1 Crónicas 13:3 - Biblia Dc en Mixe de Quetzaltepec

³ e jëtu'un tjëkyäpëty nyajmi'inmëty ja Dios ja kyaaxë, e ijxtëm yaj'ixy yajtunyën ijxtëkoy ja'atyëkoy y'ijnë maju'unëm yë Saúl yajkutukyën.

Biblia Mixe de Quetzaltepec

³ e jëtu'un tjëkyäpëty nyajmi'inmëty ja Tios ja kyaaxë, e ijxtëm yaj'ixy yajtunyën ijxtëkoy ja'atyëkoy y'ijnë maju'unëm yë Saúl yajkutukyën.

1 Crónicas 13:3 ပူးပေါင်းရင်းမြစ်များ

1 Samuel 23:2

tääts ja Wintsën ojts tmëkäjpxy ets tyajtëëy: ¿Wintsën, m'a'ijxëpë etsës nëjkx ntsiptuny mëët yë filistejë ja'ayëtyë? Ets ja Wintsën y'ëtsooy: Nëjkx, nëjkx mëët mtsiptuny ets nitsiptun yë Keilá kajpn.

1 Samuel 22:15

¿Tëkokëmës jëtää yam yë Dios nmëkajpxa'anyë mëët yë'ëkyëjxmë? Këtii jëtu'unpë winma'any xypyääty Wintsën. Paaty këtii nëkoo xynyiwaanpety ya'atë mtuunpë mëët yë jyiiky myëku'uk, jä'ä ko ëjts ka'apës nijawë jëtu'unpë winma'any.

1 Samuel 22:10

Yë Ahimélec tëë yë Wintsën tmëkäjpxy mëët ja David kyëjxm, tëë näjyëtu'un tmo'oy yë jë'kx pëky ets ja Goliat ja yenypyujxn.

1 Samuel 14:36

Tä ja Saúl ok t'ënëmaaytyääy ja ja'ay ko kyääytyääy y'uktaaytyë: Tyam tsojk nitëjkëmë yë filistejë ja'ayëty ya'atë tsu'um ets mpëjkëtyä'äymyëty mëti'ipë myëët'ajtëpën, koonëm xyiinyëty ets ni pën nkayajwë'ëmëty juuky. Ets y'ëtsootaaytyë ja ja'ayëty: Tun mëti'ipë oy mmääpy mtäjpyën. E ja teety tyaa y'ëtsooy: Je'eyëp tëy ko tsojk jëyëjp ja Dios n'ëkyajtë'ëwëmë.

1 Samuel 14:18

E jä'ä xëëw tam ënety tmëët'ajtëpë ja Dios ja kyejky yä'äp mëti'ipë mëët winë tuknijawëtën. Paatykyëjxm ja Saúl t'ënëmaay ja Ahías: Yajmin yë kejky yä'äp mëti'ipë yë Dios jyä'ä'ajtypyën.

Salmos 132:6

Jam Efrata ojts yajnikäjpxy y'ity ja kaaxë mëti'ipë ja käjpxytyu'unën myë'ijtypyën, ets tyam jam yajpaaty winwa'atstum ma ja Jaar y'itjotmën.

1 Crónicas 13:2

ets tukmëtooy ja naax kajpn, ja Israel ja'ayëty, tä t'ënëmaay: Pën miitsëty oy xymyëtowtë, ets pën ja Wintsën xypyutëjkëmë, oy ets jeexyë ntukmëto'owta'ayëmë ja nmëku'uk'ajtëmë Israel ja'ayëty, mëti'ipë jam muum kajpntum yajpatëpën, tääts ja teetyëjkëty ets ja Leví ja'ayëty, mëti'ipë jam yajpatëpën ma nyaaxjot kyajpnjotëtyën, ma tkëwent'atën ja jyëyujk tsyajpaxëty, yaj'ënëëmëtëty ko jeexyë xypyuwa'këmë,

1 Crónicas 13:4

Tu'kë'ëyë ja naax kajpn oy ojts ja winma'any tmëtowtë ets jëtu'un yajtunëty.

1 Crónicas 15:13

jä'ä ko ojts tëkok jyayajmëtsoona'any, ka'ap myiitsëty xymyëtso'ontë, paaty yowë ojts yë Wintsën jyoot'anpëky ets ojts ja nmëku'uk'ajtëm y'o'knëtë jä'ä ko ka'ap ojts jëyëjp ja Wintsën yaj'amëtoy wi'ix yajtunëtyën.