1 Corintios 9:12 - Biblia Dc en Mixe de Quetzaltepec

¹² Pën m'amëtoowëtëp ja wiink ja'ay ets winë xymyo'otëty, wäänëni'ik ëëts xypyaatë ets winë xymyo'otëtyës. E ka'apës ya'atë kuttujkën të nyajtuntë, tëëjës nmënax nyajnaxtë ja ëyo'on oyës tii të njayajmëyatë ets këtiipë tyu'u'ëtukëty ja aaw ayuk ma Kristë yajnimëtyä'äkyën.

Biblia Mixe de Quetzaltepec

¹² Pën m'amëtoowëtëp ja wiink ja'ay ets winë xymyo'otëty, wäänëni'ik ëëts xypyaatë ets winë xymyo'otëtyës. E ka'apës ya'atë kutujkën të nyajtuntë, tëëjës nmënax nyajnaxtë ja ëyo'on oyës tii të njayajmëyatë ets këtiipë tyu'u'ëtukëty ja aaw ayuk ma Kristë yajnimëtyä'äkyën.

1 Corintios 9:12 ပူးပေါင်းရင်းမြစ်များ

2 Corintios 11:12

E ëjts je'eyëmës ntuna'any mëti'ipës ntsojkpyën këtiipë yajtu'umo'otëty ja wiinkpë mëti'ipë nätyukmëjpëjktakëtëp ëëts ja ntuunkëty,

1 Corintios 9:18

Yë'ës nkuma'ayën'ajtyp koos namëyajtën nkajpxwä'kxy ja oy aaw oy ayuk oyës ja tëyajtën njamëët'aty ets jeexyë n'amëtowtë ja nmëju'unyës koos jëtu'un ntuny.

1 Corintios 9:15

E nijëna'a ya'atë tëyajtën të nkayajtunyës, nijëna'a miits të nka''amëtowtë tii ets të xymyo'otës. Nikë oyës ntimy'ookëty naamka'anëmës pën xypyëjkë ya'atë jotkujk'ajtën mëti'ipës nmëët'ajtypyën

1 Corintios 9:2

Wä'än jëtää ja wiinkpë ka'ap xy'ixkaptës koos n'ayuk kajpxwa'kxpëty, e miitsëty xynyija'awëtëp jä'ä ko tëë xymyëpëktë ja Wintsën ko të ntuk'ëwaanëtë, yë'ë yajtuknija'ap koos n'ayukkajpxwä'kxy.

2 Corintios 11:20

Mmëmëtaktëp miits näjyëtu'un ko pën atsip tii mtuktuna'anëtë, mëti'ipë mtsuu'ijxëtëpën, mwin'ë'ënëtëpën, mëti'ipë mkamëj'ijxëtëp ets m'apojtsë'këtëp.

2 Corintios 6:3

Ka'apës pën tëkatsy të najtstunëtë, këtiipë ja ntuunkëtyës nyipäxëtëkëty.

1 Corintios 6:7

Ko mtsiptuntë aak miitsëty, ka'ap jëtu'un y'oyëty. ¿Tii ko xykyamëmëta'aktë ko pën mkapaye'eyëtë ets tii ko xykyana'ixtë ets myajmäätstëty?

Romanos 15:22

Paaty miits ka'ap nninëjkxtë oyës kanaak ok të njatuknipëjktaakë.

Hechos 18:3

jam ojts wyi'im tuunpë. Näy jä'ä ja Pablo tyuunk'ajtyp ja wit tëjk xuuyk.

Lucas 11:52

Miitsëty tsajptëkotyëtë yaj'ijxpëjkpë mon tuk myajpaatë, mëti'ipë tëë xyjyä'äniwa'antën ja nija'awën; je'eyëp ko ka'ap mtëkëtë tëkoty ets ni xykyayajnaxtë ja wiinkpë.

Nehemías 4:8

ënät tu'ukyë tkajpxmujktë wi'ix tnitëkëja'antë ja Jerusalén kajpn ets wi'ix ëxëëk y'ëk'ëtë'ëtsa'an y'ëna'ana'antën.

Génesis 24:56

Tä ja tuunpë y'ëtsooy: Këtiijës nëkoo xyajpo'oxtë. Dios të tyajkutuky etsës oy yë nnë'ë ntu'u wyimpëtsëm jyëjpëtsëmëty. Paaty tyam ëxmajtstëkës wä'änës n'ëknëjkxy maas ja nwintsën ja jyëën tyëjkën.

1 Corintios 9:14

Näyjyëtu'un ja Wintsën të tuknipëjktaakë ko nän yë'ë tyukjuuky'atëp mëti'ipë kyajpxwa'kxtëpën ja aaw ayuk oypyë.

1 Corintios 9:16

Koos nnikäjpxy ja oy aaw oy ayuk ka'apës nnätyukmëjpëjktä'äkyë. Jëtu'unës npëjktä'äky ijxtëm ja tuunk akwanëpën mëti'ipës të xytyuknipëktën. Mon tukës jeexyë të nyajpaaty koos jeexyë ka'ap të nkajpxwä'kxy.

1 Corintios 13:7

Ko yajmëëtëty ja oyjyot oywyinma'any, yajku'ëyo'owëp winë, nmëpëjkmëp tu'kë'ëyë, njëjp'ijxmëp tu'kë'ëyë ets nmëtënä'ämyëp tu'kë'ëyë winë.

2 Corintios 2:12

Koos nja'ajty jam Troas etsës nkajpxwä'kxy ja oy aaw oy ayuk ma Kristë yajnimëtyä'äkyën, ja nWintsënës yaj'ëwats ja nnë'ë ntu'ujës.