1 Corintios 7:17 - Biblia Dc en Mixe de Quetzaltepec

¹⁷ Oy jyawi'ix'ajtpë, jëtu'un njuuky'ajtëmë ijxtëm ja Wintsën ja tuunk nitu'ukjaty të xymyo'oyëmën; jëtu'un ijxtëm ënety ja Dios të xyaxtso'owëmën. Jëtu'unës nnëëmë ja mëpëjkpëtëjkëty ni'ëmukë.

Biblia Mixe de Quetzaltepec

¹⁷ Oy jyawi'ix'ajtpë, jëtu'un njuuky'ajtëmë ijxtëm ja Wintsën ja tuunk nitu'ukjaty të xymyo'oyëmën; jëtu'un ijxtëm ënäty ja Tios të xyaxtso'owëmën. Jëtu'unës nnëëmë ja mëpëjkpëtëjkëty ni'ëmukë.

1 Corintios 7:17 ပူးပေါင်းရင်းမြစ်များ

1 Corintios 4:17

Paaty ntuknikäxtë ja Timoteo, mëti'ipës ni'ik ntsojkpyën ets n'u'unkja'apën ma ja mëpënjkënën. Yë'ë nëjkx mtukja'amyätsëtë wi'ixës winë të ntunyën koos ja Kristë të nmëpëky, jëtu'un ijxtëmës të nyaj'ijxpëkyën maajatyës të nnaxyën.

1 Corintios 7:24

Jëtu'un, mëku'uktëjkëty, juuky'atë ijxtëm ja Dios të myaxtsowëtën.

2 Corintios 8:18

Mëët yë Tito nkexyës tu'uk ja nmëku'uk'ajtëmë mëti'ipë oy tsuj yanimëtyakpën ma ja mëpëjkpëtëjkëtyën, jä'ä ko oy tuny tkäjpxy ja oy aaw oy ayuk.

2 Corintios 11:28

Jëtu'un ya'atë ets oytyiijëty, jëpom jëpomës ja njotmay të myëjë të myäyë mëëtpë ja mëpëjkpëtëjk.

1 Corintios 7:18

Pën ja Dios yaaxtsoopy ja ja'ay mëti'ipë ja ye'etyëjkajtën të yajnatsujk'ëwtityën, jëtu'un nyäpyëjkta'akëtëty ijxtëm jeexyë kyatsukyëtyën; e pën ja Dios të yaxtsoyë mëti'ipë ka'ap ye'etyëjkajtën nyatsujk'ëwtityëtyën, ka'ap atsip yajtsukëty.

1 Corintios 7:7

Jëtu'unës njatsoky ets ni'ëmukë ja ja'ay jeexyë y'itë ijxtëm ëjtsën, je'eyëp ko ka'ap ja Dios tu'knax ja tuunk të xymyo'oyëmë.

1 Corintios 14:33

jä'ä ko Dios yë'ë jotkujk'ajtën nyiTios'ajtyp, ka'ap yë'ëjëty jo'opë winma'any. Jä'ä mpatuntëp wi'ix ja mëpëjkpëtëjk tuntën ma ye'eymyuktën.

Mateo 19:12

Kanaaknax ja winma'any mëti'ipë ëtujkpën ets ka'ap ja'ay pyëkëty; tää mëti'ipë jëtu'un mëxu'unk'ajtpën ka'ap tjëkyepy wi'ix pyëkëtyën, tä mëti'ipë ja'ay kë'ëm y'ëtujkpyën këtiipë ja myëku'uk pyëkëty ets tää mëti'ipë ja'ay kë'ëm ënaanpën ko ka'ap pyëka'any mëët ko yë'ë ja tsajpjotmëpë kuttujkën tukjuuky'ata'any. Pën jyä'äkyujkëp ya'atë winma'any, wä'än tja'akyukë.

1 Corintios 16:1

Ko ja putëjkën xyajmuktëty ets yajmo'otëty ja nmëku'uk'ajtëmë, tuntë ijxtëmë të ntuk'ëwaanëtën ja mëti'ipë tsënaaytyëpën jam Galacia y'itjotm.

1 Corintios 10:32

Ka'ap pën xymyo'otëty ja ijxpäjtën ëxëëk, ni yë'ë mëti'ipë jutiis kajutiis, ni yë'ë mëti'ipë yajpatëpën ma ja Dios ja nyaax kyajpnën.

1 Corintios 11:16

Pën jamts pën tii tjaakkajpxa'any, wä'än tnijawë ko ëëtsëty ets mëpëjkpëjkpëtëjk ka'ap tii wiinkpë winma'any yajmëëtëty.

1 Corintios 11:34

Ets pën jap pën yuu'ookyë, wä'än tkay jam ma tyëjkën ets ja Dios ka'ap tsyäätyunëtëty ko ënety kya'ëwxity ma ye'eymyuktën. Jäänëmës wiinkëtypë ja jotmay nyaj'oyëty ko ënety jam nëjkx nku'ixëtë.

Gálatas 1:22

Ka'apës ijty xy'ixy'atë mëti'ipë ja Kristë myëpëjktëpën jam Judea y'itjotm.

1 Tesalonicenses 2:14

Miits, mëku'uktëjkëty, ko ojts m'ëyowtë ko ja mmëkukajpn m'ixjëtijt mpajëtijtëtë, tim näjyëtu'un të mjatë ijxtëm ja Jesukristë myëpëjkpëtëjk jyajtën jam Judea; näjyëtu'un yë'ë të pyajëtijta'akëtë ja myëjutiis ja'ayëty.

2 Tesalonicenses 1:4

Paatykyëjxm miits jotkujk nimëtya'aktë maajëty ja Dios ja jyä'äy ye'eymyuktën, tääts jëtu'un mëj'äämpy mnaxtë mëët ja mëpëjkën, oy ja ja'ay ëxëëk mja'ixëtë ets mjapajëtitëtë.