1 Corintios 6:15 - Biblia Dc en Mixe de Quetzaltepec

¹⁵ ¿Ka'ap xynyijawëtë ko yë mni'kx mkopkëty jëtu'un yë'ë ijxtëm kanaakjëjpën winë, ets tu'ukyë yajpaaty mëët ja Kristë? ¿Mëpaat jëtää ëjts njëpëky tu'kpëky mëti'ipë ijtpën tu'ukyë mëët ja Kristë etsës ntuknini'kx'atëty ja ku'into'oxyë? Niwi'ix'äämpy.

Biblia Mixe de Quetzaltepec

¹⁵ ¿Ka'ap xynyijawëtë ko yë mni'kx mkopkëty jëtu'un yë'ë ijxtëm kanaakjëjpën winë, ets tu'ukyë yajpaaty mëët ja Kristë? ¿Mëpaat jëtää ëjts njëpëky tu'kpëky mëti'ipë ijtpën tu'ukyë mëët ja Kristë etsës ntuknini'kx'atëty ja ku'into'oxyë? Niwi'ix'äämpy.

1 Corintios 6:15 ပူးပေါင်းရင်းမြစ်များ

Efesios 5:30

jä'ä ko tu'ukyë nyajpatëmë mëët ja Kristë ijxtëm jeexyë tu'ukyë ja ni'kx kopkën.

Romanos 12:5

näjyëtu'un ëëts'ajtëmë, oy jënu'un njanimay'ajtëmë, tu'ukyë nyajpatëmë mëët ja Kristë; jëtu'un ëëts nyajpatëmë ijxtëm jeexyë tu'ukyë ja ni'kx kopk yajmëëtëtyën mëët ja Kristë.

Colosenses 2:19

Ka'ap mëët y'itë ja Kristë, mëti'ipë nyikopk'ajtypyën ja mëpëjkpëtëjk ets mëti'ipë yajwinpejtypyën ja mëpëjkën ko n'ijtmëty mëët ja Kristë ijxtëm tu'uk ja ni'kx kopkën ijxtëm ja Dios tsokyën.

1 Corintios 12:27

Jëtu'un miits ja Kristë mëët mwë'ëmtë ijxtëm ja ni'kx kopk tu'ukpën ets jëtu'un miits nitu'ukjaty ijxtëm tu'kpëky ja ni'kx kopkën.

Efesios 4:12

Jëtu'un tuknipëjktakëy ets tja'akyukëtëty ja Dios ja jyä'ä ets tja'akyukëtëty wi'ix ja Dios tmëtuntëtyën ets jyotmëkpëktëty mëti'ipë mëpëjktëpën, mëti'ipë ijtëpën ijxtëm ja Kristë nyi'kx kyopkën

1 Corintios 11:3

E ntukja'amyätsantëp näjyëtu'un ko yë Kristë yë'ë nyikëpajk'ajtyp yë ja'ay tu'uktu'uk; ets ye'etyëjk yë'ë nyikëpajk'ajtyp yë tyo'oxytyëjk, jëtu'un ijxtëm ja Dios nikëpajk'atyën ja Kristë.

1 Corintios 6:19

¿Ka'ap miits xynyijawëtë ko ja Dios mni'kx mkopk myajwa'anxëtë tä ja mëjtsajptëjkën ets ko mtsënaaytyakn'atëtë ja Kënu'kxymyëkajtën mëti'ipë ja Dios të mmo'ojëtënë?

Efesios 5:23

Jä'ä ko ja ye'etyëjk yë'ë nyikëpajk'ajtyp ja tyo'oxytyëjk, ijxtëm ja Kristë tnikëpajk'atyën ja mëpëjkpëtëjk ets tyajtso'oky, ja mëpëjkpëtëjk mëti'ipë jëtu'unëtyën ijxtëm ja Kristë nyi'kx kyopkën.

Lucas 20:16

Nëjkxaanp jam kyamjotm ets tyaj'o'kta'aja'any ja naax ënu'kxpëtëjk ets ja kyam wiinkpë ja'ay tmo'oja'any. Ko ja ja'ay tmëtoowtë ets y'ënantë: Tkatsoky ja Dios.

Gálatas 6:14

Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.

