1 Crónicas 11:5 - Biblia Dc en Mixe de Quetzaltepec

⁵ ets t'ënëmaaytyë ja David: Ninu'un tkajëkyepy yaa mtëkëty. E yë David ojts ja je'eyëm ja Sión kajpn tnitëkë ets yë'ë tjä'äpëjky, mëti'ipë tyam yajtijpën David yë kyajpn.

Biblia Mixe de Quetzaltepec

⁵ ets t'ënëmaaytyë ja David: Ninu'un tkajëkyepy yaa mtëkëty. E yë David ojts ja je'eyëm ja Sión kajpn tnitëkë ets yë'ë tjä'äpëjky, mëti'ipë tyam yajtijpën David yë kyajpn.

1 Crónicas 11:5 ပူးပေါင်းရင်းမြစ်များ

Apocalipsis 14:1

Ets n'ijxyës mëti'ipë yajtijpën Kupixynyën U'unk, jam tyänë ma Sión kopkën. Mëët nimëko'px ja wëxtyikxy majktaxk mil ja ja'ay mëti'ipë ja Dios Teety xyëëw ets mëti'ipë Kupixynyën U'unk xyëëw myëët'ajtëtëpën wyimpokëjxm.

Hebreos 12:22

E miitsëty tëë xymyëwinkontë ja Sión kopk, ma ja Jerusalén tsajpjotmëpën, ja Dios Juukpyë myëjkajpn, ma kanaak mil ja tsajpjotmëtë kukäjpxy nyämyukyën jotkujk ets ja Dios tyajmëjnaxtë.

Romanos 9:33

Jëtu'un ijxtëm ja Dios ja y'aaw y'ayuk kyëxja'ayëtyën: Ja'aykyukëtë, npëjktäkpypës jam Jerusalén tu'uk ja tsaa, tu'uk ja tsaa mëti'ipë ja'ay yajkëtawëpën ko jam kyunäpëty. Pën yë'ë tyuk'ijxpejtyp, ka'ap tsyëtyu'unpaata'any.

Salmos 132:13

Yë Wintsën tëë twin'ixy yë Sión kopk. Yë'ë kë'ëm të twin'ixy ets jam tsyëënëja'any.

Salmos 122:5

Ma yë'ëjën jam yajpaaty ja kutujktakn ma ja tuuntëko'oy kajpxtëko'oyën yajnipaye'eyën, ets ma ja David ja kyutujktakn yajpaatyën.

Salmos 87:5

Ma Sión kajpnën jëtu'un y'ëna'ana'antë: Ya'atë kajpn ets xi'itë kajpn yam ojts tsyoony. Yë Ni'ik Këjxmëpë yë'ë të tnikäjpxy.

Salmos 87:2

Yë Wintsën janty'oy ni'ik tsoky tjawë ja tsajptëjk ja nyitëjk'aaw këtiinëm yë Jacob yë jyëën tyëjk.

Salmos 78:68

pën tëy ojts twin'ixy, ja Judá ja y'u'unk y'ëna'k ets ja Sión kopk mëti'ipë oy tsyojkpy jya'apën.

Salmos 48:2

Janty oy kyëxë'ëky yë Dios yë tyun kyopk mëti'ipë txëëwajtpën Sión, anëkëjxmtsowpë yajpaaty. Yë'ë xyoontakën'ajtyp tëkokyë yë naaxwiinyëtë; ja kajpn mëti'ipë yajkutujkpë kyajpn'ajtypyën.

Salmos 9:11

Win'ëw winya'axtë yë Wintsën, mëti'ipë ënä'ämpën jam Sión; tuk'ëwaanëtë yë naax kajpn mëti'ipë të tunyën.

Salmos 2:6

Tëës nkënu'kxy mëti'ipës nyaj'ënä'ämäämpyën ma Sión kajpnën, ma Sión kopkën wa'atspë.

2 Crónicas 5:2

Ënet ja Salomón tyajmujktaay jam Jerusalén ja mëjja'aytyëjk ja kopktëjkëty ets ja yujkyä'kpëtëjkëty mëti'ipë ijtëpën jam ma Israel ja'ayëtyën ets tyajtsoona'antë ja Wintsën ja kyaaxë jam Sión, tmënëjkxa'antë ma ja David ja kyajpnën.

1 Crónicas 11:7

Ënet ja David jam ja kyutujktakn tpëjktäky, ma ja kajpn ënety jemy të tniwä'äkyën mëti'ipë ta'tspëky yajpatpën ets yajxëëwmooy David kyajpn.

1 Reyes 8:1

Ënet ja Salomón ojts tyajtu'ukmuky jam Jerusalén ja mëjja'aytyëjkëty ets kopktëjkëty mëti'ipë ja jyiiky myëku'uk nyikutuunk'ajtëpën, jampë yajpaatën ma ja Israel kajpnën; yë'ë yajtsoonantëp ja Wintsën ja kyaaxë jam Jerusalén, ma ja David ja kyajpnën.

2 Samuel 6:12

Ko ja David yajtukmëmëtyäky wi'ix ënety ja Obed-edom mëj këjää jam ja näkyënu'kxë tpaatyën ma jyëën tyëjkën ets ma yë'ëjën, ënät ojts nyijkxy akujk jotkujk ets jam tmëtsoona'any ja kaaxë ets tyajnëjkxa'any jam Jerusalén.

2 Samuel 6:10

E jä'ä ko ja David ka'ap ojts t'ëk'a'ijxënë tmënëjkxëty ja Wintsën ja kyaaxë ma ja kyajpnën, ënät ojts tjaakni'ënä'ämë ets jam tkukëyëtëty ma ja Obed-edom ja tyëjkën, tu'uk yë Gad ja'ay.

2 Samuel 5:9

Ko ya'atë kajpn ojts tnitëkëtë ets yë'ë myëtaktë, jam ojts yë David tsyënaaytyaknpëjknë ets tyajxëëwpejty, David yë kyajpn, ya'atë kajpn ojts yajxon tnapotstë, jap ja potsy tyimtso'ontäky naax'ëjxy ets tyimja'ajty jam ma ja kutujkëntëjkën.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

1 Samuel 17:26

Ënet yë David tyajtëëy yë ja'ay jampë ënety winkon tyänëtën: ¿Tii jëtää yajmo'ojëp ja ja'ay mëti'ipë ënety yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Dios yë tsyiptuunpëtëjk.

Jueces 19:10

Ja Leví ja'ay ka'ap ojts t'ëkkupëjknë wyë'ëmëty tu'ktsuu. Ënet ojts jam tsyo'onë mëët ja tyo'oxytyëjk, mëët ja tyuunpë ets nimäjtsk ja jyëyujk mëti'ipë tyuk'u'unyääytyëpën. Ko jyajtë Jebús mëti'ipë tyam yajtijnëpën Jerusalén,

1 Crónicas 11:4

Ënet ja David mëët tëkokyë ja Israel ja'ayëty nyëjkxtaaytyë jam Jerusalén, mëti'ipë yajtijpën Jebús. Ma tääpë itën yë'ë ijty jam tsënaaytyëp yë Jebús ja'ayëty,

1 Crónicas 11:6

David tyaa ënety të y'ënä'äny: Pën jëyëjp nyipëtë'kpy ja Jebús ja'ay, wintsënës nëjkx mpëjktä'äky. E Joab, Sarvia myaank, yë'ë ojts tnipëtë'ëky ja Jebús ja'ay, tääts ojts Wintsën nyäxy.