1 Corintios 9:22 - Biblia Dc en Mixe de Quetzaltepec

²² Koos të nyajpaaty ma ja ja'ayëtyën mëti'ipë ka'ap oy myëpëktën, jëtu'unës të näpyëjktä'äkyë ijxtëm yë'ëjëtyën ets nmëmëta'aka'antës ets tmëjjaw tjaantyjawëtëty ja Kristë. Paatyës jëtu'un të näpyëjktä'äkyë ijxtëm yë'ëjëtyën, ets oy tyimtu'uk tyimmäjtskëty tpaatëty ja nyitsokën.

Biblia Mixe de Quetzaltepec

²² Koos të nyajpaaty ma ja ja'ayëtyën mëti'ipë ka'ap oy myëpëktën, jëtu'unës të näpyëjktä'äkyë ijxtëm yë'ëjëtyën ets nmëmëta'aka'antës ets tmëjjaw tjaantyjawëtëty ja Kristë. Paatyës jëtu'un të näpyëjktä'äkyë ijxtëm yë'ëjëtyën, ets oy tyimtu'uk tyimmäjtskëty tpaatëty ja nyitsokën.

1 Corintios 9:22 ပူးပေါင်းရင်းမြစ်များ

Romanos 11:14

Njatsojkpyës ets jeexyë ja jutiis ja'ayëty wiink tjawëtë ko miits ja Dios të xymyëpëktë, jëtu'un tjëkyäpëty wi'ix tpaatëty ja nitsokën.

Romanos 14:1

Oyjyawëtë ja ja'ay mëti'ipë wäänë ja mëpëjkën myëët'ajtypyën ets këtii nëkoo mnäy'oj mnäya'axëtëty mëët.

Romanos 14:2

Tää jënaakën ja ja'ay mëti'ipë ënantëpën ko jyëkyejpy oytyiijëty tjë'kxtëty ets tää jënaakën mëti'ipë wäänë ja myëpëjkënëtyën, yi'iyë na''aay na'ujts jyë'kxtëp.

Romanos 15:1

Ëëts'ajtëm, mëti'ipë mëk yajpatëpën ma mëpëjkënën, mëpaat mputëjkëmë mëti'ipë ka'ap oy myëpëktënëm, ets ka'ap yi'iyë n'ixtä'ämyëty mëti'ipë ntukjotkëtakmëpën.

Romanos 15:2

Ni'ëmukë ëëts xypyaat'ajtëmë ntukjotkëtakmëty ja nmëku'uk'ajtëmë ets tuk'oy'atëty wi'ix wäänë oy tmëpëktëty ja Kristë.

1 Corintios 10:33

Mëët ëjts, yë'ëjës njatuunpy etsës ja nmëku'uk jyotkujk'atëty, ka'apës ja nkë'ëm oyajtën n'ixta'ay, ja wiinkëtypë ja jyä'ä n'ixtaayëtëpës ets tpaatëty ja nitsokën.

1 Corintios 7:16

Mijts to'oxytyëjk, ¿mnija'ap ko jyëkyejpy mijtskyëjxm ja mniye'etyëjk Dios yajknitso'okëtëty? ets mijts, ye'etyëjk, ¿mnija'ap ko jyëkyejpy mijtskyëjxm ja mto'oxytyëjk Dios yajknitso'okëtëtyë?

1 Corintios 8:13

Paaty, pën ëjts yë nmëku'ukës nyajpokytyuunpy mëët koos tii ntsu'utsy, nikë oy koos nijëna'a nkatsu'utsëty ja tsu'utsy këtiipë ja nmëku'ukës nyajpokykya'ajëtyës.

1 Corintios 9:19

Oyës pën xykyatuunpë'aty, tëëjës näpyëjktä'äkyë ijxtëm ja mëtuunpën ets ja ja'ay may tpaatëty ja Kristë.

1 Corintios 9:23

Paatyës ya'atë jëtu'un ntuny koos ja aaw ayuk oypyë nkajpxwä'kxy, etsës ëjts näjyëtu'un npaatyës ja kënu'kxën.

2 Corintios 11:29

Ko pën pya'ampety, näjyëtu'unës näpyëjktä'äkyë ijxtëm yë'ëjëtyën; ets pën jää pën tyajpokytyuny ja myëku'uk, ëjts määpy tajpës ets äjkëpës ijty.

Gálatas 6:1

Miits mëku'uktëjkëty, ko pën xy'ixtëty tëë pokyjotm kyä'äy, miitsëty mëti'ipë näyaj'ijtëtëp mëët ja Kënu'kxymyëkajtën putëkëtë ets kajpxwijtë mëët ja nätsyokë näjyawë ets näkyëwent'atëtë këtiipë mka'atëty näjyëtu'un pokyjotm.