa ets ja y'u'unk y'ëna'këty ets ja ja'ayëty mëti'ipë ijtëpën naaxjoty kajpnjoty ets tëkokyë ja tsiptuunpëtëjkëty.

1 Crónicas 13:1

David ojts tyajtëy ja mëti'ipë nyiwintsën'ajtëpën ja tsiptuunpëtëjk, mëti'ipë wyinye'eytyëpën ja myëku'ukëty, ja mëti'ipë wintsën'ajtëpën,

1 Reyes 5:14

yë ya'atë ja'ayëty yë'ë ojts yajkäxtë ets jam nëjkx tyuntë Líbano, këëktu'uk po'o, nimajk milëty ojts nyëjkxtë. Ya'atë ja'ayëty jä'ä ijty nëjkx jam y'itë tu'uk po'ojatyëty ets mäjtsk po'ojëty y'itë ma tyëjkëtyën. Yë Adoniram yë'ë ojts tnikopk'aty ya'atë tuunk.

1 Reyes 4:27

Ja kutuunktëjkëty mëti'ipë ja xyëëw të yajnikajpxtën, yë'ë ënety winë y'ijxtëp tyuuntëp ma winë tyëkoy'ätyën tu'kpo'ojaty ma ja Salomón ja jyëën tyëjkën ets ma ja wyintsëntëjkën ets tyuunpëtëjkën.

1 Reyes 4:7

Salomón ojts tpëjktä'äky nimajkmäjtsk yë kutuunk mëti'ipë kyëwent'ajtëpën ja naax kajpn mëti'ipëjaty ja Israel kajpn nyitënääpyën ets jä'ä t'ixtëty tuntëty winë këtiipë tii ja yajkutujkpë ja y'u'unk y'ëna'k tyëkoy'ajtxëtëty. Nitu'ukjaty këëktu'uk po'o ijty t'atänëtë.

1 Samuel 8:12

Pënëty nëjkx tpëjktä'äky ets tniwintsën'atëty nitu'kmil ja tsiptuunpë ets mëti'ipë nëjkx tniwintsën'atëty niwëxtyikxymyajk je'eyë. Nëjkxëp näjyëtu'un tpëjktä'äky mëti'ipë ja kyam tyu'u pëjktakxëtëpën ets mëti'ipë nëjkx ja pëjktä'äky tyajpëtë'ëktën; ëpëky nëjkx tpëjktä'äky pën yaj'oyëtëpën ja ti'px, ja ku'umën, ja yenypyujxn ets ja pujxnwintëkäämpë mëti'ipë myëtsiptuuntëpën.

Deuteronomio 1:15

Paatyës ojts nikajpxpety ja ja'ayëty tu'ukjaty ma tu'kkajpnjatypë yajpaatën, mëti'ipë wijyëtyën ets nyijawëtëp ja tuunk ets ojts yë'ëjëty nkutujkënmo'oyës ma miitsëtyën. Tam mëti'ipës ntuknipëjkën twintänëty ja ja'ay nitu'kmilpë, nimëko'pxpë, niwëxytyikxymyajkpë, nimajkpë ets tam mëti'ipë tu'kkajpn ojts je'eyë pyäätyën.

Éxodo 18:25

Ojts twin'ixy ja ja'ayëty mëti'ipë winë oy tyuuntëpën jam ma ja Israel kajpnën ets tmooy ja ënä'ämën kuttujkën ma ja ja'ayëtyën tu'kmiljatypë, nimëko'pxjatypë, niwëxtyikxymyajkjatypë ets ma ja nimajkjatypyën.

1 Crónicas 26:32

Mëët ja myëku'uktëjk, mëti'ipë ënety näjyëtu'un mëj'äämpy ijtëpën; jä'ä nyiwinë'ajtë mäjtsk mil ja wëxtujk mëko'px, aakyë'ë mëti'ipë nyikopk'ajtëpën ja y'u'unk y'ëna'këty y'u'unk tyo'oxytyëjkëty. Tä ja David mëti'ipë yajkutujkpën ojts tuknipëky ets yë'ë twintänëtëty ja Rubén ja jyä'äy ets Gad ets nikujkwä'kxy ja Manasés ja jyä'äy, mëti'ipë yë'ë yajtuknipëjktën ets t'ixtëty tuntëty ets yë'ë tmëmay tmëtajtëty ma ja yajnijawëja'anyën wi'ix tsoky winë ja Wintsën ets ja yajkutujkpë.

1 Crónicas 27:2

Mëti'ipë ojts ëka'any tyuka'ajëtën ja tu'u ënyääyk, yë'ë ojts jam tnikopk'aty ja tsiptuunpëtëjk ja Jasobeam, Zabdiel myaank,

1 Crónicas 29:6

Ënet ja u'u'unkteety u'uunktaakëty ja mëti'ipë nyikopk'ajtëpën ja Israel ja'ayëty, tsiptuunpë wintsënëty, mëjja'aytyëjk, kutuunktëjkëty mëti'ipë nyi'ënä'ämëtyëpën ja tuunk maajaty ja kajpnëty, yajktaaytyë näjyëtu'un ja y'ayajk y'ako'onënëty,

Josue 23:1

Tëë ënety kanaak jëmëjt nyajxnë, ja Dios tëë tmooytyääynyë yë y'it nyaaxwiinyëtëty yë Israel ja'ayëty. Jotkujk ënety yajpatnëtë ets ja Josué mëjja'ay ënätynyë.

2 Samuel 23:8

Yaa jëtu'un ja xyëëw myintë këxja'ay mëti'ipë ja David tsyiptuunpëajtën, jotmëkëtypë: Mëjëyëjp yë'ë kuja'ay miimp yë xyëëw yë Is-boset, Amón ja'ay, mëti'ipë ojts ni'ik këjxm nyijkxyën ma ja nitëkëëkpë ja tsiptuunpën jotmëkëtypë; jä'ä tëkok yë ja'ay tyaj'o'ky mëët yë kyu'umën nituktujk mëko'px.

1 Crónicas 11:10

Ya'atë jëtu'un ojts ja'ayëty mëk ja tsip tpatitë, mëti'ipë David mëët jyëtijtën ets tputëjkëtyë ko yajkutujky, yë'ë näjyëtu'un nämyujkëtë mëët ja wiinkëtypë ja Israel ja'ayëty ets nikajpxpäjtë ja David ets yë'ë yajkutukëty, jëtu'un tä ënety ja Wintsën të t'akäjpxyën.

2 Crónicas 1:2

Ënet tëkok tmëkajpxmujkta'ay ja Israel ja'ayëty: Mëti'ipë nyiwintsën'ajtën ja tsiptuunpëtëjkëty, kutuunktëjkëty, wintsëntëjkëty ets u'unkteety u'unktaak mëti'ipë ënety ijtëpën mëj'äämpy ma ja naax kajpnën.