1 Crónicas 22:5 - Biblia Dc en Mixe de Quetzaltepec

⁵ David tyaa ënety myäy tyäjy: Yë nmaankës Salomón mutsknëm oy, e ja tsajptëjk mëti'ipë yajkojaanpën, mëj mëpaat yajkojy, jëtu'un oy kyëxë'ëkëty ets y'itëty mëj'äämpy ets akäjpxy y'itëty oymyaajëty. Paaty ja David jëjp'ixy winë tyajwë'ëmtaay ma ënety ka'ap y'ookynyëmën.

Biblia Mixe de Quetzaltepec

⁵ David tyaa ënäty myäy tyäjy: Yë nmaankës Salomón mutsknëm oy, e ja tsajptëjk mëti'ipë yajkojaanpën, mëj mëpaat yajkojy, jëtu'un oy kyëxë'ëkëty ets y'itëty mëj'äämpy ets akäjpxy y'itëty oymyaajëty. Paaty ja David jëjp'ixy winë tyajwë'ëmtaay ma ënäty ka'ap y'ookynyëmën.

1 Crónicas 22:5 ပူးပေါင်းရင်းမြစ်များ

1 Crónicas 29:1

Ok ja yajkutujkpë t'ënëmaay ja mayjyä'äy: Yë n'u'unkës Salomoon, ja tu'ukyëpë ja Wintsën të twin'ixyën, mutsknëm yë oy, e ja tuunk mëti'ipë të tyuka'ayën mëjwiin këjää yë'ë, jä'ä ko ka'ap jyëtu'unëty tä ja'ay kutujkëntëjk je'eyë tkoyën, yë'ë Wintsën jyëën tyëjk kyojanëp.

1 Reyes 3:7

Mijts, Wintsën, mëti'ipës n'ëwtajtypyën, mijtsës të xypyëjktä'äky etsës n'ënä'ämëty nyajkutukëty tä ijty tyunyën ja nteetyës David, oyës n'ëk mutsknëmëty ets ka'apës tii oy njaty nnijawë.

Juan 13:1

Tyimpatnëp ënety ja ëmaayxyëëw ets nyija'ap ja Jesús ko tëë ja xëëw jëmëjt tpatnë ets ja naaxwiinyëtë t'ëxmatsa'any ets wyimpita'any ma ja Dios Teetyën. Xëmë ijty tsoky ja y'ijxpëjkpëtëjk mëti'ipë yaajëtyën naaxwiiny ets jëtu'un tsojky mapaat y'o'kyën.

Juan 3:30

Yë'ë, ni'ik wyimpäta'any, e ëjts ni'ikyës naxymyëja'any.

Juan 9:4

Ma tyam jyaakxënyëmëty, kopkpëky ko ntu'unmëty ja tyuunk mëti'ipës të xykexyën. Miimp ja kootsajtën ma ka'ap t'ëkjëkyäpnëtyën ets pën tyunëty.

Lucas 21:5

Jam ënety tëkok ja ja'ayëty tnimëtya'aktë ja mëjtsajptëjk ko janty tsuj kyëxë'ëky mëët ja tsaa mëti'ipë myëët'ajtypyën ets näjyëtu'un mëti'ipë ja ja'ay yojxtëpën ets oy ja tsajptëjk yaj'ixëty. Tääts ja Jesús y'ënäny:

Hageo 2:9

Ya'atë tsajptëjk, mëmäjtskpë yam kyojyën ni'ik oy ni'ik y'ita'any këtiinëm jyëtu'unëty ja mëjëyëjpë. Ënätnëm nëjkx jyää'aty yaa ja jotkujk'ajtën. Ëjts Wintsën, mëti'ipë maaytyääyëpën winë, ëjts ënaanp.

Hageo 2:3

Pënjaty y'ijxtën wi'ix ijty oy yë tsajptëjk kyëxë'ëkyën ets ko t'ijxkijpxtëty mëët mëti'ipë tyamën, ¿mëti'ipë ni'ik oy këxë'kp, këtii jyä'äjëty mëti'ipë ijty tëëyëp jääjënë?

Ezequiel 7:20

Ko të t'oy'ixtë kë'ëjiits kë'ëjän tääts mëj këjxm të nyäpyëjkta'akëtë ets yë'ë të tuk'oytyuntë ëxëëkpë y'awinaxëty. Paatykyëjxm nyaj'awinpitanëtës yë kyë'ëjän kyë'ëjiitsëty tä pu'uxmën.

