1 Crónicas 11:6 - Biblia Dc en Mixe de Quetzaltepec

⁶ David tyaa ënety të y'ënä'äny: Pën jëyëjp nyipëtë'kpy ja Jebús ja'ay, wintsënës nëjkx mpëjktä'äky. E Joab, Sarvia myaank, yë'ë ojts tnipëtë'ëky ja Jebús ja'ay, tääts ojts Wintsën nyäxy.

Biblia Mixe de Quetzaltepec

⁶ David tyaa ënäty të y'ënä'äny: Pën jëyëjp nyipëtë'kpy ja Jebús ja'ay, wintsënës nëjkx mpëjktä'äky. E Joab, Sarvia myaank, yë'ë ojts tnipëtë'ëky ja Jebús ja'ay, tääts ojts Wintsën nyäxy.

1 Crónicas 11:6 ပူးပေါင်းရင်းမြစ်များ

2 Samuel 8:16

Mëti'ipë ojts ja tsiptuunpëtëjk tniwintsën'atyën jä'ä ijty xyëëwajtyp Joab, yë'ë Sarvia myaank ets Josafat; yë myaank yë Ahilut, yë'ë ojts y'ity jääpyë ma ja ënä'ämpën.

2 Samuel 20:23

Joab yë'ë ojts tmëwë'ëmy tëkokyë ja tsiptuunpëtëjk mëti'ipë jam yajpatëpën ma Israel kajpnën, e ja Benaías, yë Joiadá myaank yë'ë ojts twinkuwa'akë ja Queret ja'ayëty ets ja peleteos ja'ayëty ets tu'uwinye'eyëty ya'atë tsiptuunpëtëjkëty.

2 Samuel 3:27

Ko ja Abner jam jatëkok jyä'äjty Hebrón, atu'uk ojts wyoownëjkxyë ja Joab ma pyak'itëtyën ets nyätyijyë myëëtmëtyaka'anyë, tamtsën ënety jëtu'un tyänëtë ko ojts y'ëkëty yajtsëtyuty myoxkëjxy ka'ap tyukja'awëyë ets y'o'ky, tuunwinpity ja Joab mëët ko ënety ja y'uty të y'ooky mëti'ipë ja Abner yaj'o'kën.

2 Samuel 2:18

Jamts ënety yajpaatë ja Sarvia ja y'ëna'k, mëti'ipë xyëëwajtëpën Joab, Abisai ets ja Asael. Yë Asael wiinkëm ijty pyëyi'iky, jëtu'un tä tu'uk yë jëtyu'ujën.

1 Samuel 17:25

ets y'ënantë: ¿Tëë xy'ixtë tääpë ja'ay të pyëtsimyënë? Xëmë jëtu'un tyajjoot'anpëky yë Israel ja'ayëty. Pën näy'a'ijxëyëp tsyiptunëty mëët ets pën yaj'o'kpy tääpë ja'ay xëmë pyëtsimyën winjëpom, yë yajkutujkpë mëj nëjkx myo'oyë wit meeny, nëjkxëp myo'oyë tu'uk ja nyëëx ets yë'ë to'oxytyëjk'atëty ets ja tyeety tyaak ja ja'ay ka'ap nëjkx ja y'ayajk y'ako'onën t'ëkyajknë.

2 Samuel 2:13

E näjyëtu'un ja Joab, yë Sarvia myaank, tsyo'ony mëët ja tsyiptuunpëtëjk mëti'ipë myëtuuntëpën ja David; jam Hebrón tsyo'ontë ets ojts nyëjkxtë jam Gabaón, jam nyäpyëjktakëtë ma tu'uk yë nëëwookyën. Ënet ja tsiptuunpëtëjkëty poj'am nyänyi''ijxëtyë ets tsyiptuna'antë; tu'kpëky ojts wyi'imy awinmtsow ets tu'kpëky miin'aay.

1 Reyes 1:7

Ojts mëët yë Joab, yë myaank yë Sarvia tkajpxmuky mëti'ipë ënety wyinma'any'äjtypyën ets näjyëtu'un ja teety Abiatar, mëti'ipë ojts pyutëkëtyën.

1 Crónicas 11:5

ets t'ënëmaaytyë ja David: Ninu'un tkajëkyepy yaa mtëkëty. E yë David ojts ja je'eyëm ja Sión kajpn tnitëkë ets yë'ë tjä'äpëjky, mëti'ipë tyam yajtijpën David yë kyajpn.

1 Crónicas 11:7

Ënet ja David jam ja kyutujktakn tpëjktäky, ma ja kajpn ënety jemy të tniwä'äkyën mëti'ipë ta'tspëky yajpatpën ets yajxëëwmooy David kyajpn.

1 Crónicas 18:15

Joab ijty xyëëwajtyp ja tsyiptuunpë wintsën, yë'ë Sarvia myaank; e yë Josafat, yë'ë ijty jyääpyë'ajtyp ja yajkutujkpë, yë'ë Ahilut myaank.

1 Crónicas 27:34

Ahitófel yë'ë ojts kyutëkëty yë Joiadá, myaank yë Benaías ets Abiatar. Mëti'ipë ojts tëkokyë ja tsiptuunpëtëjk tniwintsën'atën mëti'ipë ja yajkutujkpë David myëët'ajtypyën, jä'ä xyëëwajt ja nyikopk, Joab.

Salmos 60:9

¿Pënës xy'ëkwoownëjkxëp jam ma ja naax kajpnën napotsypë? ¿Pënës xy'ëktu'uwinwowëp etsës nja'tëty jam Edom?