1 Corintios 6:18 - Biblia Dc en Mixe de Quetzaltepec

¹⁸ Ka'ap yë tu'u xymyo'otëty ja in'ajtën. Ko pën ja wiinkëtypë poky tuny, ka'ap ja ni'kx kopk tmëtëkoy, ets pën ëtëtsnajxpën, pokytyuunp jä'ä ma ja kyë'ëm ni'kx kyë'ëmkopkën.

Biblia Mixe de Quetzaltepec

¹⁸ Ka'ap yë tu'u xymyo'otëty ja in'ajtën. Ko pën ja wiinkëtypë poky tuny, ka'ap ja ni'kx kopk tmëtëkoy, ets pën ëtëtsnajxpën, pokytyuunp jä'ä ma ja kyë'ëm ni'kx kyë'ëmkopkën.

1 Corintios 6:18 ပူးပေါင်းရင်းမြစ်များ

1 Pedro 2:11

Mëku'uktëjkëty jëtu'un yam miits nmënu'kxta'aktë tääjës jeexyë ëjts njaaypyo'kxyjyä'äyëtyën tëyëpë nyäxyën yaa naaxwiiny; ko ka'ap xyajmëta'aktëty ja yääyëpë naaxwiiny yajxoontä'äkyën mëti'ipë ja n'anëmë'ajtëm ka'ap tkupëkyën.

1 Tesalonicenses 4:3

Mëti'ipë Dios tsyojkpyën, yë'ë ets ëmuumtu'ukjot oy mjuuky'attëty: ka'ap xim yam ye'etyëjk to'oxytyëjk xymyëët'attëty,

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

2 Timoteo 2:22

Kukä'äk mëti'ipë ja ëna'ktëjk nätyukyajtëkooyëpën, yë'ë ixta'a ja oypyë ja nipaye'eyën, ja mëpëjkën, nätsyok näjyawë ets ja jotkujk'ajtën, mëët ja mëti'ipë wa'ats wiin wa'ats jot y'ëwtajtëpën ja Wintsën.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Dios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

Efesios 5:3

Miitsëty mëti'ipë ja Dios ja'ay'ajtëtëpën jëtu'un mjuuky'attëty ijxtëm pyaat'atyën ko myajpaatë ma ja Dios ja kyajpnën, yë'ëpaat ka'ap xynyimëtya'aktëty ma ja ye'etyëjk to'oxytyëjk kanaak tmëët'atën oypyënëty ëkë ma ëxëëk tuunk tyajtu'uye'eytyën.

1 Corintios 6:9

¿Ka'ap xynyijawëtë ko yë ëxëëkja'aytyëjk ka'ap jyuuky'ata'antë ma ja Dios ja kyutujktaknënë?

2 Corintios 12:21

Yë'ës näjyëtu'un ntsë'këp, ko ënety nëjkx nku'ixëtë, Dios je'eyës xyajtsëtyunëty ko ënety miits ka'ap tii oy xytyuntë ets je'eyës xyajjë'ë xyajya'axtëty mëët ko miitsëty je'eyë ëxëëkpë xytyuntë xykyajpxtë; tyimtso'ontäky jëtu'un pya'tkë'p'ajty. Ja ëxëëkpë yë'ë oy mtsojktëp, xim yam ja to'oxytyëjk xymyëët'atë ëkë ja to'oxytyëjkëty xim yam ja ye'etyëjk tmëët'atë.

1 Tesalonicenses 4:5

ka'ap jëtu'un m'ëtë'ëtstëty ijxtëm y'ëtë'ëtstën mëti'ipë ja Dios ka'ap tnijawëtën, mëti'ipë winë y'atsojktëpën.

Romanos 1:24

Paaty ja Dios të y'ëxmatsëtë ets jam tyimyajpaatëty ma ja ëxëëkpën mëti'ipë yë'ë tsyojkën'ajtëpën, aakyë'ë të ttun të tkajpxtë mëti'ipë yajtsëtyuunpën.

Gálatas 5:19

Nikëxë'ëky yë'ëjëty mëti'ipë tyuuntëpën ja kyë'ëm winma'any: xim yam pën mëët tsyënaaymyuktë, tyuuntëp kyajpxtëp ja ka'apë y'oyëtyën, myëët'ajtëp ja ëxëëk atsojkën,