1 Crónicas 17:9 - Biblia Dc en Mixe de Quetzaltepec

⁹ Tëës ëpëky tu'uk naax nwin'ixy ma Israel ja'ayëtyën ets jam të naaxmo'otës, jëtu'un kyë'ëm naaxjoty y'itëty, ma ka'ap ni pën myëmayëtëty ets ni'ëxëëkja'aytyëjk kyayajtsipkä'äxëtëty tä ijty tëëyëpën.

Biblia Mixe de Quetzaltepec

⁹ Tëës ëpëky tu'uk naax nwin'ixy ma Israel ja'ayëtyën ets jam të naaxmo'otës, jëtu'un kyë'ëm naaxjoty y'itëty, ma ka'ap ni pën myëmayëtëty ets ni'ëxëëkja'aytyëjk kyayajtsipkä'äxëtëty tä ijty tëëyëpën.

1 Crónicas 17:9 ပူးပေါင်းရင်းမြစ်များ

Apocalipsis 21:4

Yajtëkooytya'ajäämpy ja Dios tu'kë'ëyë ja jë'ëyën yaxën ets ka'ap ma nyäky'ita'any ja o'kën tëko'oyën, ni ja amay jotmay ets ni ja pëjkën ato'onën, jä'ä ko mëti'ipë të y'ityën, tëë ja nyäxy.

Efesios 5:6

Këtii pën mnätyukwin'ëënëtëty mëët ja aaw ayuk mëti'ipë ka'ap tyunyën; jä'ä ko yë'ëkyëjxm jëtu'un ja Dios ja tsyäätsy tyu'unën myina'any ma ja ja'ayëtyën mëti'ipë ka'ap të myëmëtoyën.

Ezequiel 28:4

Mëët ja mwijyajtën ets ko winë xyjäty xynyijawë paaty të mkumeenytyä'äky, tëë xyaj'ujtsta'ay yë m'apëjkën mëët yë pu'ts pujxn ets poop pujxn.

Salmos 44:2

Mijts ojts kë'ëm xy'ëxkexy yë ja'ayëty mëti'ipë ënety y'ëwtajtëpën wiink tios, ëxëëk ojts xytyuny yë naax kajpn ets xy'ëxwojpy ets jam xyajtsënaaytyaknpëjky ja n'ap n'okëtyës.

Éxodo 2:23

Jëtu'un nyäjxy ja xëëw po'o, ja yajkutujkpë mëti'ipë ënety jap të y'ëne'emyën Egiptë ojts ja y'o'knë. E ja Israel ja'ayëty je'eyëm ënety jap mëk jyänty y'ëyowtë ets xëmë je'eyë kyumon kyutukëtë mëët ja nätyiytyunë jap Egiptë. Yë Dios ojts tmëtoow'ity ko jap Israel ja'ayëty jyë'ëtë ya'axtë.

Amós 9:15

Jä'ä ko jam nëjkx nyajtsëënëja'antë kyë'ëm naaxjotmëty ets ka'ap nëjkx nijëna'a jam pën y'ëkyajtso'onënëtë ma ja naaxwiinyëtën mëti'ipës ënety të nmo'otën. Dios, mëti'ipë Wintsën'ajtpën yë'ë jëtu'un ënaanp.

Ezequiel 37:25

Jam nëjkx tsyëënëtë ma ja naax kajpnën mëti'ipës nmooyën yë ntuunpës Jacob, ma ojts näjyëtu'un tsyëënëtën yë y'ap y'okëty. Jam nëjkx tsyëënëtë xëmë ets näjyëtu'un yë y'u'unk y'ëna'këty ets y'u'unk y'okëty; yë ntuunpës David yë'ë nëjkx xëmë yajkutuky.

Ezequiel 34:13

Nëjkxëpës jam nyajtsoontë wiink naax wiink kajpn, nyajtu'ukmukantëpës etsës nyajnëjkxa'antë ma kyë'ëm naax kyë'ëmkajpnëtyën. Jamës nyajnëjkxa'antë jë'kxpë pëjkpë jë'kxyotm ma Israel kopkën, ma wokjotmën ets maajaty yë Israel tnitänën yë naaxwiinyëtë.

Jeremias 32:41

Ëjts oyës nëjkx nnäjyawëty ko ënety oy jyuuky'atë, winë aaw winëjot nëjkx yaa nyajtsëënëtës ma ya'atë naax kajpnën.

Jeremias 24:6

ëjts n'ijx'itäämpy nkëwent'atäämpy ets nyajwinpitantëpës jatëkok ma ya'atë naax kajpnën. Yaajës nyajjotkujkëja'antë ets ka'ap nijëna'a n'ëkyajkutëkoyanës; ni'ikyës nkoja'an npäna'antë ets ka'ap nëjkx n'ëkwijxë'knëtës.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Isaías 60:18

Ma mnaax mkajpnën ka'ap nëjkx nijëna'a y'ëkyajmëtoownë jëën tsip, ka'ap nëjkx naax kajpn y'ëkkutëkooynyë ets xit ko'ow y'ëkjajnë; jä'ä nëjkx ja mpotsy yajtijy yajnitsokpë ets ja mtëjk'aaw mëjpëjktakën.

Isaías 49:17

Ja ja'ayëty mëti'ipë ja mnaax mkajpn kyoj'o'oyëtyëpën, yajxon pe'tym tyuunëtë këtiinëm jyëtu'unëty mëti'ipë jyijtëpën ja naax kajpn; tëë ja tsyo'ontaaynyëtë mëti'ipë të mja'ëxëëktuna'anëtën.

Salmos 92:13

Kojy peny jam yajpaatë ma Wintsën yë tsyajptëjkën; ets janty'oy yaj'ixtë ko pyëjtë ma Dios yë tyëjkën, mëti'ipë nTios'ajtëmën.

Salmos 89:22

Ka'ap yë myëtsip myäyä'änyë, yë ëxëëkja'aytyëjk ka'ap myëmëta'aka'anyë.

1 Crónicas 17:8

ëjts xëmës mijts të njämyëët'aty oy maa të mtimnyijkxy, tëë ja mmëtsip nyajkutëkooytyä'äyës ets mijts mëj'äämpy të nyajnaxy, jëtu'un tä ja'ayëtyën mëti'ipë mëj'äämpy ijtëpën yaa naaxwiiny naaxkëjxy.

1 Crónicas 17:10

Koos mpëjktäky yë ja'ayëty mëti'ipë tsip'ixyëtyën ets yë'ë nnaax nkajpnës tu'uwinye'eytyëty. Ëjts jëtu'unyës nëjkx ja mëtsip njaamteeny naaxteeny. Ets tyam ntuk'ëwaanë koos nyajmayëjäämpyës yë m'u'unk m'ëna'k,