1 Crónicas 11:8 - Biblia Dc en Mixe de Quetzaltepec

⁸ Tä ja David twinkojëtyääy ja naax kajpn mëët ja jëën tëjk. Joab yë'ë jyaak yajkajpnkoj.

Biblia Mixe de Quetzaltepec

⁸ Tä ja David twinkojëtyääy ja naax kajpn mëët ja jëën tëjk. Joab yë'ë jyaak yajkajpnkoj.

1 Crónicas 11:8 ပူးပေါင်းရင်းမြစ်များ

Nehemías 4:2

Ets t'ënëmaay ja myëku'uktëjkëty ets tsiptuunpëtëjkëty Samaria ja'ayëty: ¿Wi'ix tääjën tääpë jutië ja'ayëty tyimnäyjya'awëyëtë, jëtu'unts yaj'ijxnëtë yuu ookanëtëp yowënë? ¿Ëkë jä'ä tääjën myäytyë tyajtë ko yaj'ëxmatstëp ënät ets jatëkok ja Tyiosëty ja wyintsë'kën tmo'otëtyë? ¿Ëkë y'ëna'antë ko tu'kxëëyë je'eyë tyajwintu'upëjkta'atëty ja tyuunkëtyë? ¿Ëkë aak oyëty ja tsaa ënät t'ëkjuuta'antë ma tëë wyintooykyëtaktaaynyënë?

2 Reyes 12:20

Kë'ëm ojts ja tyuunpëtëjk nyikäjpxytyunëty ets y'o'ky jap ma naax y'apojtsë'ëkyëtyën ma txëëwatyën Silá.

1 Reyes 11:27

Ko ja Jeroboam ojts tukjoot'anpëky ja Salomón jä'äkyëjxm ko ojts t'akojtuky ja patu'u jam Milo, mëti'ipë nëjkxpën ma ja David ja kyajpnën.

1 Reyes 9:15

Salomón ots ja tuunk tyaj'ixtä'äky mëti'ipë atsipën. Jä'ä ko kopkpëky ënety tsyokyë ets yajkojëty ja tsajptëjk mëti'ipë ja Wintsën jyä'ä'atäämpyën, ja akujktëjk ets ma yaj'akojë'kyën ja tsajptëjk ets maa ja naax kajpn yajnapojtsyën. Ëpëky ma ja kajpn ojts yajkojtëpën mëti'ipë xyëëwajtëpën Hazor, Meguido ets Guézer. E tsyaats yajnikajpxa'any wi'ix ojts y'ixë'atyën.

Jueces 9:20

E pën kajts jëtu'un të xytyuntë, nëjkxëp yë jëën jam pyëtsimy ma Abimelekën ets tyajkutëkoyëty yë Siquem ets Bet-miló, ets jam Siquem ets Bet-miló nëjkx myëjë tu'uk yë jëën mëti'ipë yë'ë yajkutëkoyëpën.

Jueces 9:6

Ënet ja ja'ayëty tyu'ukmujktaaytyë mëti'ipë ënety jam kukajpnajtëpën Siquem ets Bet-miló, jam ma xoj kepy tu'uk tyänën mëti'ipë wintsë'ëkë yaj'ijtëpën jam Siquem mëët tu'uk ja mëjtsaa, jamts ojts tnikajpxpätë ja Abimélec ets yë'ë yajkutujkpë'atëty.

1 Crónicas 11:7

Ënet ja David jam ja kyutujktakn tpëjktäky, ma ja kajpn ënety jemy të tniwä'äkyën mëti'ipë ta'tspëky yajpatpën ets yajxëëwmooy David kyajpn.

1 Crónicas 11:9

Ja David ja kyutujkën ni'ikyë ja myëjë kyëjääjë ets ja Wintsën mëti'ipë maaytyääyëpën jä'ä mëët xëmë yajpaaty.