1 Corintios 5:13 - Biblia Dc en Mixe de Quetzaltepec

¹³ E miitsëty mpaat'ajtëtëp xypyaye'eytyëty mëti'ipë mëpëjktëpën, yajpëtsëmtë ya'atë pokyjyä'äy mëti'ipë jap ma miitsëtyën.

Biblia Mixe de Quetzaltepec

¹³ E miitsëty mpaat'ajtëtëp xypyaye'eytyëty mëti'ipë mëpëjktëpën, yajpëtsëmtë ya'atë pokyjyä'äy mëti'ipë jap ma miitsëtyën.

1 Corintios 5:13 ပူးပေါင်းရင်းမြစ်များ

Salmos 50:6

E yë tsajp yë'ë nyikäjpxyp ko yë Dios mëtëy nyipaye'ey.

Eclesiastés 9:18

Ni'ik tsyowpaaty yë ixpëkyajtën këtiinëm yë pujxn mëti'ipë ja'ay myëtsiptuunpyën. Ko tii oy tkatuny mëj këjää ëyo'on jotmay y'ity.

Mateo 18:17

Ets pën ka'ap näjyëtu'un yajmëjpëjkta'aktë, ënëëmë ja mëpëjkpëtëjk ma ye'eymyuktën. E pën kajts näjyëtu'un yajmëjpëjkta'aktë, jëtu'un tääpë ja'ay nëjkx xyajnajxnëtë tä mëti'ipë ka'ap myëpëkyën, ëkë ijxtëm ja yajkukëpäjtpëtyën mëti'ipë Roma myëtuuntëpën.

Hechos 17:31

Jä'ä ko tëë ja Dios tuknipëjktaakë jëna'a ja naaxwiinyëtë ja'ay tpaye'eyä'änyën ijxtëm pyaat'atyën. Yë'ë të tuknipëky tu'uk ja ja'ay mëti'ipë të twin'ixyën; ets tëë xytyuk'ijxëmë ja myëk'ajtën ko ojts tyajjuukpyiky jatëkok oy ënety të y'ëk'ooky.

Romanos 2:16

ko ënety ja xëëw tpaaty ma ja Dios tnipaye'eyä'änyën tëkokyë mëti'ipë yu'utsy'ijtpën mëët ja Jesukristë ja xyëëw, jëtu'un ijxtëmës ja oy aaw oy ayuk të nimëtyä'äkyën.

1 Corintios 5:1

Jëtu'un yajnijawëy'äty ko tam ma miitsëtyën nitu'uk mëti'ipë ëtëtsnajxpën. Yë'ë mëj tëko'oyën nyäxy ko ja'ay kyutaak to'oxytyëjk'aty. Jampaat jëtu'unpë ka'ap yajkupëky ma ja ja'ayëtyën mëti'ipë ka'ap ja Dios tmëpëktën.

1 Corintios 5:2

Ets miitsëty ni'ikyë mëj këjxm mnäyajnajxëtëpë. Ijxtëm jeexyë mmontën mtuktën. Ja ja'ay mëti'ipë jëtu'un ëtëtspën, ixkäxtë ma miitsëtyën.

1 Corintios 5:5

Tääts ya'atë ja'ay yajkë'ëyakëty ma ja mëjku'ujën ets ka'ap t'ëktuunëty ja kyë'ëm winma'any ets kyutëkoyëty ja nyi'kx kyopk pokymyëëtpë ets ja jya'awën nyitso'okëty ko ja Wintsën myinëty.

1 Corintios 5:7

Ixmatstë tääpë ëxëëk winma'any mëti'ipë myajma'tëtëpën. Ets jëtu'un m'itëty ijxtëm ja tsajpkääkyën wa'atspë, mëti'ipë yajkääpyën ëmaay xyëëwjoty. Jä'ä ko Kristë, yë'ë jëtu'un ijxtëm ja Kupixyny U'unkën, mëti'ipë ojts xykyu'o'k xykyutëko'oyëmën.

Deuteronomio 13:5

Tääpë käjpxynyajxpë, ëkë mëti'ipë yajniwijpyën yë kuma'ay, nëjkxëp yë y'ooky, mëëtkyëjxm ko ënety tëë mnajts'ëw mnaskajpxëtë ets xykyäjpxy kumëtoownaxtëty ja Wintsën mëti'ipë mTyios'ajtëpën, mëti'ipë myaj'ëwaatsëpëtsëëmëtën jap Egiptë ma ënety mëtun m'ëyowtën ets ka'ap myajmëjuytyë. Jëtu'un ënety ka'ap xy'ijxta'aktë ja ëxëëkajtën ma miitsëtyën.

Deuteronomio 17:12

Mëti'ipë ja ja'ay ka'ap kyäjpxymyëtoyën, wiinkjaty winë tuny ets ka'ap tmëjpëjktä'äky ja teety ja y'aaw y'ayuk, mëti'ipë jam myëtuumpyën ja Wintsën ets ka'ap tmëjpëjktä'äky ja yajkutujkpë ja y'aaw y'ayuk, jëtu'unpë ja'ay nëjkxëp y'ooky. Jëtu'un ka'ap yaj'ijxta'akëty ma ja Israel ja nyaax kyajpnën ja mëti'ipë ja ëxëëkpë tyuunpy kyäjpxypën.

Deuteronomio 17:7

Mëti'ipë ënety ja myëku'uk të tnikajpxtën, yë'ë ëka'any xajjë'ëkëp ets oknëm ja mayjyä'äyëty. Jëtu'un'äämpy ka'ap jyam'atëty ja ëxëëktu'un ëxëëkajpxën ma miitsëtyën.

Deuteronomio 21:21

Ënet nëjkx ja kunaax kukajpn tkuka'atstë ya'atë jëtu'unpë ja yä'äy'ëna'k. Jëtu'un'äämpy ka'ap yaj'ijxta'akëty ja ëxëëkajtën ma ja naax kajpnën, e ko ja Israel ja'ayëty nijawëtëty, myëët'atëp ja tsë'ëkë.

Deuteronomio 22:24

nimäjtsk nëjkx jam yajwoownëjkxtë ma ja kutuunktëjkën ets nëjkx nikajpxtë pën o'ktëp tyaapë ja'ayëty nimäjtskpë. Ja to'oxytyëjk nëjkxëp y'ooky mëët ko ka'ap ja putëjkën të t'amëtoy ets kajpntum të jyayajpaaty. Ets ja ye'etyëjk nëjkxëp y'ooky, mëët ko ja myëye'etyëjk ka'ap të tmëj'ixy, nimäjtsk kuka'atsy nëjkx y'ooktë. Jëtu'un ka'ap ja ëxëëktu'un ëxëëkajpxën xy'ijxta'aktëty ma ja Israel kajpnën.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Dios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

2 Pedro 2:9

Yë Dios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.

Jueces 20:13

Yë'ëjës yam ntsojktëp ets xykyë'ëyaktëty tääpë yajja'ay'o'kpëty mëti'ipë ëxëëk ja jyot wyinma'anyëtyën, jampë tsyëënëtën Guibeá. Wä'än näjyëtu'un timy'ooktë ets wya'atsëty ja kajpn ma ja pokyën mëti'ipë të tsëëmë'ëktën. E ja Benjamín ja'ayëty ka'ap ojts ninu'un timy tyuntë këwentë ja myëku'uktëjkëty oy jëtu'un jya'ënantë.