1 Crónicas 10:1 - Biblia Dc en Mixe de Quetzaltepec

¹ Ënet ja filistejë ja'ayëty ojts tëkok tnipëtë'ëktë ja Israel ja'ayëty, e ja Israel ja'ayëty ënätyë kyäktaaytyë, jä'ä ko ja filistejë ja'ayëty may ojts ënätyë tyaj'o'kojtë ja Israel ja'ayëty jam ma Guilboa kopkën.

Biblia Mixe de Quetzaltepec

¹ Ënät ja filistejë ja'ayëty ojts tëkok tnipëtë'ëktë ja Israel ja'ayëty, e ja Israel ja'ayëty ënätyë kyäktaaytyë, jä'ä ko ja filistejë ja'ayëty may ojts ënätyë tyaj'o'kojtë ja Israel ja'ayëty jam ma Guilboa kopkën.

1 Crónicas 10:1 ပူးပေါင်းရင်းမြစ်များ

1 Crónicas 10:8

Komjëpom ja filistejë ja'ayëty nyëjkxtaaytyë ma jam ja o'kpëtyën ets tpëjkmujkta'aja'antë winë, ënät tukye'eypyäjtë jam ja Saúl ja nyini'kx mëët ja y'u'unk y'ëna'k, tëë y'o'ktaaynyëtë jam ma ja Guilboa kopkën.

2 Samuel 21:12

ënät ojts jam nyijkxy ets tyajpëtë'ky ja Saúl ja wyääy pyajk ets näjyëtu'un ja myaank Jonatán ja jyä'ä; yë'ë ënety jam kyëwent'ajtëp yë Japës ja'ayëty jampë tsyëënëtën Galaad. Yë Jabés ja'ayëty jam ojts yë Saúl ets Jonatán yë wyääy pyajkëty tmäätstë Bet-sán, ma tkutëëytyën yë filistejë ja'ayëty ko tyaj'o'ktë jam Guilboa.

2 Samuel 1:21

Nijëna'a nëjkx jam kya'ëktuu kya'ëkpojnë, nän ka'ap yë maanik jam y'ëkëtaknëty, jam ma ja tun kopk txëëwatyën Guilboa, jä'ä ko ma tääpë itjotmën o'kën yë jam të y'ity. Jam yaj'atä'än yajtukta'antë ja tsiptuunpëtëjkëty ja pyujxnëty kyu'umënëty. Jam ojts yaj'ijxtëkooynyë ja pujxn mëti'ipë ijty ja Saúl nätyuk'akëëytyujkëpën.

2 Samuel 1:6

Tääts ja ja'ay y'ëtsooy: Tyam ntuk'ëwaanëty, ëjts jamës ënety nëkoo njëtijtpë ma ja kopk jam txëëwatyën Guilboa, koos ja Saúl të n'ijxpaaty jam nyäkyëxmëta'äkyë ma kyu'umën e jam ix'am tam jyänty pyaminëtë ja myëtsip mëët yë pujxnwintëkäämpë ets ma mëti'ipë këwaaykyijxyën jawäänë kyayajnaspatënyë.

1 Samuel 28:4

Ko ja filistejë ja'ayëty myujktaaytyë, ënät tsyo'ontë ets ojts nyëjkxtë jam Sunem, jamts nyäpyëjktakëtë. Ja Saúl ojts näjyëtu'un tyajmujkta'ay ja Israel ja'ayëty ets jam nyäpyëjktakëtë Guilboa.

1 Samuel 28:1

Ënet ja filistejë ja'ayëty nyiye'eypyäjtaaytyë jä'ä xëëw jä'ä jëmëjt ets tsyiptuna'antë mëët ja Israel ja'ayëty ets ja Aquis t'ënëmaay ja David: Mijts David wa'ats xynyijawë ko xypyatsoonëpës jëtu'un ënät tsiptuunpë mëët yë mja'ay.

1 Crónicas 9:44

Azel nitëtujk yë y'ëna'k y'ijtë, jä'ä xyëëwajtë: Azricam, Bocrú, Ismael, Searías, Abdías ets Hanán. Ya'atë y'u'unk'ajt y'ëna'k'ajt yë Azel.