1 Corintios 9:16 - Biblia Dc en Mixe de Quetzaltepec

¹⁶ Koos nnikäjpxy ja oy aaw oy ayuk ka'apës nnätyukmëjpëjktä'äkyë. Jëtu'unës npëjktä'äky ijxtëm ja tuunk akwanëpën mëti'ipës të xytyuknipëktën. Mon tukës jeexyë të nyajpaaty koos jeexyë ka'ap të nkajpxwä'kxy.

Biblia Mixe de Quetzaltepec

¹⁶ Koos nnikäjpxy ja oy aaw oy ayuk ka'apës nnätyukmëjpëjktä'äkyë. Jëtu'unës npëjktä'äky ijxtëm ja tuunk akwanëpën mëti'ipës të xytyuknipëktën. Mon tukës jeexyë të nyajpaaty koos jeexyë ka'ap të nkajpxwä'kxy.

1 Corintios 9:16 ပူးပေါင်းရင်းမြစ်များ

Isaías 6:5

Ënätës të njootwinmay: Janty mon janty tukës nyajpaaty, yaajës ënät n'o'knëty, ëxëëkës të n'ëy të nkäjpxy ets jamës ntsëënë ma ja ja'ay ëxëëkjaty kyajpxtën myëtya'aktën.

Jeremias 1:17

E mijts jotmëk mnäpyëjkta'akëtëty; nëjkx ets xy'ënëëmëty ijxtëm të ntuk'ëne'emyën. Këtii ni pën xytsyë'ëkëty, jä'ä ko pën mijts mtsë'këp ni'ikyë nyajtsëyuuypyëka'any ma yë'ëjëtyën.

Jeremias 20:7

Wintsën, mijts tëëjës xywyin'ëëny, kë'ëmës të nmëpëjkpë; ni'ik mmëkëty, paatyës ka'ap të xyajmëtä'äky. Janaam jatsojk je'eyës nyajnëxi'iky nyajtukxi'iky; aak xytyukxikpës yë ja'ay.

Jeremias 20:9

Koos n'ëna'any: Ëjts ka'apës yë Wintsën n'ëkja'amyätsanë ets ka'apës yë xyëëw n'ëknikajpxanë; koos jëtu'un n'ëna'any ënät jap njootjotyës njawë yë m'aaw m'ayuk tsyooypyiky jëënën ets jëtu'unës ntimjyawë tim tsääpy tim no'kp yowë, tyimtuktëjkëp njawës nwaay npajk. Koos njaakkumä'kxëja'any, nijënu'un tkajëkyepy.

Amós 3:8

¿Pën jëtää katsë'ëkëp ko yë kaa myu'uy? ¿Pën kakajpxaanp ko yë Dios tni'ënä'ämë ets tu'uk yë ja'ay kyajpxëty?

Amós 7:15

e yë Wintsën yë'ëjës të xytyuk'ëxmatsy yë kupixyny këwent'ajtk, etsës të xy'ënëëmë: Nëjkx yë naax nkajpnës, yë Israel kajpn tukmëmëtya'ak yë n'aaw n'ayukës.

Mateo 25:16

Ja tuunpë mëti'ipë ja meeny y'ëxajëyën mëkoxk mil, jä'ä ojts tyaj'u'unk'aty nän ja mëkoxk mil.

Lucas 9:62

Tääts ja Jesús y'ëtsooy: Mëti'ipë ja'ay yajtsajpkaayuupën ets janaam jatsojk y'ijxwinpity, ka'ap jëtu'unpë tsyokyë ma Dios yë kyutujktaknën.

Hechos 4:20

Ëëtsëty ka'ap tjëkyepy amonyë n'itëtyës ets nkanikajpxtëtyës mëti'ipës të n'ixy të nmëtowtën.

Hechos 9:15

Tää ja Wintsën y'ënäny: Nëjkx, tëëjës ntuknipëky. Nyajtunäämpyës yë'ë ets nyëjkxëty ma ja ja'ay mëti'ipë ka'ap jyutiisëty. Jamts tnikäjpxy tnimëtya'akëty ja n'aaw n'ayukës ma ja mëti'ipë tsënaaytyëpën wiink it wiink naax ets ja yajkutujkpë mëti'ipë ënä'ämtëpën, näjyëtu'un ja Israel ja'ayëty.

Hechos 9:6

Ets ja Saulo tsyëyuuypyijky ets y'ënäny: ¿Tii mtsojkpy etsës ntunëty? Ënet ja Wintsën y'ënëmaayë: Pëtë'ëk ets nëjkx kajpnjotm. Jamts myajtuk'ëwaanëty mëti'ipë mtunëpën.

Romanos 1:14

Nu'kxyjoty n'ityës ma miitsëtyën, ma wijyjyä'äyën ma tsuuja'ayën, ma këpetyjyä'äyën ets ma tëtä'äkyjyä'äyën;

Romanos 15:17

Nmëët'ajtypës ja mëk'ajtën etsës nämyëjjawëtëty ma ja Kristë Jesús, jä'äkyëjxm koos ja Dios nmëtuny.

Romanos 4:2

Ko jeexyë ja Abraham ojts oy wyi'im mëët ja Dios mëët ko winë oy të tuny, jyëkyejpy jeexyë nyämyëjjawëty, oy kyajamëty Dios wyintum.

1 Corintios 4:15

Oy xyjyamëët'atë majk milën ja yaj'ijxpëjkpë mëti'ipë mtuk'ijxpëjkëtëp ja Kristë ja jyä'ä, ka'ap ja mteety may xymyëët'atë, jëtu'un npëjktakmëty koos ëjts xytyeety'ajtëp jä'ä ko miits të ntuk'ëwaanëtë ja nitsokën ko ja Kristë të xymyëpëktë.

1 Corintios 9:12

Pën m'amëtoowëtëp ja wiink ja'ay ets winë xymyo'otëty, wäänëni'ik ëëts xypyaatë ets winë xymyo'otëtyës. E ka'apës ya'atë kuttujkën të nyajtuntë, tëëjës nmënax nyajnaxtë ja ëyo'on oyës tii të njayajmëyatë ets këtiipë tyu'u'ëtukëty ja aaw ayuk ma Kristë yajnimëtyä'äkyën.

1 Corintios 9:14

Näyjyëtu'un ja Wintsën të tuknipëjktaakë ko nän yë'ë tyukjuuky'atëp mëti'ipë kyajpxwa'kxtëpën ja aaw ayuk oypyë.

2 Corintios 2:12

Koos nja'ajty jam Troas etsës nkajpxwä'kxy ja oy aaw oy ayuk ma Kristë yajnimëtyä'äkyën, ja nWintsënës yaj'ëwats ja nnë'ë ntu'ujës.

Colosenses 4:17

Tukmëmëtya'aktë ya'atë yë Arquipo: Kä'pxy xypyatunëty ja mtuunk ijxtëm ja Wintsën të mtuknipëkyën.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.