1 Corintios 7:10 - Biblia Dc en Mixe de Quetzaltepec

¹⁰ E mëti'ipë të pyëjknëtën, jëtu'unës ya'atë ënä'ämën njaakmo'otë; ka'ap ëjts njä'äjëty, Wintsën yë jyä'ä, ko ka'ap ja to'oxytyëjk nyiye'etyëjk t'ëxmatsëty.

Biblia Mixe de Quetzaltepec

¹⁰ E mëti'ipë të pyëjknëtën, jëtu'unës ya'atë ënä'ämën njaakmo'otë; ka'ap ëjts njä'äjëty, Wintsën yë jyä'ä, ko ka'ap ja to'oxytyëjk nyiye'etyëjk t'ëxmatsëty.

1 Corintios 7:10 ပူးပေါင်းရင်းမြစ်များ

Jeremias 3:20

E miitsëty jëtu'un të m'ëtëtsnëtë tä tu'uk to'oxytyëjkën mëti'ipë ka'ap nyiye'etyëjk tmëj'ixy tmëjpëjktä'äkyën, jëtu'un miitsëty ka'ap të xy'ëkmëj'ijx të xy'ëkmëjpëjktaknëtës. Ëjts Wintsën, ëjts ënaanp.

Mateo 5:32

Temë jëtu'un miits nëëmëtë: ko pën ja tyo'oxytyëjk t'ëxmatsy ets ka'ap yë'ëkyëjxmëty ko ja to'oxytyëjk mëët wiink ye'etyëjk y'ity, jotmayjoty ja tyo'oxytyëjk tpëjktä'äky, jä'ä ko tsojk ja tyo'oxytyëjk mëët wiink ye'etyëjk nyäwyin'ëënëtëty ets pyokytyuntëty, näjyëtu'un ënät ja ye'etyëjk mëti'ipë jëtu'unpë ja to'oxytyëjk pyuwa'këpën mëti'ipë tëë yaj'ëxmatsyën nän pokytyuunp ënety.

Marcos 10:2

Tääts ja fariseë ja'ayëty ojts jënaakën tninëjkxtë ja Jesús, ets je'eyë twinma'any'ixa'antë, tyajtëëwtë: ¿Kutujkp ets ja ye'etyëjk tyo'oxytyëjk t'ëxmatsëtyë?

Lucas 16:18

Ko pën ja tyo'oxytyëjk t'ëxmatsëty ets ja wiinkpë tpëkëty, pëjkën ukën ënety kyawintsë'këp; ko pën tpëkëty ja to'oxytyëjk mëti'ipë ënety të yaj'ëxmatsyën, pëjkën ukën ënety ja wyintsë'kën yajtëkooyëp.

1 Corintios 7:11

Pën y'ëxmajtsyp ja to'oxytyëjk ja nyiye'etyëjk, nätyu'uk jëtu'un y'itëty, ëkë nänyijootwinpitëtëp jatëkok, näjyëtu'un ja ye'etyëjk ka'ap pyaat'atyë ets ja tyo'oxytyëjk t'ëxmatsëty.

1 Corintios 7:12

Jëtu'unës n'ëna'any, oy ja Wintsën jëtu'un kya'ëna'any, pën jää ja ye'etyëjk mëpëjkpë tmëëtsëënë ja to'oxytyëjk mëti'ipë ka'ap myëpëkyën ets ja to'oxytyëjk y'a'ijxëp ets tmëëtsëënëja'any ja nyiye'etyëjk; ja ye'etyëjk ka'ap t'ëxmatsëty ja to'oxytyëjk.

1 Corintios 7:15

E ko ja ja'ay mëti'ipë ka'ap myëpëkyën tnikä'äkëty ja tyo'oxytyëjk ëkë nyiye'etyëjk, jyëkyejpy nyëjkxëty, najtspëkë ja wyi'im mëti'ipë mëpëjkpën, jä'ä ko ja Dios të myaxtsowëtë ets akujk jotkujk mtsëënëtëty.

1 Corintios 7:25

Ka'apës tii ënä'ämën nmëët'aty etsës pën n'ënëëmëty ets ka'ap pyëkëty, ka'apës ja Wintsën tii të xytyuk'ëne'emy; ëjts jëtu'unës nnikäjpxyp ijxtëmës nja'akyukën, tä tu'uk yë ja'ayën mëti'ipë yë Wintsën oyjya'awëyëpën.

1 Corintios 7:40

Ëjts jëtu'unës nja'ëna'any ko wäänë jotkujk tsyëënëty pën ka'ap jatëkok pyiky. Jëtu'unës nmay ntajy ets Dios yë jya'awën jëtu'un xyaj'ënaanpës.

1 Corintios 7:6

Ka'ap miits n'ënëëmëtë ko ka'ap mpëktëty, nyajkutujkpyës yë'ë.