1 Crónicas 10:4 - Biblia Dc en Mixe de Quetzaltepec

⁴ Ënet ja Saúl ojts ënätyë tjamëkäjpxy ja tyuunpë mëti'ipë myëët'ajtypyën ja akëëytyujkën ets t'ënëmaay: Yaj'o'kës mëët yë mtëypyujxn, këtiipë tääpë mëtsip xytyukxi'iktëtyës. E ja tyuunpë ka'ap nye'a'ijxëy tyaj'ookëty ja wyintsën mëët ja mëktsë'ëkë. Ënet ja Saúl ojts kë'ëm tkajpë'ëky ja tyiypyujxn ets tkukëtaawë'ky, jëtu'un kë'ëm nyäyaj'o'kë.

Biblia Mixe de Quetzaltepec

⁴ Ënät ja Saúl ojts ënätyë tjamëkäjpxy ja tyuunpë mëti'ipë myëët'ajtypyën ja akëëytyujkën ets t'ënëmaay: Yaj'o'kës mëët yë mtëypyujxn, këtiipë tääpë mëtsip xytyukxi'iktëtyës. E ja tyuunpë ka'ap nye'a'ijxëy tyaj'ookëty ja wyintsën mëët ja mëktsë'ëkë. Ënät ja Saúl ojts kë'ëm tkajpë'ëky ja tyiypyujxn ets tkukëtaawë'ky, jëtu'un kë'ëm nyäyaj'o'kë.

1 Crónicas 10:4 ပူးပေါင်းရင်းမြစ်များ

1 Samuel 31:4

Paaty t'ënëmaay ja tyuunpë: Juut yë mpujxn ets yaj'o'kës, këtiipë yë'ë mmëtsip xyaj'ookëtyës ets ënät je'eyë xytyukxi'ik xytyuk'ëwë'ëktëtyës. Ja tyuunpë ka'ap yaj'okanë, jä'ä ko nän tsë'këp ënety näjyëtu'un. Paatykyëjxm yë Saúl ojts kë'ëm tyimnäyaj'ookyë mëët ja kyë'ëmpujxn

Hechos 16:27

Ko ja pujxntëjk këwent'ajtpë ojts nyiwijy nyikejy, tääts t'ijxpaty ko ënety ja tëjk'aaw të y'ëwatsta'ay. Jëtu'un tjëjp'ixy tëë yowë ja pujxntëjkja'ay kyäkta'atë, ënät ja tyiypyujxn tju'ty ets jyanäyaj'ookanë.

Hechos 1:18

Ojts tu'uk tjuy ja naax kam, mëët ja meeny mëti'ipë pyatën ko pyokytyuuny; ok ojts tsixkëtän kyuka'anaxy ets ojts pyëjwä'kxy ets ja tyiinty pyëtsëëmtaay.

1 Crónicas 10:5

E ko ja tyuunpë y'ijxë ko tëë kë'ëm ja Saúl nyäyaj'ookyë, ënät näjyëtu'un tkukëtaawë'ky ja tyiypyujxn kë'ëm ets y'oky.

1 Reyes 16:18

Ko ja Zimri t'ijxy ko tëë ja kyajpn yajnitëkë, ënät ënätyë kyupëyë'ëkëy jap tëkoty ma yajkutukyën ets tjëën ixko'onëy ja kutujkëntëjk, tap ënety yë'ë tëkoty, jëtu'un'äämpy ojts nyäyaj'ookyë kë'ëm.

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënety të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

2 Samuel 1:20

Ka'ap mëpaat yajnijawë jam Gad, nän ka'ap yajnimëtya'akëty jam Escalón, këtiipë ja filistejë to'oxytyëjkëty xyoonta'aktëty, ets ënät y'ätstëty pyutëty.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

1 Samuel 17:26

Ënet yë David tyajtëëy yë ja'ay jampë ënety winkon tyänëtën: ¿Tii jëtää yajmo'ojëp ja ja'ay mëti'ipë ënety yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Dios yë tsyiptuunpëtëjk.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

Jueces 16:21

Jëtu'un'äämpy ja filistejë ja'ayëty ojts tmatstë ja Sansón ets ja wyiin ojts tju'tëtë. Tääts jam ojts tyajnëjkxtë Gaza; ko jam tmëja'ajtë yë'ë ojts tuktsumtë yë pujxn'aats, yë'ë tyuktij'ëwtijtëp tu'uk ja mëjtsaa mëti'ipë ja tsajpmok tyukmäätëpën.

Jueces 15:18

E yë Sansón yajxon ënety tsyëtsënë, ënät ojts tmëkäjpxy yë Wintsën ets t'ënëmaay: ¿Wintsën wi'ixpëmës nja'awëkyëtä'äky koos mijts të xyajmëtä'äky maas të ntsippaatyën, e ka'ap yowë tyim'oy'ajnë etsës ënät mijts tyam xyaj'ookëty mëët yë nëëtëëtsë ma ya'atë ëxëëkja'ayëtyën yë kyë'ë y'aawëtyën ka'apë m'ëwtatyën?

Jueces 9:54

Ko ja Abimélec nyäjya'awëyë tëë tsyëtyuty, tä ënätyë tmëjyaxëy ja tyuunpë mëti'ipë tyëëmjëtijtypyën ja tëypyujxn ets t'ënëmaay: Juut yë mtëypyujxn ets yaj'o'kës, ka'apës ntsoky yë käjpxy y'ëna'anëty ko to'oxytyëjk të xyaj'ookyës. Ënet ja tyuunpë tyukmoxmëku'umëyë ja yenypyujxn ets jëtu'un y'o'ky.

2 Samuel 1:6

Tääts ja ja'ay y'ëtsooy: Tyam ntuk'ëwaanëty, ëjts jamës ënety nëkoo njëtijtpë ma ja kopk jam txëëwatyën Guilboa, koos ja Saúl të n'ijxpaaty jam nyäkyëxmëta'äkyë ma kyu'umën e jam ix'am tam jyänty pyaminëtë ja myëtsip mëët yë pujxnwintëkäämpë ets ma mëti'ipë këwaaykyijxyën jawäänë kyayajnaspatënyë.

1 Crónicas 10:3

Ko tyaapë ëna'k y'ëk'o'ktaaytyë, tääts yi'iyë ja Saúl ojts yajtukwa'kmuky, ja ti'pxpëty jä'ä ojts myëmëta'akëtë ets ja Saúl tsyëtyujty.