1 Crónicas 18:3 - Biblia Dc en Mixe de Quetzaltepec

³ David nän ka'ap tyajmëtäky ja Hadad-ézer, jampë Sobá yajkutukyën, jamtsowpë yajpaatyën ma Hamat y'itjotmën, jää ojts ka'ap y'ëkmëtaknë ma ënety tniwa'akanën ja Éufrates mëjnëë itjot.

Biblia Mixe de Quetzaltepec

³ David nän ka'ap tyajmëtäky ja Hadad-ézer, jampë Sobá yajkutukyën, jamtsowpë yajpaatyën ma Hamat y'itjotmën, jää ojts ka'ap y'ëkmëtaknë ma ënäty tniwa'akanën ja Éufrates mëjnëë itjot.

1 Crónicas 18:3 ပူးပေါင်းရင်းမြစ်များ

Génesis 15:18

Jä'ä xëëw ojts ja Dios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

2 Samuel 10:6

Tä ja Amón ja'ayëty ojts tja'akyukëtë ko myëtsiptso'ontëp ja David, paatykyëjxm ojts t'ixta'atë ni''i'px mil ja tsiptuunpë aakyë'ë sirië ja'ay jampë kyukajpn'atën Bet-rehob ets Sobá, ëpëky ojts ja yajkutujkpë Maacá tkäjxpë ja tsyiptuunpëtëjk nitu'kmil ets nimajkmäjtsk mil ja Is-tob ja tsyiptuunpë.

2 Samuel 8:3

David ka'ap ojts tyajmëtä'äky näjyëtu'un ja Hadad-ézer, yë myaank yë Rehob, jampë y'ëne'emyën Sobá, mëti'ipë ënety jatëkok jyä'äpëkäämpyën ja itjot jam Éufrates.

1 Crónicas 18:2

Ojts näjyëtu'un ja Moab ja'ayëty tsyiptuntë mëët yë David, e ka'ap ja David yajmëtakëtë, paaty kopkpëky ko ojts ja këpäjtën xëmë tyaktë ma ja Israel ja'ayëtyën.

1 Crónicas 18:4

David jä'ä ojts jam tpaaty ja pujxnwintëkäämpë mëti'ipë ja'ay myëtsiptuuntëpën tu'uk mil ets ojts tsum tyajnëjkxy niwëxtujk mil ja tsiptuunpë ja'ayëty këwaaykyijxypyë jyëtitën ets i'px mil mëti'ipë tekye'epyën; ëpëky ojts teky tyëjta'ay ja kwaay këtiipë y'ëkpëyë'knëtëty mëti'ipë ënety myëye'eytyëpën ja pujxnwintëkäämpë, je'eyë ojts mëko'px ja pujxnwintëkäämpë tyajwë'ëmy mëti'ipë yajmëtsiptuunpën.

2 Crónicas 8:3

Ënet mëët tsyiptuuny ja Hamat, jampë Sobá kyukajpnëtyën, ets tpëjkëy ja kyajpn.

Esdras 4:20

jam Jerusalén ojts jam yajkutujkpëtëjk y'itë mëti'ipë mëk yajkutujktën ma it naaxwiinyëtën mëti'ipë yajpatpën ma xëëw pyëtsimyën, ma ja Éufrates mëjnëëjën, yë'ëjëty xëmë ijty myeenyyaktë jam Jerusalén.

Salmos 60:1

Mëëtkyëjxm ko të mjoot'anpëky, mijts Dios, paaty ëëtsëty të xy'ëxmatstë, ixpëky ixtuny të xyajwë'ëmtës; e tyam ënät, tun yë mëyajtën mooytyëkës jatëkok ja jot mëjaaw.

Salmos 60:2

Mijts të xyajkutuky ets ja naaxwiinyëtë yu'kxëty ets y'ëwa'atsëty; e tyam yaj'ëtuk jatëkok ma të kyiitsyën, jä'ä ko jëtu'un kyëxë'ëky ni'ikyë yowë y'atëkooynyë.

Éxodo 23:31

Yë mtsëpa'anëty jam tsyoonëty ma mëjnëë jyënäkyën mëti'ipë xyëëwajtypyën Tsaptsmejy ets jam jya'tëty ma myëjnëë nyaxtën yë filistejë ja'ayëty; jam tsyoonëty yë wiinkpë ma të'ëts'itjotmën ets jam jya'tëty ma Éufrates mëjnëëjën. Ëjts nkë'ë'ëjotyës tääpë ja'ayëty të mpëjktakta'atë, mëti'ipë jam tsënaaytyëpën ma tääpë it naaxwiinyëtën ets mijts nëjkx jam xy'ëxkäjxtaaynyë.

1 Samuel 14:47

Jëtu'un'äämpy ja Saúl jatëkok tpaty ja kyutujktakn ma ja Israel kajpnën ets janaam jatsojk ojts tsyippaaty mëët ja myëtsiptëjk: ja Moab ja'ayëty, ja Amón ja'ayëty, ja Edom ja'ayëty, ja mëjkutujkpë mëti'ipë jam ënä'ämpën Sobá ets ja filistejë ja'ayëty. Oy ma tyimtsippaty xëmë ijty myëtä'äky.