1 Corintios 7:34 - Biblia Dc en Mixe de Quetzaltepec

³⁴ Tëkajtsp ja winma'any, ja to'oxytyëjk mëti'ipë ka'ap pyikyëtyën, yë'ë myëmääpy myëtäjpy ja Wintsën ja jyä'ä, wi'ix mëpaat nyätyukë'ëtëkëtyën ja Dios wa'ats aaw wa'ats jot ets wi'ix mëpaat ja nyi'kx kyopk wa'ats tmëët'atyën ijxtëm ja jyot wyinma'anyën; je'eyëp ko ja to'oxytyëjk pëkpyë, yë'ë myëmaay myëtäjpy ja naaxwiinyëtë winma'any ets wi'ix tyajjotkujk'atëtyën ja nyiye'etyëjk.

Biblia Mixe de Quetzaltepec

³⁴ Tëkajtsp ja winma'any, ja to'oxytyëjk mëti'ipë ka'ap pyikyëtyën, yë'ë myëmääpy myëtäjpy ja Wintsën ja jyä'ä, wi'ix mëpaat nyätyukë'ëtëkëtyën ja Tios wa'ats aaw wa'ats jot ets wi'ix mëpaat ja nyi'kx kyopk wa'ats tmëët'atyën ijxtëm ja jyot wyinma'anyën; je'eyëp ko ja to'oxytyëjk pëkpyë, yë'ë myëmaay myëtäjpy ja naaxwiinyëtë winma'any ets wi'ix tyajjotkujk'atëtyën ja nyiye'etyëjk.

1 Corintios 7:34 ပူးပေါင်းရင်းမြစ်များ

Juan 10:13

Tääpë ja'ay paaty kye'eky jä'ä ko yi'iyë myëju'uny nyituunpy, ka'ap ja kupixyny tmëmay tmëtajy.

Romanos 6:13

Ka'ap xykyë'ëyaktëty ja mjot mnini'kx ets mpokytyuntëty, ets yi'iyë ja ëxëëkpë xytyuunëtëty. Nikë oy mnäpyëjkta'akëtëty Dios kyë'ë'am, jëtu'un tä ja ja'ayën tëëpë y'ookyën ets tëëpë jatëkok jyuukpyikyën, ets xykyë'ëyaktëty ja mni'kx mkopk ma ja nipaye'eyën oypyë yë'ë wyintum.

1 Corintios 6:20

Jä'ä ko tëë ja Dios mkujuyëtë ko ja y'u'unk të mku'ookëtë, mmëjjaw jaantyjyawëtë ja Dios mëët ja mni'kx mkopkëty.

1 Corintios 7:33

e mëti'ipë ja'ay pëkyën, yë'ë myëmääpy myëtäjpy ja naaxwiinyëtë winma'any ets tyajjotkujk'aty ja tyo'oxytyëjk.

1 Corintios 7:35

Ka'apës jëtu'un n'ëna'any ets miits ka'ap tii xy'ëktuunëtëty, paatyës jëtu'un n'ëna'any ets oy mtsëënëtëty ets oy xymyëtuntëty ja Wintsën.

2 Corintios 11:28

Jëtu'un ya'atë ets oytyiijëty, jëpom jëpomës ja njotmay të myëjë të myäyë mëëtpë ja mëpëjkpëtëjk.

2 Corintios 8:16

Nkukajpxëpës ja Dios ko Tito näjyëtu'un Dios të tyuktëkëty ets miits mmëmay mmëtajëtë ijxtëm ëjts miits të nmëmay të nmëtajtën.

Filipenses 1:20

Njëjp'ijxypës ëmuumtu'ukjot ko ka'apës ntsëtyu'unpaata'any, ni'ikyës xymyo'oja'any ja Dios ja mëk'ajtën wi'ix yajmëjjaw yajjaantyjäwëtyën ja Kristë, oyës n'ookëty ëkë njuuky'atëtyës.

1 Tesalonicenses 5:23

Wä'än ja Dios, mëti'ipë jotkujk'ajtën yäjkpyën, yë'ë wa'ats tyaj'ity ja mjot mwinma'anyëty, mjot mja'awënëty ets mni'kx mkopkëty; ka'ap ënety ja poky xymyëët'atë ko ja Wintsën Jesukristë myinëty.

1 Timoteo 3:5

jä'ä ko pën ka'ap tu'uk ja ja'ay tjaty yajkutukëty tyëkoty, ¿wi'ix tkëwent'ata'any ja Dios ja myëpëjkpëtëjk?

1 Timoteo 5:5

Ja ku'ooky tyo'oxytyëjk mëti'ipë nätyu'uk të wyi'imyën, Dios ja yi'iyë tyuk'ijxpejtyp. Ka'ap t'ëxmatsy ja jëëytyak nu'kxtaak, ijtp ja xëëny koots ja Dios tja'amyetsy.

Tito 3:8

Tëyajtën ya'atë, ntsojkpyës ets xynyikajpxëty mëk'äämpy, wä'än ja oypyë tuntë mëti'ipë ja Dios myëpëjktëpën. Oy ya'atë ijxpëjkën tu'unxëtëp ja ja'ay oypyënëty.