1 Crónicas 13:2 - Biblia Dc en Mixe de Quetzaltepec

² ets tukmëtooy ja naax kajpn, ja Israel ja'ayëty, tä t'ënëmaay: Pën miitsëty oy xymyëtowtë, ets pën ja Wintsën xypyutëjkëmë, oy ets jeexyë ntukmëto'owta'ayëmë ja nmëku'uk'ajtëmë Israel ja'ayëty, mëti'ipë jam muum kajpntum yajpatëpën, tääts ja teetyëjkëty ets ja Leví ja'ayëty, mëti'ipë jam yajpatëpën ma nyaaxjot kyajpnjotëtyën, ma tkëwent'atën ja jyëyujk tsyajpaxëty, yaj'ënëëmëtëty ko jeexyë xypyuwa'këmë,

Biblia Mixe de Quetzaltepec

² ets tukmëtooy ja naax kajpn, ja Israel ja'ayëty, tä t'ënëmaay: Pën miitsëty oy xymyëtowtë, ets pën ja Wintsën xypyutëjkëmë, oy ets jeexyë ntukmëto'owta'ayëmë ja nmëku'uk'ajtëmë Israel ja'ayëty, mëti'ipë jam muum kajpntum yajpatëpën, tääts ja teetyëjkëty ets ja Leví ja'ayëty, mëti'ipë jam yajpatëpën ma nyaaxjot kyajpnjotëtyën, ma tkëwent'atën ja jyëyujk tsyajpaxëty, yaj'ënëëmëtëty ko jeexyë xypyuwa'këmë,

1 Crónicas 13:2 ပူးပေါင်းရင်းမြစ်များ

1 Samuel 31:1

Ënet ja filistejë ja'ayëty ojts tyëkëtë tsiptuunpë mëët ja Israel ja'ayëty, ja Israel ja'ayëty ka'ap ojts myëta'aktë mëët ja filistejë ja'ayëty, ojts ja kyäknëtë, jä'ä ko may ënety ja jyä'äyëty të nya'o'knëtë jam kopkëjxm ma txëëwatyën Guilboa.

Isaías 37:4

Jääpëk jeexyë yë mWintsën të tmëtoy wi'ix të y'ënä'änyën tääpë Asiria ja'ay mëti'ipë tsiptuunpëtëjk nyiwintsën'ajtypyën, ma ëxëëkjaty të tnikäjpxyën yë Dios juukpyë ets tëytyunëty ijxtëm pyaat'atyën, yë'ë Wintsën, Dios mëti'ipë mTios'ajtypyën tëë tmëtoy wi'ix të nyikäjpxyën. Paaty tyam yajnax wäänë ayuk ma Wintsënën ets tputëkëty mëti'ipë juuky jaakwë'ëmtëpën.

Proverbios 15:22

Ko ka'ap ja'ay tii yajxon tnëtëy tyajtëy, ka'ap oytyuunk pyëtsimy, yë tuunk oy wyimpëtsëmy ko kanaak yë ëëwij kajpxwijpë.

1 Crónicas 10:7

Ja Israel ja'ayëty mëti'ipë jam tsënaaytyëpën joyjotm, ko t'ijxtë tëë ja Saúl y'ooky mëët ja y'u'unk y'ëna'k, ënät ënätyë kyäktë ma ënety jam yajpaatën ets nyëjkxtaaytyë. Tä ja filistejë ja'ayëty ojts yë'ë jam myiinëtë tsënääpyë ets ja kajpn tniwa'ktaaytyë.

2 Reyes 9:15

tëë ënety wyimpity Jezreel ets tysooypyäta'any, ma të yajtsëtyutyën ja Siria ja'ayëty ko mëët tsyiptuuntë ja Hazael. Tä ja Jehú t'ënëmaay ja jyä'äy, ko pën janty ënantëp ets yë'ë yajkutukëty, ni pën kyatsoonëty kajpnjoty, koonëm ja ja'ay yajtuk'ëwa'anëtya'atëty jam Jezreel mëët ko tëë wiinkpë ja yajkutujkpë tyëkë.

1 Reyes 12:7

Tä ja mëjja'aytyëjk y'ëtsoowtë: Pën mijts yë'ë yë naax kajpn oy mëtunäämpy ets oy ja ayuk xymyo'oy, yë'ëjëty oy tsuj näjyëtu'un nëjkx mëtunyë.

Éxodo 18:23

Ko ya'atë jëtu'un xytyunëty ets pën Dios yë'ë ënaanp, jyëkyäpëp wi'ix xymyëmëta'akëtyën. E yë ja'ayëty nän akujk jotkujk nëjkx wyimpijnëtë, ma ja jyëën tyëjkëtyën.

1 Crónicas 13:1

David ojts tyajtëy ja mëti'ipë nyiwintsën'ajtëpën ja tsiptuunpëtëjk, mëti'ipë wyinye'eytyëpën ja myëku'ukëty, ja mëti'ipë wintsën'ajtëpën,

1 Crónicas 13:3

e jëtu'un tjëkyäpëty nyajmi'inmëty ja Dios ja kyaaxë, e ijxtëm yaj'ixy yajtunyën ijxtëkoy ja'atyëkoy y'ijnë maju'unëm yë Saúl yajkutukyën.