1 Corintios 8:10 - Biblia Dc en Mixe de Quetzaltepec

¹⁰ Jä'ä ko pën mijts mjanija'ap ya'atë, ets mtëkëty kääpyë ukpë ma ja awinax ënety të yajtukwintsë'ëkën ja kääky uuky ets m'ixëtëty ja mmëku'uk mëti'ipë ka'ap oy myëpëkyën, tsojk nëjkx näjyëtu'un y'ëtëtstä'äky ets tkayëty mëti'ipë ënety ja awinax të yajtukwintsë'ëkën.

Biblia Mixe de Quetzaltepec

¹⁰ Jä'ä ko pën mijts mjanija'ap ya'atë, ets mtëkëty kääpyë ukpë ma ja awinax ënäty të yajtukwintsë'ëkën ja kääky uuky ets m'ixëtëty ja mmëku'uk mëti'ipë ka'ap oy myëpëkyën, tsojk nëjkx näjyëtu'un y'ëtëtstä'äky ets tkayëty mëti'ipë ënäty ja awinax të yajtukwintsë'ëkën.

1 Corintios 8:10 ပူးပေါင်းရင်းမြစ်များ

Amós 2:8

Yë'ë nätyukxojxëtëp ja wit tujkxy mëti'ipë ja ëyoopëja'ay të tpëjkën; jëtu'un kyäytyë y'uuktë ma tnixëëwtuntën yë awinax; yë'ë tyukjuuytyëp yë tsatym nyëë yë wit meeny mëti'ipë ja'ay atsip pyëjkëtyëpën ets jap y'uuktë jyë'kxtë ma tsyajptëjkën yë wiink tios.

Hechos 15:20

Nikë oy ko ja noky nkäjxmëty ets ntuk'ëwa'anëmëty ko yi'iyë ka'ap ja jëyujk tsu'utstëty mëti'ipë ëxëëkën, mëti'ipë ja tsaamëxan të yajtukwintsë'ëkën; ets näjyëtu'un ka'ap tkupëktëty ja pëjkën ukën ka'apë myëtëyëtyën, ets ko ka'ap tsu'utstëty ja jëyujk najts'ookëpë, ëkë ja yo'kpenypë, ëkë ja mëti'ipë kë'ëm o'kpën ets ja ne'pnymyëëtpë.

Romanos 14:14

Ëjts njanija'apës ko aak'oy aak wa'ats winë; ets yë'ëkyëjxmës jëtu'un n'ëna'anyës koos ja Jesús nmëpëky. E pën winmääpy ko tää ja jë'kxy pëky mëti'ipë ka'ap y'oyëtyën, jëtu'un ja myäy tyäjy ko ka'ap y'oyëty.

Romanos 14:23

Ja ja'ay mëti'ipë ka'ap oy yajxon tnijawën pën mëpaat tjë'kxy tkajë'kxy winë, ko tjë'kxy kë'ëm tpokyjyawë ok, jä'ä ko ka'ap të tjë'kxy akujk jotkujk mëët ja mëpëjkën; tu'kë'ëyë mëti'ipë ka'ap tii ëmuumtu'ukjot yajtunyën, poky yë'ë.

1 Corintios 10:32

Ka'ap pën xymyo'otëty ja ijxpäjtën ëxëëk, ni yë'ë mëti'ipë jutiis kajutiis, ni yë'ë mëti'ipë yajpatëpën ma ja Dios ja nyaax kyajpnën.

1 Corintios 8:4

Mëëtpë ja winma'any ko ja kääky uuky yajjë'kxy mëti'ipë ënety të yajtukwintsë'ëkën ja awinax, ëëtsajtëm wa'ats nnija'awëmë ko ya'atë awinax ka'ap tii mëk'ajtën tmëëtëty yaa naaxwiiny ets nija'awëm ko tu'ukyë ja Dios je'eyë.

1 Corintios 8:7

E ka'ap ya'atë tëyajtën ja'ay ni'ëmukë tnijawëtë. Mëti'ipë të tmëyujtën ets twintsë'ëkëtë ja awinax ets ënät tjë'kxtë ja kääky uuky mëti'ipë të yajtukwintsë'ëkën ja awinax, ok kë'ëm twiinkjawëtë jä'äkyëjxm ko kë'ëm tmëmay tmëtajtë ko ka'ap y'oyëty ko të tjë'kxtë.

1 Corintios 8:9

Miits ko tii xyjyë'kxtëty mnäkyëwent'atëtëp këtiipë wiink t'ixtëty ja mmëku'uk mëti'ipë ka'ap oy myëpëktën.

Jueces 9:27

Ënet ojts tsyoontë tsatsym tyujkpë ets ja tsatym nyëë tyaj'o'oyëtyë, mëj tnixëëwtuuntyë ets y'uktë myukëtë; kyääytyë pyëjktë ma ja Baal ja tsyajptëjkën ets tpojktë ja Abimélec.