1 Crónicas 13:5 - Biblia Dc en Mixe de Quetzaltepec

⁵ David ojts tyajmujkta'ay ja Israel ja'ayëty, jam tsyo'ontäky Sihor ma ja Egiptë mëët nyäpyaatëtën ets tyimja'ty jam ma txëëwatyën Hamat, ja Dios ja kyaaxë jä'ä yajtsoonantëp.

Biblia Mixe de Quetzaltepec

⁵ David ojts tyajmujkta'ay ja Israel ja'ayëty, jam tsyo'ontäky Sihor ma ja Egiptë mëët nyäpyaatëtën ets tyimja'ty jam ma txëëwatyën Hamat, ja Tios ja kyaaxë jä'ä yajtsoonantëp.

1 Crónicas 13:5 ပူးပေါင်းရင်းမြစ်များ

1 Samuel 6:21

Ënet ja käjpxy tkäjxtë jam Quiriat-jearim ets t'ënëmaaytyë ja ja'ayëty jampë kyukajpn'atën: Yë filistejë ja'ayëty tëë jatëkok tyajwinpitë ja Wintsën ja kyaaxë, paaty miits yam npëjktsowtë ets xynyimintëty tääts xymyënëjkxtëty.

1 Reyes 8:65

Näy jä'ä xëëw ja Salomón ojts tnixëëwtuny ja tëjk xo'ompyë mëët tëkokyë ja may Israel ja'ayëty. Mayjyä'äy ënety jam yajpatp, ojts myiinta'atë ja mëti'ipë jam tsënaaytyëpën Hamat ets jampaatpë tsyëënëtën ma ja Egiptënaax mëët nyäpyaatëtën. Wëxtujk xëëw wëxtujk tsu'um xyëëwtuuntë, ëpëky ojts kyä'pxy majkmajkts xëëw.

2 Samuel 6:1

Ënet ja David ojts tyajmujkta'ay tëkokyë ja tsyiptuunpëtëjk aak win'ixy tyajmujky, jampë ma ja Israel kajpnën ets jä'ä nyiwinë'ajtë, i'px majk mil,

1 Crónicas 15:3

Tä tyajtu'ukmujktaay ja Israel ja'ayëty jam Jerusalén ets tyajtsoona'antë ja Wintsën ja kyaaxë, tmënëjkxa'antë jam ma ënety të tnipëjktaakëtën.

1 Crónicas 13:6

Tääts jam ni'ëmukë nyëjkxtaaytyë Quiriat-jearim, ma näjyëtu'un yajtijyën Baalá, ma ja Judá ja y'itjotmën, mëët tëkokyë ja Israel ja'ayëty ets tyajtsoona'antë ja Dios ja kyaaxë ma ja xyëëw yaj'ëwtaty yaja'amyetsyën, mëti'ipë myëët'ajtypyën ja y'ënyääytyakn itkujky ma yajpaatën ja Wintsën ja kyukäjpxy.

1 Reyes 4:21

Yë Salomón wäänë mëj ijty muum ja kyutujkën yajnikäjpxy, këtiinëm jyëtu'unëty ja wiinkëtypë ja kutujkëntëjk; jampaat ja kyutujktakn y'ëwtijty ma nëëjoy yajtijyën Éufrates ets nyäxy ma ja filistejë ja'ayëtyën; tyimja'ty jam Egiptë. Tëkokyë ja ja'ayëty aak ayajk aak ako'onëtyëp ijty mapaat ja Salomón yajkutujkyën.

Jeremias 2:18

¿Tii ënät mtimpyaat mtimy'ixëp ko mnëjkxëty jap Egiptë ets xy'uukëty ja Nilë nëë? ¿Tii ënät mtimpyaat mtimy'ixëp ko mnëjkxëty jam Asiria ets xy'uukëty ja Éufrates nëë?

Josue 9:17

Ko jëtu'un tnija'awëtyë ënät tnitso'ontë, kom tëkëëk xëëw jam jyajtë ma ja kyajpnëtyën ja Gabaón ja'ayëty, jä'ä ja kajpn txëëwatë Gabaón, Quefirá, Beerot ets Quiriat-jearim.

1 Samuel 7:1

Ënet ojts jam jyänty jya'të ja Quiriat-jearim ja'ayëty ets tyajtso'ontë ja Wintsën ja kyaaxë. Ko jam tmëja'ajtë kyajpntum jam ojts tpëjkta'aktë ma ja Abinadab ja tyëjkën, jam ijty tunkëjxm tsyëënë; ets tkënu'kxtë ja myaank mëti'ipë xyëëwajtypyën Eleazar ets yë'ë tkëwent'atëty.

1 Crónicas 13:4

Tu'kë'ëyë ja naax kajpn oy ojts ja winma'any tmëtowtë ets jëtu'un yajtunëty.

Isaías 23:3

ets mëjnëëjot. Jam ijty myeenypyaatë Sihor ets Nilë ko ja aaypyajk ujtspajk tjuytyë, ets jam tooktë ma wiinkëtypë kajpnën.

1 Samuel 7:2

I'px jëmëjt ja kaaxë jam y'ijty Quiriat-jearim ets ja Israel ja'ayëty yajxon t'ixtaaynyëtë ja Wintsën ja pyutëjkën.