1 Crónicas 15:3 - Biblia Dc en Mixe de Quetzaltepec

³ Tä tyajtu'ukmujktaay ja Israel ja'ayëty jam Jerusalén ets tyajtsoona'antë ja Wintsën ja kyaaxë, tmënëjkxa'antë jam ma ënety të tnipëjktaakëtën.

Biblia Mixe de Quetzaltepec

³ Tä tyajtu'ukmujktaay ja Israel ja'ayëty jam Jerusalén ets tyajtsoona'antë ja Wintsën ja kyaaxë, tmënëjkxa'antë jam ma ënäty të tnipëjktaakëtën.

1 Crónicas 15:3 ပူးပေါင်းရင်းမြစ်များ

1 Crónicas 13:5

David ojts tyajmujkta'ay ja Israel ja'ayëty, jam tsyo'ontäky Sihor ma ja Egiptë mëët nyäpyaatëtën ets tyimja'ty jam ma txëëwatyën Hamat, ja Dios ja kyaaxë jä'ä yajtsoonantëp.

1 Reyes 8:1

Ënet ja Salomón ojts tyajtu'ukmuky jam Jerusalén ja mëjja'aytyëjkëty ets kopktëjkëty mëti'ipë ja jyiiky myëku'uk nyikutuunk'ajtëpën, jampë yajpaatën ma ja Israel kajpnën; yë'ë yajtsoonantëp ja Wintsën ja kyaaxë jam Jerusalén, ma ja David ja kyajpnën.

1 Crónicas 15:1

David ojts tni'ënä'ämë ets tkojtëty ja tëjk ma ja David ja myëjkajpnën, ojts näjyëtu'un tni'ënä'ämë ets tkojtëty tu'uk ja wit tëjk ma ja Dios ja kyaaxë y'itëtyën.

2 Samuel 6:12

Ko ja David yajtukmëmëtyäky wi'ix ënety ja Obed-edom mëj këjää jam ja näkyënu'kxë tpaatyën ma jyëën tyëjkën ets ma yë'ëjën, ënät ojts nyijkxy akujk jotkujk ets jam tmëtsoona'any ja kaaxë ets tyajnëjkxa'any jam Jerusalén.

1 Crónicas 15:12

tä t'ënëmaay: Miitsëty mëku'uktëjkëty ma xynyikopk'atën ja mnaax mkajpnëty, myajpëjktsowtë ets mnäpyuj mnäjyä'ätsëtëty, näjyëtu'un ja mjëëky mëku'ukëty ets tjëkyäpëty wi'ix ja Wintsën ja kyaaxë xyajtsoonëtëtyën ets yajmënëjkxëty ma të yajni''ixën;

2 Samuel 6:17

Ja Wintsën ja kyaaxë jap ojts yajpëjktä'äky ma të yajnipëjktaakën, ma tu'uk ja wit tëjkën mëti'ipë ënety ja David të tuknikojën. Ënet ja David ojts tyäky ja wintsë'kën ma Wintsënën, tyajnitooy ja tsajpkaa kanaak, ma t'ëëwkëxy tkajpxkëxyën ja tsip äkë mëët ja Wintsën,

Éxodo 40:20

Ojts ja Moisés t'apëkë ja tsaatsetsy ma myinyën ja ënä'ämën tëyajtën jap kaaxëjoty mëti'ipë myë'ijtypyën ja käjpxytyu'unën ets ja kaaxë ojts ja nyiwitsë tpëjktäky, näjyëtu'un ja nyi'akë'ë mëti'ipë yajtuk'ajupëpën ets tmënëjkxy jap ma ja Dios ja jyëën tyëjkën, ojts tkutëëytyä'äy ja wit'atëëytyuk ets t'atëëytyujky ja kaaxë, jëtu'un ijxtëm ënety ja Wintsën të tni'ënä'ämën.

1 Crónicas 13:2

ets tukmëtooy ja naax kajpn, ja Israel ja'ayëty, tä t'ënëmaay: Pën miitsëty oy xymyëtowtë, ets pën ja Wintsën xypyutëjkëmë, oy ets jeexyë ntukmëto'owta'ayëmë ja nmëku'uk'ajtëmë Israel ja'ayëty, mëti'ipë jam muum kajpntum yajpatëpën, tääts ja teetyëjkëty ets ja Leví ja'ayëty, mëti'ipë jam yajpatëpën ma nyaaxjot kyajpnjotëtyën, ma tkëwent'atën ja jyëyujk tsyajpaxëty, yaj'ënëëmëtëty ko jeexyë xypyuwa'këmë,

1 Crónicas 16:1

Ja kaaxë ojts ja yajmënëjkxy ets ojts yajpëjktä'äky ma tu'uk ja wit tëjkën mëti'ipë ënety David të tnipëjktaakën. Ko jëtu'un y'ëkwintu'upëjktaay, tä ja wintsë'kën ojts tyaktë mëti'ipë nino'oky nixämyën ets mëti'ipë yajyajkpën ko ja nay'ëëw'oy näykyajpx'oyë y'ity mëët ja Dios,

2 Crónicas 1:2

Ënet tëkok tmëkajpxmujkta'ay ja Israel ja'ayëty: Mëti'ipë nyiwintsën'ajtën ja tsiptuunpëtëjkëty, kutuunktëjkëty, wintsëntëjkëty ets u'unkteety u'unktaak mëti'ipë ënety ijtëpën mëj'äämpy ma ja naax kajpnën.

2 Crónicas 1:4

Yë David tëë ënety tmëtsoony yë Wintsën yë kyaaxë jam Quiriat-jearim ets ënety të tmënëjkxy jam Jerusalén ma tu'uk ja wit tëjkën mëti'ipë të tukni'oytyunën.

2 Crónicas 5:2

Ënet ja Salomón tyajmujktaay jam Jerusalén ja mëjja'aytyëjk ja kopktëjkëty ets ja yujkyä'kpëtëjkëty mëti'ipë ijtëpën jam ma Israel ja'ayëtyën ets tyajtsoona'antë ja Wintsën ja kyaaxë jam Sión, tmënëjkxa'antë ma ja David ja kyajpnën.