1 Crónicas 17:1 - Biblia Dc en Mixe de Quetzaltepec

¹ Ko ja David ënety të tpatnë ja kyutujktakn, ënät t'ënëmaay ja Natán, ja käjpxynyajxpë: Ëk'ix, ëjts tëkotyës n'ity ets janty'oy ja jëën tëjk maas nyajpaatyën, e yë Wintsën ja jyëën tyëjk je'eyë ja oywyi'ix wyitnitëyëty.

Biblia Mixe de Quetzaltepec

¹ Ko ja David ënäty të tpatnë ja kyutujktakn, ënät t'ënëmaay ja Natán, ja käjpxynyajxpë: Ëk'ix, ëjts tëkotyës n'ity ets janty'oy ja jëën tëjk maas nyajpaatyën, e yë Wintsën ja jyëën tyëjk je'eyë ja oywyi'ix wyitnitëyëty.

1 Crónicas 17:1 ပူးပေါင်းရင်းမြစ်များ

1 Crónicas 17:5

Maju'unëm jap mtso'ontën Egiptë, ëjts ka'apës nijëna'a muum tsajptëkoty të n'ity, je'eyës ja ntëjk witnikemyë muum yajpëjktakojy ets janaam jatsojk muum yajmënëjkxy.

1 Crónicas 15:1

David ojts tni'ënä'ämë ets tkojtëty ja tëjk ma ja David ja myëjkajpnën, ojts näjyëtu'un tni'ënä'ämë ets tkojtëty tu'uk ja wit tëjk ma ja Dios ja kyaaxë y'itëtyën.

Hageo 1:9

Miitsëty may winë xytsyoktë ets wäänë xypyaatë; mëti'ipë jap mtëkoty mjapëjkë'ktëpën, tu'kxejyës je'eyë nyajkëjxta'ay. ¿Wi'ix jëtää ko jyëtu'unëty? Jä'äkyëjxm koos yë njëën ntëjk axit ako'owë yajpaaty, e miitsëty yi'iyë mëmaay mëët'ajtëp wi'ix mjëën mtëjk xyaj'utstëtyën. Ëjts Wintsën, ëjts ënaanp.

Hageo 1:4

¿E miitsëty wi'ix m'ëna'antë, tëë jëtää tpaaty ja nyixëëw ma ja mjëën mtëjk oy xykyojëty ets jotkujk m'itëty oyës ja ntëjk taj xity yajpaatyë?

Daniel 4:4

Ëjts Nabucodonosor, jotkujkës ënety jam njuuky'äty maas yë nkutujktaknën ets nitiijës ënety nkamëmay nkamëtajy.

Jeremias 22:15

¿Jëtu'un mmay mtajyë ko tu'uk yajkutujkpë ajë kepynyawopy mëpaat y'ëne'emyë? Yë mteety oy ojts jyuuky'äty jä'äkyëjxm ko oy ojts winë tnipaye'ey ets mëtëy win tuuny, paatykyëjxm jotkujk jyuuky'äjty.

Salmos 132:5

pën ka'apës yë Wintsën yë tyëjk npatë, mëti'ipë Jacob y'ëwtajtën.

2 Crónicas 1:4

Yë David tëë ënety tmëtsoony yë Wintsën yë kyaaxë jam Quiriat-jearim ets ënety të tmënëjkxy jam Jerusalén ma tu'uk ja wit tëjkën mëti'ipë të tukni'oytyunën.

1 Crónicas 29:29

Yë nyikäjpxy nyimëtyä'äky yë David ma yajkutujkyën, wi'ix tsyo'onë'ky tsyo'ontäkyën ets wi'ix jyëjpkëjxyën, jap kuja'ay myiinta'ay ma ja nokyën mëti'ipë jyä'ä'ajtëpën yë käjpxynyajxpë Samuel, yë käjpxynyajxpë Natán ets mëti'ipë jyä'ä'ajtypyën yë käjpxynyajxpë Gad,

1 Crónicas 16:1

Ja kaaxë ojts ja yajmënëjkxy ets ojts yajpëjktä'äky ma tu'uk ja wit tëjkën mëti'ipë ënety David të tnipëjktaakën. Ko jëtu'un y'ëkwintu'upëjktaay, tä ja wintsë'kën ojts tyaktë mëti'ipë nino'oky nixämyën ets mëti'ipë yajyajkpën ko ja nay'ëëw'oy näykyajpx'oyë y'ity mëët ja Dios,

1 Crónicas 14:1

Ënet ja Tirë yajkutujkpë, mëti'ipë txëëwajtpën Hiram, tkejxy ja tyuunpë jam ma ja David yajpaatyën ets ojts tkexy näjyëtu'un ja tsäjtspë, pojtspë, tsaa ets kepy oyëtypë mëti'ipë jam yajtunantëpën ma ja David ja tyëjk kyojja'anyën.