Isaías 64:11

Ja ntsajp tëjkëtyës ma ijty ja nteety n'apëtyës mwin'ëw mwinya'axëtën, tëë ja tyooytyä'äy. Tu'kë'ëyë mëti'ipë ënety ëëts ntsojktëpën, xit ko'ow të jyajta'ay.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Esdras 3:12

Ja teetytyëjkëty, Leví ja'ayëty ets ja mëjja'aytyëjkëty mëti'ipë ënety të t'ixtën wi'ix ja mëwyiimpë ja tsajptëjk të y'ixë'atyën, ojts tyëkëtë yaxpë, jä'ä yajjoot'amutskëtëp ko ënety jatëkok ja tsajptëjk kyoj'oyëjä'äny. Ëpëky ja wiinkpë jam jyänty xyoonta'aktë.

2 Crónicas 13:7

Ënet ojts ja mayjyä'äy pyuwa'akëty mëti'ipë nuuxëtyën ka'apë tyuna'antën ets ëxëëk ja'ayëty, mëti'ipë ojts timy'ënä'ämtën ja Roboam, Salomón yë myaank, mëët ko ënety myutsknëmëty ets ko ënety wyintse'knyëmëty. Jëtu'un ojts ka'ap myääyë ja Roboam tjëjpkuwa'akëty amëk jotmëk.

2 Crónicas 7:21

Ya'atë tsajptëjk mëti'ipë ënety oy të jyakëxë'ëkyën, je'eyë nëjkx jyaak yaj'ixy tukpotsyën, potsykyutukën; ja ja'ayëty mëti'ipë ënety y'ijxtëpën jëtu'un nëjkx y'ëna'antë: Wi'ix jëtää ko jëtu'un yë Wintsën tyaapë naax kajpn të tuunpë ets o'ktëy ja tsajptëjk të tuunë.

2 Crónicas 2:5

Je'eyëp tëy ko ja tsajptëjk mëti'ipës nkojäämpyën, mëjjës nkoja'any, jä'ä ko yë Wintsën mëj këjää yë ni'ik këtiinëm jyëtu'unëty yë wintsëntëjk jääpë naaxwiinyëtë y'itën.

1 Reyes 9:8

E ya'atë tsajptëjk xit ko'ow nëjkx jyajta'ay, tëkokyë ja ja'ayëty mëti'ipë ënety jam najxtëpën ko t'ijxtëty je'eyë kuyjaam kyo'ownaaynyë ma ja tsajptëjkën, tääts nëjkx je'eyë tjaaknimon tjaaknituktë ets nyäyajtëwëtëty: ¿Wi'ixën ko yë Wintsën yë naax kajpn jëtu'un të tuny ets tsajptëjk xit ko'ow të jyajtaaynyë?

Proverbios 4:3

Ëjts tëëjës näjyëtu'un nmutsk'aty, yë ntaakës mëkës ijty xytsyoky xyjyawë,

2 Crónicas 2:4

E ëjts, yë'ëtsës njaniwinma'ayëp nkoja'anyës tu'uk ja tsajptëjk, ma ëëts yë nWintsën y'itëtyën mëti'ipës nTios'ajtëpën ets yë'ë yajtuknikënu'kxëty, japts yajmo'ojëty ja aay ujts mëti'ipë pa'akxu'kpën mëti'ipë yajyajkpën no'oky xämy, ja tsajpkääky mëti'ipë yajkëxma'kxpën kaaypyäjnkëjxy, ets yajtukwintsë'ëkëty yë jëyujk ooky nino'oky nixämpyë jopy tsuu, ma po'kxënxëëwën ets ma po'o y'aanë'ëkyën ets maajaty ja xëëw tpaatyën mëti'ipë yë Israel ja'ayëty nyixëëwtuuntëpën.

2 Crónicas 2:8

Jam näjyëtu'un xykyäxëty yë ajë kepy mëti'ipë tso'onpën Líbano ets mäjtskpëky yë oy kepy xykyäxëty: tu'uk mëti'ipë yajtijpën amëxan Ciprés ets tu'uk mëti'ipë yajtijpën amëxan Sándalo, ëjts nija'apës ko mja'ay janty oyëty yë kepy tpuxtë tka'atstë jam Líbano. E ëjts yë nja'ayës oyts näjyëtu'un nëjkx tputëkëtë yë mja'ay