1 Corintios 7:15 - Biblia Dc en Mixe de Quetzaltepec

¹⁵ E ko ja ja'ay mëti'ipë ka'ap myëpëkyën tnikä'äkëty ja tyo'oxytyëjk ëkë nyiye'etyëjk, jyëkyejpy nyëjkxëty, najtspëkë ja wyi'im mëti'ipë mëpëjkpën, jä'ä ko ja Dios të myaxtsowëtë ets akujk jotkujk mtsëënëtëty.

Biblia Mixe de Quetzaltepec

¹⁵ E ko ja ja'ay mëti'ipë ka'ap myëpëkyën tnikä'äkëty ja tyo'oxytyëjk ëkë nyiye'etyëjk, jyëkyejpy nyëjkxëty, najtspëkë ja wyi'im mëti'ipë mëpëjkpën, jä'ä ko ja Tios të myaxtsowëtë ets akujk jotkujk mtsëënëtëty.

1 Corintios 7:15 ပူးပေါင်းရင်းမြစ်များ

Mateo 12:50

Jä'ä ko pën tyuunpy mëti'ipës yë nTeety tsajpjotmëpë tsyojkpyën, yë'ëjës nmëkä'äx'ajtyp ets yë'ëjës ntaak'ajtyp.

Lucas 9:39

Xëmë ku'oypyë myätsyë ets yajyä'äxy yajjokyë, mootyë pa'am myëët'ajtyp, yaxon o'pyk jyänty pyëtsimy y'aawjoty, o'ktëy jyäty kyëpety, ka'ap y'ëk'ëxmatsanënë.

Romanos 12:18

Maapaat mëta'aktën, itë akujk jotkujk ma ja ja'ayëtyën.

Romanos 14:19

Wä'än yë'ë n'ixta'ayëmë wi'ix npatmëtyën ja jotkujk'ajtën ets nnäpyutëjkëmëty nixim niyam wi'ix nwinpäjtmëtyën ma ja mëpëjkën.

1 Corintios 14:33

jä'ä ko Dios yë'ë jotkujk'ajtën nyiTios'ajtyp, ka'ap yë'ëjëty jo'opë winma'any. Jä'ä mpatuntëp wi'ix ja mëpëjkpëtëjk tuntën ma ye'eymyuktën.

2 Corintios 13:11

Tyamës nkajpxwë'ëmy mëku'uktëjkëty, ntukmëtsojktëp ets akujk jotkujk mjuuky'atëty. Yë'ë ixta'atë mëti'ipë wa'atsën. Patuntë mëti'ipë ojts ntuknijayëtën ets itë tu'ukyë mëët ja jotkujk'ajtën. Pën mtuuntëp jëtu'un, m'itantëp mëët ja Dios mëti'ipë ja oyjyot oywyinma'any yäjkpyën tëy tëtä'äky.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Deuteronomio 24:2

Ja to'oxytyëjk pën tëë jam tsyo'onë ma ja ye'etyëjk ja tyëjkën, jyëkyäjpnëp mëët wiink ye'etyëjk pyëkëty.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.

Santiago 2:15

N'ëkpëjktakëm ko tu'uk ja nmëku'uk'ajtëm ye'etyëjk ëkë to'oxytyëjk kya'ijtxëtëty ja wyit xyox ëkë ja kyä'äyën y'ukën winjëpom;