1 Crónicas 15:2 - Biblia Dc en Mixe de Quetzaltepec

² Ënet ja ënä'ämën ojts tyajwë'ëmy ets y'ënäny: Ka'ap tjëkyepy ni pën tonëty yë Wintsën yë kyaaxë, yi'iyë Leví jyä'äy patëtëp tontëty, jä'ä ko yë'ë kë'ëm yë Wintsën të wyin'ixëtë ets jam xëmë tyuntëty ma yë'ëjën.

Biblia Mixe de Quetzaltepec

² Ënät ja ënä'ämën ojts tyajwë'ëmy ets y'ënäny: Ka'ap tjëkyepy ni pën tonëty yë Wintsën yë kyaaxë, yi'iyë Leví jyä'äy patëtëp tontëty, jä'ä ko yë'ë kë'ëm yë Wintsën të wyin'ixëtë ets jam xëmë tyuntëty ma yë'ëjën.

1 Crónicas 15:2 ပူးပေါင်းရင်းမြစ်များ

Deuteronomio 10:8

Ënet ojts yë Wintsën twin'ixy yë Leví y'u'unk y'ëna'k ets yë'ë tkë'ëtëty ja kaaxë mëti'ipë myë'ijtypyën ja käjpxytyu'unën ets tukwinkukëyëtëty ja Wintsën, ko tii wintsë'kën yajmo'oja'anëty, ijxtëm tyampaat tuntën.

Deuteronomio 31:9

Ënet yë Moisés tjaaypyejty ya'atë ënä'ämën ets tukë'ëtëjkëy yë Leví ja'ayëty mëti'ipë teety'ajtëpën jä'ä xëëw jëmëjt, mëti'ipë kyiiyjyëtijtëpën ja kaaxë, ma ja käjpxytyu'unën yajpaatyën mëët ja Wintsën ets näjyëtu'un tukë'ëtëjkëy ja mëjja'aytyëjkëty jampë yajpaatën ma ja Israel kajpnën.

Josue 6:6

Ënet ja Josué ojts tmëkajpxmujkta'ay ja teetytyëjkëty ets t'ënëmaay: Mënëjkxtë yë kaaxë mëti'ipë yë käjpxytyu'unën myë'ijtypyën, mëti'ipë yë Dios jyä'ä'ajtypyën; niwëxtujk jam mnäwyimpiwëtëty mëti'ipë jëjp'am nëjkxtëpën ma ja kaaxë yajmëye'eyën ets yë'ë tyukxu'uxtëp ja tsajppaxwaj.

Josue 3:3

Ojts ja ënä'ämën tyajwë'ëmtë ma ja Israel ja'ayëtyën ets y'ënantë: Ko xy'ixtëty yë Leví ja'ayëty tmëtsoontë yë Dios yë kyaaxë, miitsëty ënätyë xypyatsoontëty.

Isaías 66:21

Nëjkxëpës npëjktä'äky pën teety'atëpën ets pën Leví ja'ay'atëpën. Ëjts, mëti'ipë Wintsën'ajtpën, ëjts ënaanp.

2 Crónicas 35:3

E ja Leví ja'ayëty mëti'ipë yaj'ijxpëjktëpën ojts ya'atë aaw ayuk tmo'oy: Pëjkta'aktë yë Wintsën yë kyaaxë jap tsajptëkoty, ma ja tsajptëjkën mëti'ipë Salomón kyojën, David yë myaank, mëti'ipë yajkutujkën jam Israel. Këtiipë nëkoo kejkyijxy xy'ëkëëyjyëtijnëtëty, tyam yi'iyë yë Wintsën ëmuumtu'ukjot mmëtuntë ets nyaax kyajpn.

2 Samuel 6:13

Je'eyë ënety të tmënajtswa'akëtë tëtujk teky, ko ja David jam tu'uk ja wintsë'kën tyäjky Wintsën wintum, ojts tu'uk tyaj'ooky yë tsajpkaa yä'äypyë ets tu'uk yë tsajppax.

Éxodo 25:14

Jap xytyijnaxëty ma ja nyijäänë'ëkën ënety të xykyëxwopyën mäjtsk'atu'umëty ets yë'ëts mëët yajtukëëyë'ëkëty.