1 Crónicas 22:1 - Biblia Dc en Mixe de Quetzaltepec

¹ Paaty y'ënäny yë David: Yaa jëtu'un y'itëty yë Dios ja tsyajptëjk mëti'ipë Wintsën'ajtpën ets ja wintsë'këntyakn ma ja Israel ja'ayëty tyaktëty ja jyëyujk'ooky nino'okpyë.

Biblia Mixe de Quetzaltepec

¹ Paaty y'ënäny yë David: Yaa jëtu'un y'itëty yë Tios ja tsyajptëjk mëti'ipë Wintsën'ajtpën ets ja wintsë'këntyakn ma ja Israel ja'ayëty tyaktëty ja jyëyujk'ooky nino'okpyë.

1 Crónicas 22:1 ပူးပေါင်းရင်းမြစ်များ

2 Crónicas 3:1

Ënet ja Salomón ojts ëka'any tkojtso'ontä'äky ja tsajptëjk, mëti'ipë ja Wintsën tyukmëyoxäämpyën jam Jerusalén, ma nikopkën mëti'ipë yajtijpën Moriah, ma Wintsën ojts tëkok tmëkäjpxyën yë David, Salomón yë tyeety; jam it ma David ojts tnikäjpxyën ko jam ja tsajptëjk nëjkx jëna'a yajkojy, ma ënety jam Ornán ja tsajpmok tyajpajk'atyën, mëti'ipë jepusejë ja'ayën.

Génesis 28:17

Tä yë Jacob mëk tsyë'këy ets myääy tyäjy: Ya'atë itjot janty wa'atstëm yë'ë ets Tiostëm yë jyä'ä. Yaa jëtu'un ja Dios ja jyëën tyëjk. Ma ja tsajp tmëët'atyën ja nyitëjkëtyakn.

2 Reyes 18:22

E pën m'ënantëp miitsëty: yë Wintsën mëti'ipë ëëts nTios'ajtëpën yë'ëjës ntuk'ijxpäjtëp, ¿këtii yë'ëjëty yë Ezequías ja Wintsën ja tsyajptëjk ets ja wyintsë'këntyakn ojts tjijtë'ktaayë ets t'ënëmaay ja naax kajpn ko jämyë mëpaat yë Wintsën yaj'ëwtaty ma ja wintsë'këntyaknën jam Jerusalénkë?

2 Samuel 24:18

Jä'ä xëëw yë Gad ojts tninëjkxy yë David ets t'ënëmaay tyajpëtë'ëkëty tu'uk yë wintsë'këntyakn jam ma ja Arauná ja nyaax kyamën, ma ënety ja tsajpmok tyajpajk'atyën ets jamts ja Wintsën ja wyintsë'kën tmo'ojëty.

Salmos 78:60

ojts t'ëxmatsy ja tsyajptëjk mëti'ipë jamën Siló, mëti'ipë ënety tyëjk'ajtypyën ma ja naaxwiinyëtë ja'ayëtyën.

2 Crónicas 32:12

¿Ti këtii xynyijawëtë ko yë Ezequías tëë tyajma'ta'ay ja tsajptëjk ma ijty miits mtios ëwtatën ets wintsë'këntyakn ets të tni'ënä'ämë ko yë Judá ja'ayëty ets Jerusalén ja'ayëty je'eyë tu'uk yë wintsë'këntyakn tyajwë'ëmtëty ma t'ëwtatëty ja Tyios ets maa tyajtoytyëty ja poomë?

Deuteronomio 12:11

Ja it naaxwiinyëtën mëti'ipë ënety ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.

1 Crónicas 21:30

David ka'ap jam nyëjkxany ets jeexyë ja Wintsën winëjaty tyajtëy, jä'ä ko tëë ënety mëj këjää y'ëtsë'ëkëty ja Wintsën ja kyukäjpxy mëti'ipë myëët'ajtypyën ja tëypyujxn.

Deuteronomio 12:14

Ko tii yë Wintsën xytyukwintsë'ëkëja'antëty, jam xymyo'otëty ma ënety yë'ë kë'ëm të twin'ixyën. Jam nëjkx xytyuntë tëkokyë ya'atë mëti'ipë yam të ntuk'ëwaanëtën.

Mateo 25:16

Ja tuunpë mëti'ipë ja meeny y'ëxajëyën mëkoxk mil, jä'ä ojts tyaj'u'unk'aty nän ja mëkoxk mil.