1 Reyes 1:44

ets tëë tni'ënä'ämë ets teety Sadoc mëët yë Natán, käjpxynyajxpë; teety Benaías, yë Joiadá myaank ets Queret ja'ayëty, peleteos ja'ayëty, tjämyëët'atëty yë Salomón; tëë tyajpatë jam jëyujkëjxy, mëti'ipë ijty tyuk'u'unyääpyën ja yajkutujkpë.

1 Reyes 1:23

ets ja yajkutujkpë yajtuk'ëwa'anëy. Ko ja Natán mëti'ipë ja Wintsën ja y'aaw y'ayuk nyikajpxëpën jam twinkuwa'këy ja yajkutujkpë, ënät wyintäky nyaaxkooy, tyajnikëxë'ëky jëtu'un ja näywyinkutsë'kën,

1 Reyes 1:8

E kajts ojts tuk'ëwaanë ja teetytyëjkëty mëti'ipë xyëëwajtëpën Sadoc, Benaías, myaank yë Joiadá ets nän ka'ap tnija'awëy ja Natán mëti'ipë ja Wintsën ja y'aaw y'ayuk y'akajpxëpën ets ni yë'ë Simí kyayajwooy mëti'ipë ënety mëët ja yajkutujkpë oy nyäjyawëtyën, mëti'ipë myëtuuntëpën ja yajkutujkpë, nän ka'ap tu'ukën tnija'awëtyë ja tsiptuunpëtëjk mëti'ipë mëj'äämpy ijtëpën.

2 Samuel 12:25

jëtu'un ja David yajtuknija'awëy, yë Natán yë'ë tuk'ëwa'anëyë. Mëët ko ja David ënety të tja'akyukë wi'ix ja Wintsën y'ënë'ëmxëtyën paaty ojts ëpëky txëëwmo'oy ja mëxu'unk Jedidías.

2 Samuel 12:1

Yë Wintsën ojts tkexy yë tyuunpë Natán ets nëjkx t'ixy ja David. Ko Natán jam jyä'äjty ma ja David jam yajpaatyën, ënät t'ënëmaay: Ma tu'uk yë naax kajpnën jam ijty nimäjtsk yë ja'ay yajpaatë. Tu'uk kuwit kumeeny ets tu'uk ëyoop jotëkoopy.

2 Samuel 6:17

Ja Wintsën ja kyaaxë jap ojts yajpëjktä'äky ma të yajnipëjktaakën, ma tu'uk ja wit tëjkën mëti'ipë ënety ja David të tuknikojën. Ënet ja David ojts tyäky ja wintsë'kën ma Wintsënën, tyajnitooy ja tsajpkaa kanaak, ma t'ëëwkëxy tkajpxkëxyën ja tsip äkë mëët ja Wintsën,

Hechos 7:46

Ja David ojts ja Dios y'oyjyawëty, paaty t'amëtooy ets tyuk'ëwaanëtëty maa nëjkx jyuuky'atën ja Jacob ja y'u'unk y'ëna'k;

1 Reyes 8:17

E yë David, mëti'ipës nteetyajtën, ojts jya'ëna'any ets jeexyë tu'uk tkojy ja tsajptëjk, mëti'ipë ja Wintsën yajtukmëjjawëpën, mëti'ipë yë Israel ja'ayëty y'ëwtajtëpën.

1 Crónicas 17:2

Ets ja Natán y'ëtsooy: Mijts mnija'ap tii mtunäämpy, yi'iyë ko xytyuknipëjktaakëty, yë Wintsën mputëkëtëp yë'ë.

1 Crónicas 22:7

jëtu'un t'ënëmaay: U'unk maay, ëjts jëtu'unës ënety të nja'ëna'any koos nkoja'any ja Wintsën ja jyëën tyëjk.

1 Crónicas 28:2

Ënet ja David wya'akë'ky ets y'ënäny: Mëtoow'ijtëkës jëëkyëty mëku'ukëty ets miits naax kajpnëty: Ëjts jä'äs ënety të nmay të ntajy nkoja'anyës tu'uk yë tëjk ma Wintsën yë kyaaxë yajpëjkta'akëtyën ma xëmë y'itëtyën ets jam yajkutukëty; e tëëtsës ënety njanipëjktakëtyä'äy tiijaty tunaanpën.

Éxodo 26:1

Oytyun tu'uk yë tsajptëjk, majkwitsy xyajtunëty yë linë wit awiity, ukywyit, tsu'unk wit ets tsaptswit; jam xykyëxjo'okëty yë tsajpjotmëtë kukäjpxy y'awinax.

1 Crónicas 22:6

Ënet ojts tyaxtsoy ja myaank Salomón ets nyimiinë, tä t'ënëmaay ko yë'ë nëjkx jëna'a tkojy ja tsajptëjk, mëti'ipë tyëjk'atëpën ja Wintsën Dios mëti'ipë Israel ja'ayëty y'ëwtajtëpën,