1 Corintios 7:31 - Biblia Dc en Mixe de Quetzaltepec

³¹ Pën yajtuunpy ya'atë naaxwiinyëtë winma'any, jëtu'un jyuuky'atëty ijxtëm ja ja'ay mëti'ipë ka'ap tunyë këwentë ja naaxwiinyëtë winma'any; jä'ä ko ya'atë naaxwiinyëtë winma'any mëti'ipë tyam n'ijxëmën, tsojk kyutëkoyä'äny.

Biblia Mixe de Quetzaltepec

³¹ Pën yajtuunpy ya'atë naaxwiinyëtë winma'any, jëtu'un jyuuky'atëty ijxtëm ja ja'ay mëti'ipë ka'ap tunyë këwentë ja naaxwiinyëtë winma'any; jä'ä ko ya'atë naaxwiinyëtë winma'any mëti'ipë tyam n'ijxëmën, tsojk kyutëkoyä'äny.

1 Corintios 7:31 ပူးပေါင်းရင်းမြစ်များ

Salmos 39:6

Tëkokyë yë naaxwiinyëtë ja'ay jëtu'un nyäxy poj'am tä tu'uk yë äpkën; ka'ap nijënu'un tuk'oy'atëty oy jënu'un yë wit meeny nipëjkpät nituumpätëty, jä'ä ko ni yë'ë tkanijawë pën nëjkx tmëwë'ëmy.

Salmos 73:20

Ko ënety mijts mpëtë'ëky, Wintsën, jëtu'un tä ja'ay myä'äypyëti'ikyën, ënät nëjkx ka'ap ninu'un xy'ixa'any tääpë ja'ayëty mëti'ipë tëkatsy ja jyot wyinma'anyëtyën.

Eclesiastés 1:4

Wiinkpë myëxu'unk'aty, wiinkpë y'ooky, e ja naaxwiinyëtë ka'ap tyëkatsy.

Eclesiastés 11:2

Mo'ojëp yë mjëëky mëku'uk mëti'ipë mëët'ajtypyën mapaat mëtä'äkyën, jä'ä ko ka'ap yajnijawë tii ëyo'on miimp këtakp naaxjoty kajpnjoty.

Lucas 21:34

Näkyëwent'atëtë, këtii xy'atsoktëty ja nëë ju'uky, këtii m'uuktëty mu'ukëtëty, këtii yë'ë xymyëmay xymyëtajtëty ja naaxwiinyëtë naaxkëjxypyë yajtukjuuky'ätyën, këtiipë ja ëyo'on ajotkumonë mtukja'tëtëty,

1 Corintios 7:29

Mëku'uktëjkëty, yë'ëjës ya'atë njatijpy, yiin wäänë njaakjuuky'ata'anëmë yaa naaxwiiny. Paaty, mëti'ipë pëkyëtyën jëtu'un tsyëënëtë ijxtëm jeexyë ka'ap pyiky'atën, ja Dios jyä'ä tyukjotëkoytyëp.

1 Corintios 7:30

Pën jëëytyëp yaxtëp, jëtu'un jyuuky'atëty ijxtëm ja ja'ayëtyën mëti'ipë ijtëpën xoontëpën; mëti'ipë ijtëpën xoontëpën jëtu'un jyuuky'atëty ijxtëm ja ja'ayëtyën mëti'ipë maaytyëp tajtëpën; mëti'ipë juuytyëp to'ktëpën, jëtu'un jyuuky'atëty ijxtëm jeexyë ka'ap tii tjä'ä'atën.

1 Corintios 9:18

Yë'ës nkuma'ayën'ajtyp koos namëyajtën nkajpxwä'kxy ja oy aaw oy ayuk oyës ja tëyajtën njamëët'aty ets jeexyë n'amëtowtë ja nmëju'unyës koos jëtu'un ntuny.

Hebreos 12:27

Ko ja Dios y'ënä'äny ko jatëkok tyajyu'kxa'any ja naax ets ja tsajp, jëtu'un yajja'akyukë ko tyajkwintëkooytya'aja'any tu'kë'ëyë mëti'ipë ojts tpëjktä'äkyën ets y'ita'any xëmëkyëjxm mëti'ipë ka'ap yu'kxyën.

Santiago 4:14

Nijënu'un xykyanijawëtë mëti'ipë jëpom tunan jatanëpën. Jëtu'un miitsëty ijxtëm ja maanikën, wäänë y'ity ets tyëkoy.

1 Pedro 1:24

Jä'ä ko jëtu'un ja Dios ja y'aaw y'ayuk këxja'aypyë y'ënä'äny: Tëkokyëty yë ja'ay aakjëtu'un ijxtëm ja aay ujtsën, ets ja myëj'ajtën jëtu'un ijxtëm ja pëjyën. Tëtsp ja aay ujts ets ja nyipëjy kyatska'ay;

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

1 Juan 2:17

Yë naaxwiinyëtë winma'any këjxnëp najxnëp yë'ënë mëët tëkokyë winë mëti'ipë ja'ay tsyojkën'ajtëpën; e pën ja Dios ja jyä'ä pyatuunëp xëmëkyëjxm jyuuky'ata'any.