1 Crónicas 16:4 - Biblia Dc en Mixe de Quetzaltepec

⁴ David ojts näjyëtu'un tnikajpxpety ja Leví ja'ayëty mëti'ipë y'ijx'itëpën ja Wintsën ja kyaaxë, mëti'ipë xëmë jam kajpxta'aktëpën ets yajnaxtëpën ja kukkajpxën ja'awëkyëtakkën ma ja Wintsën Tiosën mëti'ipë y'ëwtajtëpën ja Israel ja'ayëty.

Biblia Mixe de Quetzaltepec

⁴ David ojts näjyëtu'un tnikajpxpety ja Leví ja'ayëty mëti'ipë y'ijx'itëpën ja Wintsën ja kyaaxë, mëti'ipë xëmë jam kajpxta'aktëpën ets yajnaxtëpën ja kukajpxën ja'awëkyëtakën ma ja Wintsën Tiosën mëti'ipë y'ëwtajtëpën ja Israel ja'ayëty.

1 Crónicas 16:4 ပူးပေါင်းရင်းမြစ်များ

Salmos 106:48

Kënu'kxy yë Wintsën yë xyëëw y'itëty, mëti'ipë yë Israel ja'ay Tyios'ajtëpën xëmëkyëjxm. Wä'än ni'ëmukë t'ënaanta'atë: Oy'atëp jëtu'un. Tukxoontä'äky mëjjawë Dios yë xyëëw nyaxëty.

Salmos 105:5

Yë'ë ja'amyätstë wi'ix winë mëj këjää të tuny të tkäjpxyën ets ja y'aaw y'ayuk mëti'ipë të tmëtyä'äkyën;

Salmos 103:2

Tu'ukyë aaw tu'ukyë jot yë Wintsën nkënu'kxyjyawëja'anyës, ka'apës nijëna'a nja'atyëkoyä'äny yë y'oyjyot y'oywyinma'any.

Salmos 72:18

Kënu'kxy mëjjawë yë Dios y'ity, yë Wintsën, mëti'ipë yë Israel ja'ay Tyios'ajtypyën, yë tu'ukyëpë mëti'ipë mëj këjää winë tyuunpyën;

Salmos 70:1

Dios, mëti'ipës nTios'ajtypyën, minës yajtsok. Wintsën, minës tsojkyë putëjkëk.

Salmos 37:1

Këtii mjoot'anpëkëty ko jyää'atë ëxëëkja'aytyëjk, këtii xy'ëxëëk'ixëty yë ja'ay mëti'ipë ëxëëk ëtëtstëp ënantëpën,

1 Crónicas 24:3

Paatykyëjxm ja David ojts tpëjkwä'kxy ja ja'ayëty ets tuk'ëwa'anëtyääy tiijaty tyuntëpën, yë'ë mëët nyäpyutëjkëyë Sadoc, Eleazar y'u'unk y'ok ets Ahimélec, Itamar y'u'unk y'ok,

1 Crónicas 16:8

Kukajpxëtë ja'awëkyëta'aktë ja Wintsën. Nikajpxtë ja xyëëw. Tuk'ëwaanëtë ja naax kajpn wi'ix winë tuny tkäjpxyën.

1 Crónicas 15:16

Ojts näjyëtu'un ja David tni'ënä'ämë ets twin'ixtëty ja ja'ay ma ja Levíjën mëti'ipë ëwtëp ya'axtëpën ets jä'ä xyu'uxtët wyoptëty, tpëjkta'aktëty ja mëto'owën mëti'ipë yajkëxë'ëktëpën ko jyam'aty ja jotkujk'ajtën.

1 Reyes 8:15

y'ënäny: Yë Wintsën kënu'kxy yë xyëëw y'ity mëët ko të tpatuny ja y'aaw y'ayuk tä tukwinwa'anëyën ja David, yë nteetyës, ko t'ënëmaay:

Génesis 33:20

Ënet näjyëtu'un t'oytyuuny tu'uk ja wintsë'këntyakn ets tyajxëëwpejty El-Elohé Israel.

