1 Crónicas 15:1 - Biblia Dc en Mixe de Quetzaltepec

¹ David ojts tni'ënä'ämë ets tkojtëty ja tëjk ma ja David ja myëjkajpnën, ojts näjyëtu'un tni'ënä'ämë ets tkojtëty tu'uk ja wit tëjk ma ja Dios ja kyaaxë y'itëtyën.

Biblia Mixe de Quetzaltepec

¹ David ojts tni'ënä'ämë ets tkojtëty ja tëjk ma ja David ja myëjkajpnën, ojts näjyëtu'un tni'ënä'ämë ets tkojtëty tu'uk ja wit tëjk ma ja Tios ja kyaaxë y'itëtyën.

1 Crónicas 15:1 ပူးပေါင်းရင်းမြစ်များ

1 Crónicas 16:1

Ja kaaxë ojts ja yajmënëjkxy ets ojts yajpëjktä'äky ma tu'uk ja wit tëjkën mëti'ipë ënety David të tnipëjktaakën. Ko jëtu'un y'ëkwintu'upëjktaay, tä ja wintsë'kën ojts tyaktë mëti'ipë nino'oky nixämyën ets mëti'ipë yajyajkpën ko ja nay'ëëw'oy näykyajpx'oyë y'ity mëët ja Dios,

Salmos 132:5

pën ka'apës yë Wintsën yë tyëjk npatë, mëti'ipë Jacob y'ëwtajtën.

1 Crónicas 15:3

Tä tyajtu'ukmujktaay ja Israel ja'ayëty jam Jerusalén ets tyajtsoona'antë ja Wintsën ja kyaaxë, tmënëjkxa'antë jam ma ënety të tnipëjktaakëtën.

Hechos 7:46

Ja David ojts ja Dios y'oyjyawëty, paaty t'amëtooy ets tyuk'ëwaanëtëty maa nëjkx jyuuky'atën ja Jacob ja y'u'unk y'ëna'k;

2 Samuel 14:24

Je'eyëp ko ja yajkutujkpë jä'ä ojts t'ënëëmë ja Joab ets nitëyë ja Absalón jam tyajnëjkxëty ma tyëjkën, ko këtii jam yë'ë wyintum tyajminëty; paaty ja Absalón nitëyë ojts nyijkxy ma ja tyëjkën ets ka'ap t'ijxy ja yajkutujkpë.

2 Samuel 5:9

Ko ya'atë kajpn ojts tnitëkëtë ets yë'ë myëtaktë, jam ojts yë David tsyënaaytyaknpëjknë ets tyajxëëwpejty, David yë kyajpn, ya'atë kajpn ojts yajxon tnapotstë, jap ja potsy tyimtso'ontäky naax'ëjxy ets tyimja'ajty jam ma ja kutujkëntëjkën.

2 Samuel 6:17

Ja Wintsën ja kyaaxë jap ojts yajpëjktä'äky ma të yajnipëjktaakën, ma tu'uk ja wit tëjkën mëti'ipë ënety ja David të tuknikojën. Ënet ja David ojts tyäky ja wintsë'kën ma Wintsënën, tyajnitooy ja tsajpkaa kanaak, ma t'ëëwkëxy tkajpxkëxyën ja tsip äkë mëët ja Wintsën,

1 Crónicas 6:31

Ya'atë ja'ayëty, yë'ë ojts jap tsajptëkoty y'ëwtë ya'axtë mëti'ipë David kë'ëm pyëjktakën, maju'unëm yajpëjktä'äkyën jap ja Wintsën ja kyaaxë.

1 Crónicas 15:12

tä t'ënëmaay: Miitsëty mëku'uktëjkëty ma xynyikopk'atën ja mnaax mkajpnëty, myajpëjktsowtë ets mnäpyuj mnäjyä'ätsëtëty, näjyëtu'un ja mjëëky mëku'ukëty ets tjëkyäpëty wi'ix ja Wintsën ja kyaaxë xyajtsoonëtëtyën ets yajmënëjkxëty ma të yajni''ixën;

2 Samuel 6:12

Ko ja David yajtukmëmëtyäky wi'ix ënety ja Obed-edom mëj këjää jam ja näkyënu'kxë tpaatyën ma jyëën tyëjkën ets ma yë'ëjën, ënät ojts nyijkxy akujk jotkujk ets jam tmëtsoona'any ja kaaxë ets tyajnëjkxa'any jam Jerusalén.

2 Crónicas 1:4

Yë David tëë ënety tmëtsoony yë Wintsën yë kyaaxë jam Quiriat-jearim ets ënety të tmënëjkxy jam Jerusalén ma tu'uk ja wit tëjkën mëti'ipë të tukni'oytyunën.

2 Crónicas 5:2

Ënet ja Salomón tyajmujktaay jam Jerusalén ja mëjja'aytyëjk ja kopktëjkëty ets ja yujkyä'kpëtëjkëty mëti'ipë ijtëpën jam ma Israel ja'ayëtyën ets tyajtsoona'antë ja Wintsën ja kyaaxë jam Sión, tmënëjkxa'antë ma ja David ja kyajpnën.