1 Crónicas 11:3 - Biblia Dc en Mixe de Quetzaltepec

³ Jëtu'un'äämpy ojts tëkokyë ja mëjja'aytyëjk ets kopktëjkëty jampë yajpaatën Israel nyëjkxta'atë jam Hebrón ets mëët ja David myëtyaktë, ja David ojts ja käjpxytyu'unën tuny mëët yë'ëjëty ets yë'ë ja Wintsën ojts tukajpxpety ets yë'ë wyë'ëmëty ijxpë nija'apë. Ënet ojts tkënu'kxtë ja David ets yë'ë yajkutukëty, jëtu'un tä ënety ja Dios të tukwinwanën ja Samuel.

Biblia Mixe de Quetzaltepec

³ Jëtu'un'äämpy ojts tëkokyë ja mëjja'aytyëjk ets kopktëjkëty jampë yajpaatën Israel nyëjkxta'atë jam Hebrón ets mëët ja David myëtyaktë, ja David ojts ja käjpxytyu'unën tuny mëët yë'ëjëty ets yë'ë ja Wintsën ojts tukajpxpety ets yë'ë wyë'ëmëty ijxpë nija'apë. Ënät ojts tkënu'kxtë ja David ets yë'ë yajkutukëty, jëtu'un tä ënäty ja Tios të tukwinwanën ja Samuel.

1 Crónicas 11:3 ပူးပေါင်းရင်းမြစ်များ

1 Samuel 16:1

Ënet ja Wintsën t'ënëmaay ja Samuel: ¿Mapaatën mon tuk m'ita'any mëëtkyëjxm yë Saúl? Ëjts ka'apës n'ëktsojknë ets yë'ë y'ënä'ämëty ma Israel kajpnën. Yaj'uts yë mxuty mëët yë on ets mnëjkxëty jam Belén ma Jesé tsyëënën, jä'ä ko tëëjës tu'uk yë myaank nwin'ijxë ets yë'ë y'ënä'ämëty ma Israel kajpnën.

2 Samuel 5:3

Jëtu'un'äämpy ja mëjja'aytyëjkëty mëti'ipë jam yajpatëpën ma ja Israel kajpnën ojts nyëjkxta'atë jam Hebrón ma ja David yajpaatyën ets yë'ë tuuny tu'uk ja käjpxytyu'unën mëët yë'ëjëty, tpëjktaktë ijxpë mëtoowpë ja Wintsën. Tä ojts tkënu'kxtë ja David ets yë'ë wyë'ëmëty yajkutujkpë ma ja Israel kajpnën.

2 Samuel 2:4

Jamts ojts jya'të ja Judá ja'ay ets nikajpxpäjtë ja David ets yë'ë y'ënä'ämëty. Ojts tukmëmëtya'aktë ja David ko ja ja'ayëty mëti'ipë jam tsënaaytyëpën Jabés jam Galaad naaxjotm, yë'ë ojts tyajnaaxtëkëtë ja Saúl ja nyini'kx.

1 Samuel 16:3

Ënet xywyowëty ja Jesé ets mjämyëët'atëtëty ma ja wintsë'kën xyaka'anyën ets tyam njaaktuk'ëwaanëty tii mëpaat xytyunyën. Ets xykyënu'kxëty mëti'ipë ënety ntukni''ijxëpën ets yë'ë y'ënä'ämëty ma Israel kajpnën.

2 Crónicas 23:3

Tëkokyë mëti'ipë ënety të myuktën ojts tuntë tu'uk ja käjpxytyu'unën mëët ja yajkutujkpë jam tsajptëkotm ma ja Wintsën ja jyëën tyëjkën. Tä ja Joiadá y'ënëmaayëtë: Ya'atë ënät miits mtuntëp: Tyaa xymyëët'atë ja yajkutujkpë ja myaank. Yë'ë patëp y'ënä'ämëty yajkutukëty, jëtu'un tä Wintsën ojts tnimëtyä'äkyën ja David ja y'u'unk y'ok.

2 Reyes 23:30

Tä ja tsyiptuunpëtëjk ojts ja nyini'kx pyëjkë'kxëty ets jam myëtso'onëtë Meguido, pujxnwintëkäämpëjoty tyajja'ajtë jam Jerusalén, ma tyajnaaxtëjkëtyën. Ënet ja kajpn ojts tnikajpxpätë ja Joacaz, yë Josías yë myaank ets yë'ë yajkutukëty, tkutëkëty ja tyeety.

2 Reyes 11:17

Ok ja teety Joiadá tuuny tu'uk ja käjpxytyu'unën mëët ja Wintsën, ja yajkutujkpë ets ja naax kajpn mëti'ipë ja Wintsën jyä'ä'ajtypyën ets näjyëtu'un tuuny ja käjpxytyu'unën ja yajkutujkpë mëët ja kajpn.

1 Samuel 28:17

Yë Wintsën yë'ë tyam tyuunpy mëti'ipës ojts njanikäjpxyën. Yë'ë tëë mpëjkëty ja mkutujktakn ets tëë tmooynyë ja mmëku'uk David.

1 Samuel 23:18

Ënet ojts jatëkok ja käjpxtyu'unën tuntë ets Wintsën ojts kë'ëm t'ixy tnijawë. Ko jëtu'un tyuuntaay jyajtaayë, tääts ojts ja Jonatán wyimpijnë ma tyëjkën, e ja David jam wyë'ëmnë Horés.

1 Samuel 15:28

Ënet ja Samuel t'ënëmaay ja Saúl: Timjëtu'un tääjës yam yë nwit të xykyë'tsën, jëtu'un yë Wintsën tkëëtsy yë mkutujkën ma Israel kajpn. Ets të tmo'oy tu'uk yë mmëkukajpn mëti'ipë jaak'oy yë jot winma'anymyëët'ajtypyën këtiinëm mijts.

1 Samuel 11:15

Ënet tëkokyë ja naax kajpn nyëjkxtaaytyë jam Guilgal ets nikajpxpäjtë ja Saúl ets yajkutujkpë'atëty. Tääts näjyëtu'un tyajktë ja wintsë'kën Dios wintum ma mëët ja nay'ëëw'oy näykyajpx'oyë tyaj'apatëtyën. Saúl mëët tëkokyë ja'ayëty jotkujk nyäjya'awëtyë.

Jueces 11:11

Ënet ja Jefté ojts tpanëjkxy ja mëjja'aytyëjk, ko jam jyajtë kajpnjotm, ënät ja kajpn ojts tnikajpxpety ja Jefté ets yë'ë wyintsën'atëty ets tu'uwinye'eyëty ja tsip. Jam Mispá, jam ojts yë Jefté Dios tuk'ëwaanë tä ënety të y'ënä'änyën.

2 Samuel 5:5

jam Hebrón ma ja Judá ja jyä'äyëtyën, jä'ä ojts y'ëne'emy wëxtujk jëmëjt ja kujkm, e jam Jerusalén ma ja Israel ja'ayëtyën jä'ä ojts y'ëne'emy i'px majktëkëëk jëmëjt.

1 Crónicas 11:10

Ya'atë jëtu'un ojts ja'ayëty mëk ja tsip tpatitë, mëti'ipë David mëët jyëtijtën ets tputëjkëtyë ko yajkutujky, yë'ë näjyëtu'un nämyujkëtë mëët ja wiinkëtypë ja Israel ja'ayëty ets nikajpxpäjtë ja David ets yë'ë yajkutukëty, jëtu'un tä ënety ja Wintsën të t'akäjpxyën.