1 Corintios 7:11 - Biblia Dc en Mixe de Quetzaltepec

¹¹ Pën y'ëxmajtsyp ja to'oxytyëjk ja nyiye'etyëjk, nätyu'uk jëtu'un y'itëty, ëkë nänyijootwinpitëtëp jatëkok, näjyëtu'un ja ye'etyëjk ka'ap pyaat'atyë ets ja tyo'oxytyëjk t'ëxmatsëty.

Biblia Mixe de Quetzaltepec

¹¹ Pën y'ëxmajtsyp ja to'oxytyëjk ja nyiye'etyëjk, nätyu'uk jëtu'un y'itëty, ëkë nänyijootwinpitëtëp jatëkok, näjyëtu'un ja ye'etyëjk ka'ap pyaat'atyë ets ja tyo'oxytyëjk t'ëxmatsëty.

1 Corintios 7:11 ပူးပေါင်းရင်းမြစ်များ

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënety pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Jeremias 3:1

Jëtu'un yë Wintsën y'ënä'äny: Ko tu'uk yë to'oxytyëjk nyäy'ëxmatsyë mëët yë nyiye'etyëjk, yë to'oxytyëjk ko pyëjktëkatsy, ka'ap t'ëkjëkyäjpnë nän yë'ë mëët jatëkok pyëkëty mëti'ipë ënety mëët të nyäy'ëxmatsyën. Yë naax kajpn wiink nëjkx t'ixy. E mijts Israel, jëtu'un të m'ëtë'ëtsy tä tu'uk to'oxytyëjk kanaak yë ye'etyëjk mëët y'ityën ets ënät m'ëna'any ko ëjts xynyiwinpita'any. Ëjts Wintsën, ëjts ënaanp.

Mateo 5:32

Temë jëtu'un miits nëëmëtë: ko pën ja tyo'oxytyëjk t'ëxmatsy ets ka'ap yë'ëkyëjxmëty ko ja to'oxytyëjk mëët wiink ye'etyëjk y'ity, jotmayjoty ja tyo'oxytyëjk tpëjktä'äky, jä'ä ko tsojk ja tyo'oxytyëjk mëët wiink ye'etyëjk nyäwyin'ëënëtëty ets pyokytyuntëty, näjyëtu'un ënät ja ye'etyëjk mëti'ipë jëtu'unpë ja to'oxytyëjk pyuwa'këpën mëti'ipë tëë yaj'ëxmatsyën nän pokytyuunp ënety.

Marcos 10:12

E ko ja to'oxytyëjk ja nyiye'etyëjk t'ëxmatsy ets ja wiinkpë ye'etyëjk tpëky, nän yajwintsë'këntëkoopy ënety ja pëjkën ukën.

Marcos 10:2

Tääts ja fariseë ja'ayëty ojts jënaakën tninëjkxtë ja Jesús, ets je'eyë twinma'any'ixa'antë, tyajtëëwtë: ¿Kutujkp ets ja ye'etyëjk tyo'oxytyëjk t'ëxmatsëtyë?

Lucas 16:18

Ko pën ja tyo'oxytyëjk t'ëxmatsëty ets ja wiinkpë tpëkëty, pëjkën ukën ënety kyawintsë'këp; ko pën tpëkëty ja to'oxytyëjk mëti'ipë ënety të yaj'ëxmatsyën, pëjkën ukën ënety ja wyintsë'kën yajtëkooyëp.

1 Corintios 7:10

E mëti'ipë të pyëjknëtën, jëtu'unës ya'atë ënä'ämën njaakmo'otë; ka'ap ëjts njä'äjëty, Wintsën yë jyä'ä, ko ka'ap ja to'oxytyëjk nyiye'etyëjk t'ëxmatsëty.

1 Corintios 7:12

Jëtu'unës n'ëna'any, oy ja Wintsën jëtu'un kya'ëna'any, pën jää ja ye'etyëjk mëpëjkpë tmëëtsëënë ja to'oxytyëjk mëti'ipë ka'ap myëpëkyën ets ja to'oxytyëjk y'a'ijxëp ets tmëëtsëënëja'any ja nyiye'etyëjk; ja ye'etyëjk ka'ap t'ëxmatsëty ja to'oxytyëjk.

Deuteronomio 22:19

Ets nëjkx ja kukëpäjtën tuknipëktë mëko'px ja meeny, aakyë'ë poop pujxn. Yë'ë yajmo'ojëp ja to'oxytyëjk ja tyeety, mëët ko ja to'oxytyëjk ënety nëkoo je'eyë të yajniwaanpety ma ja Israel kajpnën. Ja ye'etyëjk nëjkxëp ja to'oxytyëjk tmëëtsëënë ets ka'ap tjëkyepy nijëna'a t'ëxmatsëty.