1 Corintios 9:5 - Biblia Dc en Mixe de Quetzaltepec

⁵ ets nmëët'ajtmëty tu'uk ja to'oxytyëjk mëti'ipë mëpëjkpën, ijxtëm ja wiinkëtypë ja ijxpëjkpëtëjkëtyën ets ja Wintsën Jesús ja myëkä'äxtëjk ets ja Pedro.

Biblia Mixe de Quetzaltepec

⁵ ets nmëët'ajtmëty tu'uk ja to'oxytyëjk mëti'ipë mëpëjkpën, ijxtëm ja wiinkëtypë ja ijxpëjkpëtëjkëtyën ets ja Wintsën Jesús ja myëkä'äxtëjk ets ja Pedro.

1 Corintios 9:5 ပူးပေါင်းရင်းမြစ်များ

Cantares 4:12

Mijts to'oxytyëjk, mëti'ipës mpëkäämpyën, ëtuky mijts myajpaaty, jëtu'un ëtuky m'ity tä yë nëëkopk ëtuky y'ityën, tä yë nëëkopkën mëti'ipë ku'ëtsa'ayën;

Mateo 13:55

¿Këtii yë'ëjëty ja tsäjtspë y'u'unkë ets taak'aty yë Maria? ¿Këtii yë'ëjëty yë Santiago myëkä'äx mëët ja José, Simón ets ja Judas?

Mateo 8:14

Tääts ja Jesús ojts nyijkxy ma Pedro tyëjkën. Jam ojts tpaaty ja Pedro ja myë't to'oxytyëjkpë maapäjnkëjxy, jëënpëjkëp.

Marcos 1:30

Jamts ënety ja Simón ja tyo'oxtyëjkmë't maapäjnkëjxy, jëënpa'am pëjkëp ets ja Jesús tuk'ëwa'anëtyë ko pyikyë.

Marcos 6:3

¿Këtii yë'ëjëty ja tsäjtspë, Maria yë y'u'unkë, Santiagë myëkä'äxë, mëët ja José ets ja Judas ets ja Simón? ¿Këtii yaajëty yë myëkä'äxtëjk to'oxy ëna'kpë tsyëënëtë? Ka'ap tmëpëjktë ja Jesús.

Lucas 6:15

Mateo, Tomás, Santiagë, mëti'ipë Alfeo myaank'ajtypyën, Simón ja Celote,

Lucas 8:20

Tääts ja Jesús yajtuk'ëwa'anëy: Tap tëjk ëkë'p ja mtaak ets ja mmëkä'äxtëjk tyänëtë, mijtsëk m'ixanëtëp.

Juan 1:42

Tääts ja Andrés ojts twoownëjkxy ja Simón ma ja Jesús. Ko Jesús y'ijxë ënät y'ënëmaayë: Mijts mSimonk'ajtpë, Juan y'u'unk. Cefas tyam mxëëwajtnëty, mëti'ipë griego ayuk niwijpën Pedro.

Juan 2:12

Ko jëtu'un y'ëktuun y'ëkjajtë tääts ja Jesús ojts nyijkxy jam Capernaúm, mëët ja tyaak, y'uty ets ja y'ijxpëjkpëtëjk; jam ojts y'itë kanaak xëëw.

Hechos 1:14

Ni'ëmukë ijty xëmë ye'eymyuktë ets ja Dios tja'amyätstë mëët ja Jesús ja myëkä'äx ets ja Maria mëti'ipë Jesús tyaak'ajtypën ets ja to'oxytyëjkëty wiinkëtypë mëët.

Romanos 16:1

Mkëwent'atëp ja ntsë'ë'ajtëmë Febe, mëti'ipë nyikopk'ajtypyën ja mëpëjkpëtëjk, jampë ye'eymyuktën Cencrea.

1 Corintios 1:12

Yë'ës ntijpy ko miits jënaakën m'ëna'antë: Pablo jyä'ä npatuunëtëpës; wiinkpë y'ëna'antë: Apolo jyä'ä npatuunëtëpës; wiinkpë: Pedro jyä'ä npatuunëtëpës; ets wiinkpë: Kristë jyä'ä npatuunëtëpës.

1 Corintios 7:15

E ko ja ja'ay mëti'ipë ka'ap myëpëkyën tnikä'äkëty ja tyo'oxytyëjk ëkë nyiye'etyëjk, jyëkyejpy nyëjkxëty, najtspëkë ja wyi'im mëti'ipë mëpëjkpën, jä'ä ko ja Dios të myaxtsowëtë ets akujk jotkujk mtsëënëtëty.

1 Corintios 7:39

Ja to'oxytyëjk pëkpyë myëëttsëënëp ja nyiye'etyëjk ko ënety ja nyiye'etyëjk jyuuky'äty; ets ko ja nyiye'etyëjk y'ookëty, najtspëkë ja to'oxytyëjk wyi'im ets jyëkyejpy jatëkok pyëjktëkatsëty mëët ja wiinkpë ja ye'etyëjk, nëkoo ko ënety myëpëky.

1 Corintios 7:7

Jëtu'unës njatsoky ets ni'ëmukë ja ja'ay jeexyë y'itë ijxtëm ëjtsën, je'eyëp ko ka'ap ja Dios tu'knax ja tuunk të xymyo'oyëmë.

1 Corintios 7:8

Mëti'ipë nätyu'ukën ets mëti'ipë ku'ookyëtyën, oy ko jeexyë nätyu'uk y'itë ijxtëm ëjtsën.

Gálatas 1:19

Ka'ap ojts pën wiinkpë oy ayukkajpxwa'kxpë n'ixyës, yi'iyë ja Santiagë, ja Wintsën ja myëkä'äx.

1 Timoteo 3:2

Paaty, jëtu'unpë ja ja'ay ka'ap tjëkyëpy wi'ix yaj'ojëty. Tu'ukyë mëpaat ja tyo'oxytyëjk tmëëttsëënë ets mëtëy jyuuky'atëty; niwijy ets mëët. Yajja'ajta'akëp ja jëpyaat jëpyo'kxy ma tyëjkën; ets jyatëp wi'ix yaj'ixpëkëtyën;

1 Timoteo 4:3

Ya'atë ja'ayëty yajkupojktëp ja pëjkën ukën, ja kääky uuky mëti'ipë ja Dios të tuknipëjktaakën ets ja mëpëjkpëtëjk tkaytyëty t'uuktëty mëti'ipë nyija'awëtëpën ja tëyajtën ets tkukajpxëtëty.

1 Timoteo 5:2

Ja mëj ja'ayëtypë ja to'oxytyëjktëjk jëtu'un xyjyawëty ijxtëm ja mtaakën; e ja to'oxy ëna'ktëjk jëtu'un xyjyawëty ijxtëm ja mmëka'axën, wa'ats wiin wa'ats jot.

Tito 1:6

Yë'ë mtuknipëkëp ja tuunk mëti'ipë oy tsuj juukyajtpën, këtiipë tii yajtuknikajpxëty, mëti'ipë tu'ukyë myëët'ajtypyën ja tyo'oxytyëjk, mëti'ipë y'u'unk y'ëna'k mëpëjktëpën, ka'ap kyäjpxykyumëtoownaxtën, myëmëtowtëp ja tyaak tyeety ets këtiipë tii yajtukni'ojëtëty.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Dios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.