Génesis 32:28

Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Dios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

Génesis 17:7

Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

1 Crónicas 6:31

Ya'atë ja'ayëty, yë'ë ojts jap tsajptëkoty y'ëwtë ya'axtë mëti'ipë David kë'ëm pyëjktakën, maju'unëm yajpëjktä'äkyën jap ja Wintsën ja kyaaxë.

1 Crónicas 16:3

tääts tyajkaaytyääy tëkokyë ja Israel ja'ayëty, ye'etyëjk, to'oxytyëjk.

1 Crónicas 16:5

Yë'ë ojts yajpëjktä'äky ets ja myëku'uktëjk tnikopk'atëty, ja Asaf ets ok ja Zacarías; tääts näjyëtu'un yë Jeiel, Semiramot, Jehiel, Matatías, Eliab, Benaías, Obed-edom ets Jeiel, mëti'ipë myëët'ajtëpën ja kyowëty, xyuxnëty, ja y'akëty, Asaf yë'ë ijty yaj'ënäämpy pujxn'awojpmujk,

1 Crónicas 25:1

Ja David ets ja mëjja'aytyëjk, mëti'ipë ënety myëtuuntëpën ja Wintsën, ojts ëpëky tmo'otë ja tyuunk ja Asaf ja y'ëna'k, Hemán ets Jedutún, mëti'ipë ijty y'akajpxtëpën tii ja Wintsën tyunäämpyën ëkë wi'ix ja aaw ayuk ënety tyaka'anyën; yë'ëjëty yë'ë ijty mëët tyuntë ja xuxn, kow, ak, ets pujxn akojxmujk. E tsyaats myiny këxja'ay ja xyëëwëty mëti'ipë jëtu'unpë ja tuunk yajtuknipëjktën.

2 Crónicas 5:13

Ënet tyëjkëtyë tu'knax xuxpë wojpë, ëëpë yaxpë; tukxoonta'aktë ja Wintsën ja xyëëw ets tyajnaxtë ja kukkajpxën ja'awëkyëtakkën; ja xuxn, ja ak ets ja pujxn awojpmujk jä'ä ja ëy tyukpa'ënantëp, jëtu'un y'ëna'antë: Win'ëw winya'axtë yë Wintsën, jä'ä ko oy yë'ë ets tsojkp ja'ap xëmëkyëjxm. Jää ma ënety jam jëtu'un y'ëwtën ënät ja Wintsën ja myëj'ajtën tkejxy jap tsajptëkoty, jëtu'un tyajnaaxkëtäky tä tu'uk yoots nëma'ajën,

Esdras 3:10

Ko ja tëjk tuunpë tyajtso'ontaktë ja potsy'ëjx ma ja Wintsën ja tsyajptëjk kyoja'anyën, ja teetytyëjkëty ojts wya'akë'kta'atë ets tyëjkëtyë yaxmujk jojkmujkpë mëët ja xyuxnëty. Ja Leví ja'ayëty mëti'ipë ja Asaf y'u'unk'ajty y'ok'ajtypyën jä'ä yaj'ënantëp ja platillos mëti'ipë tyukpa'ënantëpën ma ja Wintsën tkuuy'ëw tkuuya'axtën, mëti'ipë ënety ja David të tyajkutukyën, mëti'ipë ënety yë'ë yë Wintsën të tyuk'ëne'emyën.

Nehemías 12:24

Yë Leví ja'ay yë kyopktëjkëty jä'ä xyëëwajtë: Hasabías, Serebías, Josué, Binuy ets Cadmiel ets ja myëku'uktëjkëty jam ijty tyimyajpaatë ma ja tyuunkëtyën ets yë'ë twin'ëw twinya'axtë ja nWintsën'ajtëmë mëti'ipë nTeety'ajt nKoonk'ajtëmën ko tyuka'ajëtë, jëtu'un tä tni'ënä'ämëyën ja David, mëti'ipë myëtuunën Wintsën.