1 Crónicas 12:2 - Biblia Dc en Mixe de Quetzaltepec

² Ya'atë tsiptuunpë ja'ayëty myëët'ajtëp ijty yë kyu'umënëty ets tsyipxnëty; tyukjajtëp ijty wi'ix tsaa mëët tka'atsë'ktëtyën ja tsaawëjëtu'un nän timjëtu'un wi'ix ja ti'pxn mëk ti'pxë'ëktëtyën anajny a'oy. Jä'ä xyëëwajtë: Yë'ë myëku'uk yë Saúl, Benjamín jyä'äy:

Biblia Mixe de Quetzaltepec

² Ya'atë tsiptuunpë ja'ayëty myëët'ajtëp ijty yë kyu'umënëty ets tsyipxnëty; tyukjajtëp ijty wi'ix tsaa mëët tka'atsë'ktëtyën ja tsaawëjëtu'un nän timjëtu'un wi'ix ja ti'pxn mëk ti'pxë'ëktëtyën anajny a'oy. Jä'ä xyëëwajtë: Yë'ë myëku'uk yë Saúl, Benjamín jyä'äy:

1 Crónicas 12:2 ပူးပေါင်းရင်းမြစ်များ

Jueces 20:16

Ma ya'atë mayjyä'äyëtyën niwëxtujk mëko'px ënety jam yë ja'ay yajpaatë mëti'ipë tyukjajtëpën wi'ix yë tsaawëtu'un tyajtuntëtyën ets anajnykyë'ë yajtuuntëp, ya'atë ja'ayëty yajxon ënety kyujka'tsnëtë, wä'än twaayëty kujk tmo'otë.

Jueces 3:15

Koonëm tmëpëjktsoowtë yë Dios ets ojts tu'uk jam pyëtsimy pën yajnitso'okëtëp. Ja ja'ay mëti'ipë ojts nyitsiptunëtën jä'ä xyëëwajt Ehud, anajny ijty tyony myätsy, yë'ë yë myaank yë Guerá, yë Benjamín yë jyä'äy. Tu'kxëëw tu'kjëmëjt ojts yë Israel ja'ayëty tkäxtë yë Ehud ma ja yajkutujkpë Eglónkën ets tmo'ojëty ja këpäjtën mëti'ipë ënety të tyajmuktën kyajpnjotyëty.

1 Crónicas 12:29

Ma ja Benjamín ja jyä'äyën, ja Saúl ja myëkä'äx, nitëkëëk mil ja tsiptuunpë, jä'ä ko ja nimaypyë jä'ä ënety mëët ja Saúl të yajpaatë.

1 Samuel 17:49

Tääts tu'uk tju'ty ja tsyaa jap xuumyjoty ets tpëjktäky ma ja tsyaawëtu'unën. Tääts tukwinjëpijpë'ky ja filistejë ja'ay, kujk ojts timmyo'oy ma ja wyinpokën. Tääts pojën jyëpijpkëtäky winta'akjupy naaxkëjxy, tap ja tsaa y'ity wyimpokjoty.

1 Crónicas 12:3

Ahiézer, xyëwatyp ja mëti'ipë nyikopk'ajtypyën ja myëku'uk ets Joás, yë'ë Semá y'u'unk y'ëna'k, jam kyukajpnëty Guibeá; Tääs yë Jeziel ets Pelet, yë'ë Azmávet myaank; tääts Peracá ets Jehú, jampë kyukajpn'atën Anatot;

Salmos 78:9

Yë Efraín yë nyaax kyajpn ojts kyäkta'atë jam tsipjotm mëët ja mëktsë'ëkë, oy ënety yajpaatë jëjp'ixy mëët ja ti'pxn ets ja ku'umën.

1 Crónicas 8:40

Ulam ja y'u'unk y'ëna'k jotmëkja'ay ijtyëty, tyukjajtëp wi'ix ja tyi'pxn tyajtuntëtyën. May ja y'u'unk y'ëna'këty ets ja y'ok'u'unk y'ok'ëna'këty, nimëko'px ja wëxtyikxy majk nyiwinë'ajtë, aakyë'ë Benjamín y'ok'u'unk y'ok'ëna'k. Jëtu'un'äämpy tëkokyë ja yajkutujkpëtëjk ja xyëëw yajjaaypyäjtë ma ja nokyën, mëti'ipë ja Israel ja'ayëty myëët'ajtëpën.