1 Crónicas 13:1 - Biblia Dc en Mixe de Quetzaltepec

¹ David ojts tyajtëy ja mëti'ipë nyiwintsën'ajtëpën ja tsiptuunpëtëjk, mëti'ipë wyinye'eytyëpën ja myëku'ukëty, ja mëti'ipë wintsën'ajtëpën,

Biblia Mixe de Quetzaltepec

¹ David ojts tyajtëy ja mëti'ipë nyiwintsën'ajtëpën ja tsiptuunpëtëjk, mëti'ipë wyinye'eytyëpën ja myëku'ukëty, ja mëti'ipë wintsën'ajtëpën,

1 Crónicas 13:1 ပူးပေါင်းရင်းမြစ်များ

2 Crónicas 29:20

Ja yajkutujkpë Ezequías tsojk ojts pyëtë'kojy ets tyajmujktaay ja kutuunktëjkëty jampë yajpaatën ma ja naax kajpnën ets ojts mëët nyijkxy ma ja tsajptëjkën.

1 Crónicas 12:20

Ja Manasés ja jyä'äy, mëti'ipë pyuwa'këtyën ja David ko ojts jam nyijkxy Siclag, jä'ä xyëëwajtë: Adná, Jozabad, Jediael, Micael, Jozabad, Elihú ets Ziletai, mëti'ipë wyintënaaytyën ja tsiptuunpëtëjkëty mëti'ipë ja Manasés jyä'äyajtën.

2 Reyes 23:1

Ënet ja yajkutukpë ojts tyajmuky ja mëjja'aytyëjk jampë yajpaatën Judá ets ja jampë kyukajpn'atën Jerusalén ets mëët kyajpxa'any myëtya'aka'any.

1 Crónicas 12:32

Ma ja Isacar ja jyä'äyën, mëti'ipë nyija'awëtyëpën wi'ix ja xëëw po'o myiny kyëtä'äkyën ets tii mëpaat ja Israel ja'ayëty tuntën; jä'ä nyiwinë'ajtë mëti'ipë ojts tniwintsën'atyën nimäjtsk mëko'px ja mëti'ipë nyikopk'ajtën ja jyä'äyëty.

1 Crónicas 12:14

Ya'atë ja'ayëty mëti'ipë Gad y'u'unk'ajtyp y'ëna'k'ajtypyën, yë'ë ijty nyiwintsën'ajtëp ja tsiptuunpëtëjkëty. Ja niwäänëpë jä'ä jyä'äy tu'kmëko'px, e ja nimaypyë jä'ä jyä'äy tu'uk mil.

2 Samuel 6:1

Ënet ja David ojts tyajmujkta'ay tëkokyë ja tsyiptuunpëtëjk aak win'ixy tyajmujky, jampë ma ja Israel kajpnën ets jä'ä nyiwinë'ajtë, i'px majk mil,

1 Crónicas 12:40

Näyjyëtu'un ja kajpnëty mëti'ipë ënety mëwinkon'ajtëtëpën ets yë'ëpaat ja Isacar, ja Zabulón ets ja Neftalí ja jyä'äyëty, ojts tmëmintë ja jë'kxy pëky jëyujkëjxy; tam ja krukts, tam ja jëyujk jëku'ux, tam ja mëkjëyujk ets tam ja tsajpkaa. Tjantymyëmintë mëti'ipë tunaanpën ets mëyajtpën tä ja: tsajpmokwayën, kääkyën, aaytyëëm ujts tëëmën, uukyën, jëyujk tsajpkaajën ets tëkokyë winë mëti'ipë ja tsiptuunpëtëjkëty yaj'ëmaaytyaktëpën; jä'ä ko ja'ayëty nän janty xoontaktëp ënätyëty ets jotkujk nyäyjyawëtë jam Israel.

1 Crónicas 13:2

ets tukmëtooy ja naax kajpn, ja Israel ja'ayëty, tä t'ënëmaay: Pën miitsëty oy xymyëtowtë, ets pën ja Wintsën xypyutëjkëmë, oy ets jeexyë ntukmëto'owta'ayëmë ja nmëku'uk'ajtëmë Israel ja'ayëty, mëti'ipë jam muum kajpntum yajpatëpën, tääts ja teetyëjkëty ets ja Leví ja'ayëty, mëti'ipë jam yajpatëpën ma nyaaxjot kyajpnjotëtyën, ma tkëwent'atën ja jyëyujk tsyajpaxëty, yaj'ënëëmëtëty ko jeexyë xypyuwa'këmë,

2 Crónicas 1:2

Ënet tëkok tmëkajpxmujkta'ay ja Israel ja'ayëty: Mëti'ipë nyiwintsën'ajtën ja tsiptuunpëtëjkëty, kutuunktëjkëty, wintsëntëjkëty ets u'unkteety u'unktaak mëti'ipë ënety ijtëpën mëj'äämpy ma ja naax kajpnën.

Proverbios 15:22

Ko ka'ap ja'ay tii yajxon tnëtëy tyajtëy, ka'ap oytyuunk pyëtsimy, yë tuunk oy wyimpëtsëmy ko kanaak yë ëëwij kajpxwijpë.

Mateo 25:16

Ja tuunpë mëti'ipë ja meeny y'ëxajëyën mëkoxk mil, jä'ä ojts tyaj'u'unk'aty nän ja mëkoxk mil.