1 Crónicas 14:2 - Biblia Dc en Mixe de Quetzaltepec

² Jëtu'un ja David tnija'awëy ko tëë ënety ja Wintsën tjanty tyuknipëjktaakë ets yë'ë yajkutukëty ma ja Israel kajpnën, jä'ä ko y'ijxyp ko aak'oy winë wyinpëtsë'ëm jyëjpëtsë'ëmxëty ma ja kyutujktaknën.

Biblia Mixe de Quetzaltepec

² Jëtu'un ja David tnija'awëy ko tëë ënäty ja Wintsën tjanty tyuknipëjktaakë ets yë'ë yajkutukëty ma ja Israel kajpnën, jä'ä ko y'ijxyp ko aak'oy winë wyinpëtsë'ëm jyëjpëtsë'ëmxëty ma ja kyutujktaknën.

1 Crónicas 14:2 ပူးပေါင်းရင်းမြစ်များ

Daniel 2:30

Ëjts tëëjës näjyëtu'un nyajtuknijawë ya'atë winma'any mëti'ipë miimp këtakpën, ka'ap yë'ëjëty koos ni'ikës nwijyëty këtiinëm ja wiinkëtypë ja ja'ay, yë'ëkyëjxmës të nyajtuknijawë etsës ntukmëmëtya'akëty yë yajkutujkpë wyinkuma'ay wi'ix nyiwijyën ets tnijawëty tja'akyukëty wi'ix ja jyot wyinma'any y'ënä'änyën.

Ester 4:14

Pën mijts ka'ap tyam wi'ix m'ëna'any ets amonyë m'ity, ja Jutiiyë ja'ayëty wä'änxyëp wiinktsow tpaatëty pën yajtso'okëtëpën, je'eyëp ko nijawë yajxon ko mijts ets mjëëky mmëku'uk kopkpëky ko m'o'kta'atëty. Mijts ka'ap xynyijawë, wä'änxyëp jam të mja'ty ma kutujktaknën ets tyam xypyutëkëty ja mjëëky mmëku'uk ma yajpaatën ëyo'ontum jotmaytyum.

2 Crónicas 2:11

Ënet ja Hiram, ojts tu'uk ja noky tkäjxwinpity, ma t'ënëmaayën ja Salomón: Yë Wintsën, yë'ë të mpëjktä'äkyë ets m'ënä'äm myajkutukëty ma ja Israel kajpnën, mëët jä'äkyëjxm ko mëk tsoky tjawë ja nyaax kyajpn.

1 Reyes 10:9

Kënu'kxy mëjjawë yë mWintsën y'ity, ko të mo'oyë ja oyajtën ets ja kutujktakn ma ja Israel ja'ayëtyën. Mëëtkyëjxm ko ja Wintsën oy tsoky tjawë yë nyaax kyajpn. Paaty mijts të mpëjktä'äkyë yajkutujkpë ets xytyu'uwinwowëty mëët ja tëyajtën jaanty'ajtën.

2 Samuel 7:16

Yë mtëjk ets mkutujkën mëj'äämpy nëjkx xëmë y'ity, jä'ä ko ëjtsës ntimmyajts'itäämpy ets näjyëtu'un yë mkutujktakn xëmë y'ijtëwëty kojy mä'kxy.

1 Crónicas 17:17

Mëët mijts wäänë jëtää xy'ixy ko winë xymyo'oyës, ix tëë yë'ëpaat xytyukwinwa'anënyës wi'ixës nëjkx ja n'u'unk y'ok yajkutuktë ma ja mnaax mkajpnën ets xypyëjktä'äkyës tä jeexyë nëkooyë mëj'ajtën këjxm'ajtën nmëët'ajtnës.

2 Samuel 7:8

E paaty ënëëmë yë ntuunpës David, ko ëjts, mëti'ipë Wintsën'ajtpën, mëti'ipë maaytyääyëpën winë, n'ënëëmës: Ëjts mijts të njuuty jam kemyjotm maa ënety xëmë xykyëwent'atyën yë mkupixyny, mtsajppax ets yë'ë xëmë mpajëtijtyp; tëë mpëjktä'äky ets m'itëty wintsën ets kopk maas nnaax nkajpnën, Israel kajpn;

Deuteronomio 28:1

Pën mjantymyëmëtoopyën yë mWintsën ets mpatuunëp ja y'ënä'ämën tyiyajtën, mëti'ipë tyam të ntuk'ëne'emyën, yë Dios mëj myajnaxa'anyë ets akäjpxy nëjkx muum m'ity wiink naax wiink kajpn.

1 Crónicas 14:1

Ënet ja Tirë yajkutujkpë, mëti'ipë txëëwajtpën Hiram, tkejxy ja tyuunpë jam ma ja David yajpaatyën ets ojts tkexy näjyëtu'un ja tsäjtspë, pojtspë, tsaa ets kepy oyëtypë mëti'ipë jam yajtunantëpën ma ja David ja tyëjk kyojja'anyën.

1 Crónicas 14:3

Ojts David wiinkpë ja to'oxytyëjk tpëky t'uuky, jam Jerusalén ets wiinkpë y'u'unk y'ëna'këty myiintë jyajtë naaxwiiny ye'etyëjkpë to'oxytyëjkpë.

2 Crónicas 2:10

E mijts yë'ëts mnijawëp, koos ntukniyakëjäämpyës mtuunpëtëjk mëti'ipë ja'axy pyujxtëp ets kepypyujxtëp, ëjts yë'ëjës nyakäämpy taxk millon ja taxk mëko'px mil mëjtsim yë tsajpmok, näjyëtu'un mutsk mok ets taxk mëko'px ja wëxtyikxy myëjtsim yë uuky ets näjyëtu'un yë on.