1 Corintios 7:29 - Biblia Dc en Mixe de Quetzaltepec

²⁹ Mëku'uktëjkëty, yë'ëjës ya'atë njatijpy, yiin wäänë njaakjuuky'ata'anëmë yaa naaxwiiny. Paaty, mëti'ipë pëkyëtyën jëtu'un tsyëënëtë ijxtëm jeexyë ka'ap pyiky'atën, ja Dios jyä'ä tyukjotëkoytyëp.

Biblia Mixe de Quetzaltepec

²⁹ Mëku'uktëjkëty, yë'ëjës ya'atë njatijpy, yiin wäänë njaakjuuky'ata'anëmë yaa naaxwiiny. Paaty, mëti'ipë pëkyëtyën jëtu'un tsyëënëtë ijxtëm jeexyë ka'ap pyiky'atën, ja Tios jyä'ä tyukjotëkoytyëp.

1 Corintios 7:29 ပူးပေါင်းရင်းမြစ်များ

2 Samuel 19:34

E ja Barzilai tyaa y'ëtsooy: Ëjts jawäänës njaakjuuky'ata'any, nëkoopës njaaknëjkxëty jam Jerusalén mëët yë yajkutujkpë,

Eclesiastés 6:12

Ni pën tkanijawë, tii jëtää naaxwiinyëtë mëpaat yajxon tukxoontä'äky ma yaa wäänë jyuuky'ajtkojyën ets ma mëtyoy yë xyëëw jyëmëjt nyäxyën. Tä äpkën yë jyuukyajtën nyajxkojy, ¿ets pën ëktuk'ëwa'anxëtëp tii miimp wiinkoonp? ma ënety të y'o'knën.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Ezequiel 7:12

Tyam, tëë ja xëëw tpaaty. Ma ja to'kpë yajkpë ka'ap tii t'ëktukxoontaknëty, yë'ëpaat mëti'ipë ajuupyën ka'ap ja mëk'ajtën t'ëkmëët'ajnëty wi'ix myonëty tyukëty. Ëwa'an'ajtën yam mëët ntëytyuna'anyës yë Israel ja'ayëty ko amëj akëjxm nyäyjyawëtë.

Lucas 14:20

Ets wiinkpë y'ënäny: Tim naanpëjkpës jam, ka'apës nmëta'akëty nëjkxëty.

1 Corintios 7:28

E pën mpëjkp, ka'ap pyokyëty; ets pën pëjkp tu'uk ja to'oxy'ëna'k, nän ka'ap pyokyëty. E Mëti'ipë pëjktëp, myëët'atantëp ja jotmay yaa naaxwiiny, ets ka'apës ntsoky ets ja jotmay xymyëët'atëty.

1 Corintios 7:30

Pën jëëytyëp yaxtëp, jëtu'un jyuuky'atëty ijxtëm ja ja'ayëtyën mëti'ipë ijtëpën xoontëpën; mëti'ipë ijtëpën xoontëpën jëtu'un jyuuky'atëty ijxtëm ja ja'ayëtyën mëti'ipë maaytyëp tajtëpën; mëti'ipë juuytyëp to'ktëpën, jëtu'un jyuuky'atëty ijxtëm jeexyë ka'ap tii tjä'ä'atën.

1 Corintios 7:31

Pën yajtuunpy ya'atë naaxwiinyëtë winma'any, jëtu'un jyuuky'atëty ijxtëm ja ja'ay mëti'ipë ka'ap tunyë këwentë ja naaxwiinyëtë winma'any; jä'ä ko ya'atë naaxwiinyëtë winma'any mëti'ipë tyam n'ijxëmën, tsojk kyutëkoyä'äny.

1 Pedro 1:24

Jä'ä ko jëtu'un ja Dios ja y'aaw y'ayuk këxja'aypyë y'ënä'äny: Tëkokyëty yë ja'ay aakjëtu'un ijxtëm ja aay ujtsën, ets ja myëj'ajtën jëtu'un ijxtëm ja pëjyën. Tëtsp ja aay ujts ets ja nyipëjy kyatska'ay;

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

1 Juan 2:17

Yë naaxwiinyëtë winma'any këjxnëp najxnëp yë'ënë mëët tëkokyë winë mëti'ipë ja'ay tsyojkën'ajtëpën; e pën ja Dios ja jyä'ä pyatuunëp xëmëkyëjxm jyuuky'ata'any.