Gálatas 3:21

Ëkë, ¿jä'ä jëtää tijy ko Moisés ja y'ënä'ämën ko tmëtsip'aty ja Dios ja wyaantakënë? Niwi'ix'äämpy. Ko jeexyë ja Moisés ja y'ënä'ämën t'ëkyäky ja juukyajtën, jyëkyejpy jeexyë ja ja'ay oy wyi'im Dios wintum ko tpatuny ja Moisés ja y'ënä'ämën.

Gálatas 2:17

Ko n'ixtä'ämyëty ets oy nwë'ëmëty mëët ja Dios ma Kristë yajmëpëkyën, jëtu'un nyikëxë'ëky ko pokyjyä'äy ëëts'ajtëmë. ¿Ëkë wä'än jëtu'un yajja'akyukë ko Kristë ni'ikyë xyajpokytyëjkëmë? Niwi'ix'äämpy.

1 Corintios 6:13

Näyjyëtu'un yajnimëtyä'äky: Ko ja uuky, jot tsooy je'eyë wyä'äny; ets jot yë'ë uuky të yajtuknikojë. Oy jyajëtu'unëty, Dios yajwintëkoyäämpy yë jot ets uuky. E ka'ap tyiyëty ko yë ni'kx kopk paat'ajtëp yajtook yajyakëty; yë ni'kx kopk Wintsën yë'ë jyä'ä; ets Wintsën ni'kx kopk jä'ä'ajtëp.

Romanos 7:13

E jyëkyejpy ënät n'ëna'anmëty, ¿ya'atë mëti'ipë ënety oyën, yë'ëjës të xytyukpaaty ja o'kënë? Niwi'ix'äämpy. Ja poky, paaty yaj'ooky ets jëtu'un tyajnikëxë'ëky ko poky yajtuny, je'eyëp ko yë'ë tyukkajpxpejtyp ja ënä'ämën ets yaj'ixëty oy yowë. Jëtu'unts ja ënä'ämën të tyajnikëxë'ëky wi'ix y'ëxëëkëtyën ja poky.

Romanos 7:7

¿E jyëkyejpy n'ëna'anmëty ko jyää'aty ja ënä'ämën paaty jyää'aty ja pokyë? Niwi'ix'äämpy. Je'eyëp ko ja ënä'ämën jeexyë kyaka'ty, ka'ap jeexyë ëjts nijawë tii poky'ajtp. Ka'apës jeexyë të nijawë ko tii yaj'atsoky poky yë'ë, ko jeexyë ka'ap ja ënä'ämën y'ënä'äny këtii m'atsokëty.

Romanos 6:15

¿E tii? ¿Tsojk npokytyuun'ëtëtsëm jä'ä ko ka'ap ja ënä'ämën y'ëktuunë ma ëëtsajtëmën ets jä'ä ko Dios oy xytsyojkëm xyjya'awëmë? Niwi'ix'äämpy.

Romanos 6:2

Niwi'ix'äämpy. Jëtu'un nyajpatëmë ijxtëm ja o'kpë ma ja pokyën. ¿Wi'ix npokytyuun'ëtëtsmëty?

Romanos 3:31

Pën jëtu'un, ¿ka'ap jëtää ja ënä'ämën tii mëk'ajtën t'ëkmëët'ajnë ko yajmëët'aty ja mëpëjkënë? Niwi'ix'äämpy. Ni'ikyë njaaktimyajmëjnajxëmë ja ënä'ämën.

Génesis 44:17

Yë José tyaa y'ëtsooy: Niwi'ixtsow, yi'iyës jëtu'un nyajwë'ëmäämpy mëti'ipë të yajpaatyën ja xya'k mëët ja n'a'ukënës ets yaa myëtun y'ëyowëty, miitsëty akujk jotkujkmës winpitë ma ja mteetyëty ja jyëën tyëjkën. Ets ni pën mkamëmayëtëty.

Romanos 3:6

Niwi'ix'äämpy. Ko jeexyë ja Dios mëtëy kyaTios'aty, ¿wi'ix jeexyë ja naaxwiinyëtë ja'ay tpaye'ey?

1 Corintios 6:3

¿ka'ap xynyijawëtë ko tsajpjotmëtë kukäjpxy paat npaye'eya'anëmë? Pën jëtu'un, ¿këtii jëtää ni'ik mpaatëtë xypyaye'eytyëty ja jotmay yaapë naaxwiinyënë?

1 Corintios 6:17

E ko ja ja'ay nyämyukyë mëët ja Wintsën, nän tu'ukyë wyimpity mëët yë'ë.