1 Crónicas 17:7 - Biblia Dc en Mixe de Quetzaltepec

⁷ E paaty yam n'ënëëmë ets xy'ënëëmëty yë ntuunpës David, ko ëjts, ja Wintsën mëti'ipë maaytyääyëpën winë, jëtu'unës n'ëna'any: Ëjts ojts mijts njuuty ma ënety myajpaatyën jëtu'un tä muum yë pax jëtyu'u majts'ity y'itën ets ma ënety je'eyë mkupixyny këwent'atyën ets mijts ja naaxës nkajpnës xynyikopk'ajtëty;

Biblia Mixe de Quetzaltepec

⁷ E paaty yam n'ënëëmë ets xy'ënëëmëty yë ntuunpës David, ko ëjts, ja Wintsën mëti'ipë maaytyääyëpën winë, jëtu'unës n'ëna'any: Ëjts ojts mijts njuuty ma ënäty myajpaatyën jëtu'un tä muum yë pax jëtyu'u majts'ity y'itën ets ma ënäty je'eyë mkupixyny këwent'atyën ets mijts ja naaxës nkajpnës xynyikopk'ajtëty;

1 Crónicas 17:7 ပူးပေါင်းရင်းမြစ်များ

2 Samuel 6:21

Tä ja David y'ëtsooy: Tëyajtën yë'ë; tëëjës njanty'etsy njantypyuty, je'eyëp ko Wintsën wyintumës të n'ety të mputy mëti'ipës të xywin'ixyën ijxtëm jeexyë ja mteetyën, ëkë pën mëku'ukën, etsës n'ënä'ämëty ja nyaax kyajpn, yë Israel kajpn. E paatykyëjxmës n'ety akujk jotkujk.

Lucas 5:10

Näy tam ënety ja Santiagë ets ja Juan, Zebedeo myaank, Simón Pedro myëku'uk ets ja Jesús t'ënëmaay ja Simón Pedro: Këtii mtsë'ëkë, tyam ja'ay mijts matsäämpy wi'ix ja nitsokën tpaatëtyën.

Mateo 2:6

Mijts Belénkëtë kajpn, Judea y'itjotmëtë, ka'ap mijts mnanëkookajpnëty ma tääpë naaxën, jä'ä ko jam tu'uk ja yajkutujkpë pyëtsëma'any mëti'ipë tyu'u wyinye'eyäämpyën yë n'Israel kajpnës.

2 Samuel 7:8

E paaty ënëëmë yë ntuunpës David, ko ëjts, mëti'ipë Wintsën'ajtpën, mëti'ipë maaytyääyëpën winë, n'ënëëmës: Ëjts mijts të njuuty jam kemyjotm maa ënety xëmë xykyëwent'atyën yë mkupixyny, mtsajppax ets yë'ë xëmë mpajëtijtyp; tëë mpëjktä'äky ets m'itëty wintsën ets kopk maas nnaax nkajpnën, Israel kajpn;

1 Samuel 17:15

je'eyë nëjkx jam kyääky yäky ma ja Saúl ja ja'ajtakn jam tmëët'atën mëët ja tsyiptuunpëtëjk. Ja David ënätyë ijty wyimpijtkojnë jam Belén ets ja tyeety ja tsyajppax ets ja kyupixyny tkëwent'ajtë.

1 Crónicas 17:6

Ix nu'unës mëët jeky të njëtitë, nitu'ukën ojts pën nka''amëtoyës mëti'ipë ojts tu'uwinye'eytyën ja nnaax nkajpnës ets tkojtëty ja ntsajptëjkës mëët yë oy kepy oytsyaa.

1 Crónicas 17:8

ëjts xëmës mijts të njämyëët'aty oy maa të mtimnyijkxy, tëë ja mmëtsip nyajkutëkooytyä'äyës ets mijts mëj'äämpy të nyajnaxy, jëtu'un tä ja'ayëtyën mëti'ipë mëj'äämpy ijtëpën yaa naaxwiiny naaxkëjxy.

2 Crónicas 6:6

e ëjts ojtsës nwin'ixy yë Jerusalén ets jam yajmëjjawëty yë nxëëwës ets nwin'ijyxës yë ntuunpës David ets yë'ë tu'uwinye'eyëty yë naax nkajpnës.