1 Corintios 7:2 - Biblia Dc en Mixe de Quetzaltepec

² je'eyëp ko jä'äkyëjxm ko ja ja'ay pyokytyuntë ko xim yam nyämyëëtsëënëtë, nikë oy ko ja ye'etyëjk tu'ukyë ja tyo'oxytyëjk tmëëtsëënëtëty ets ja to'oxytyëjk tu'ukyë ja ye'etyëjk tmëëtsëënëty.

Biblia Mixe de Quetzaltepec

² je'eyëp ko jä'äkyëjxm ko ja ja'ay pyokytyuntë ko xim yam nyämyëëtsëënëtë, nikë oy ko ja ye'etyëjk tu'ukyë ja tyo'oxytyëjk tmëëtsëënëtëty ets ja to'oxytyëjk tu'ukyë ja ye'etyëjk tmëëtsëënëty.

1 Corintios 7:2 ပူးပေါင်းရင်းမြစ်များ

Proverbios 18:22

Ko ja'ay tpaaty yë tyo'oxytyëjk, mëj këjää jëtu'un winë të tpaaty. Yë'ë jëtu'un y'ëxajëp tu'uk mëj nämyëyatë mëti'ipë Dios yäjkpyën.

Proverbios 19:14

Yë taak teety yë'ë yajktëp ja jëën tëjk ets wit meeny, e Dios yë'ë yäjkpy kutëjk wijypyë.

Malaquías 2:14

Ets ënät miitsëty ni'ikyë xyajtëwtë, ¿tii ko jëtu'un jyäty kyëpety? Ka'ap yowë xynyijawëtë ko paaty jyëtu'unëty jä'ä ko ka'ap ja m'aaw m'ayuk xy'ëkpatuunëtë ko xy'ënëmaaytyë ja to'oxytyëjk mëti'ipë mëët mpëjky m'ukyën ko mpi'k ëna'k'ajty ko xëmë xywyinkutsë'ëkëja'any. Yë'ë ënety mjämyëët'ajtëp ets yë'ë ojts xytyukwinwanë ko xëmë mëët m'ita'any.

Mateo 5:32

Temë jëtu'un miits nëëmëtë: ko pën ja tyo'oxytyëjk t'ëxmatsy ets ka'ap yë'ëkyëjxmëty ko ja to'oxytyëjk mëët wiink ye'etyëjk y'ity, jotmayjoty ja tyo'oxytyëjk tpëjktä'äky, jä'ä ko tsojk ja tyo'oxytyëjk mëët wiink ye'etyëjk nyäwyin'ëënëtëty ets pyokytyuntëty, näjyëtu'un ënät ja ye'etyëjk mëti'ipë jëtu'unpë ja to'oxytyëjk pyuwa'këpën mëti'ipë tëë yaj'ëxmatsyën nän pokytyuunp ënety.

1 Corintios 6:18

Ka'ap yë tu'u xymyo'otëty ja in'ajtën. Ko pën ja wiinkëtypë poky tuny, ka'ap ja ni'kx kopk tmëtëkoy, ets pën ëtëtsnajxpën, pokytyuunp jä'ä ma ja kyë'ëm ni'kx kyë'ëmkopkën.

1 Corintios 7:1

Tyaas n'ëtsoowinpity mëti'ipë miits myajtëëwtën nokykyijxy, mëti'ipës ojts xytyuknikäxtën. Wäänë oy ja'ijty ko jeexyë ja ye'etyëjk ka'ap pyiky;

1 Corintios 7:3

Tim Kopkpëky ko ja ye'etyëjk tsyëënëty mëët ja tyo'oxytyëjk ijxtëm pyaat'atyën ets ja to'oxytyëjk näjyëtu'un.

1 Corintios 7:9

E pën ka'ap tmëmëta'aka'antë ja nyi'kx kyopk, nikë wä'än timpyëktë ets këtiipë pyokytyuntëty ko tkamëmëta'aktëty ja nätyu'uk'at.

Efesios 5:28

Jëtu'unts ja ye'etyëjk tsoktëty ja tyo'oxytyëjk ijxtëm kë'ëm ja nyi'kx kyopk tsokyën. Pën tsyojkpy ja tyo'oxytyëjk, kë'ëm ënety nyätsyokyë.

Efesios 5:33

Nikë oy ko nitu'ukjaty ja ye'etyëjk tsoktëty ja tyo'oxytyëjk ijxtëm kë'ëm nyätsyokyën ets ja to'oxytyëjk twintsë'ëkëtëty ja nyiye'etyëjk.

1 Tesalonicenses 4:4

mjattëp wi'ix mjot mnini'kx xymyajts'ittëty ets m'ittëty oy wa'ats ets wintsë'kën mëët,

1 Timoteo 4:3

Ya'atë ja'ayëty yajkupojktëp ja pëjkën ukën, ja kääky uuky mëti'ipë ja Dios të tuknipëjktaakën ets ja mëpëjkpëtëjk tkaytyëty t'uuktëty mëti'ipë nyija'awëtëpën ja tëyajtën ets tkukajpxëtëty.

Jueces 21:22

E pën miintëpts ja tyeety ëkë ja jyiiky myëku'uk ets jyoot'anpëktëty, je'eyë ëëts n'ënëëmëtëty: Tuntë mëyajtën, nmënu'kxtaktëp yam ets xypyokymyä'kxtëty, ëëts to'oxytyëjkëtën maa nkapatëtëpës mëti'ipë yë'ë pyëktëpën y'uuktëpën, mëët yë'ëkyëjxm ko ja tsip ëëts të nmëët'atë mëët yë Jabés ja'ayëty. E näjyëtu'un miitsëty, ka'ap kë'ëm të xykyë'ëyaktë ja mnëëxëty paaty ka'ap yowë maa myajmëtëkoytyë.