1 Corintios 4:7 - Biblia Dc en Mixe de Quetzaltepec

⁷ Jä'ä ko ¿Pën ja mëk'ajtën mooyëp ets ja mëku'uk xywyiink'ixëty? ¿Ets tii mijts mmëët'ajtyp mëti'ipë Dios ka'ap të mmo'oyën? ets pën Dios winë të mmo'oyë, ¿Tii ko mnätyukyajmëjnaxyë ijxtëm jeexyë mijts kë'ëm të xypyäätyën?

Biblia Mixe de Quetzaltepec

⁷ Jä'ä ko ¿Pën ja mëk'ajtën mooyëp ets ja mëku'uk xywyiink'ixëty? ¿Ets tii mijts mmëët'ajtyp mëti'ipë Tios ka'ap të mmo'oyën? ets pën Tios winë të mmo'oyë, ¿Tii ko mnätyukyajmëjnaxyë ijxtëm jeexyë mijts kë'ëm të xypyäätyën?

1 Corintios 4:7 ပူးပေါင်းရင်းမြစ်များ

Proverbios 2:6

Dios yë'ë yäjkpy yë wijyajtën ets yë'ë nyikäjpxyp yë nija'awën ets ixpëkyajtën.

Ezequiel 29:3

Jëtu'un xy'ënëëmëty: Jëtu'un yë Wintsën y'ënä'äny: Ëjts mmëtsipës yam n'awinpity ma mijtsën yajkutujkpë, mëti'ipë jap Egiptë ënä'ämpën, jëtu'un mijts tä tu'uk mëjnëë jëyujkën, jap mkë'ëmnëëjoty mko'knë ets m'ëna'any: Nilë, mëjnëë, ëjts yë njä'ä, ëjts të nyajkojy.

Daniel 5:18

Yë Dios Ni'ik yë'ë yajk yë kutujkëntakn ets mëj'ajtën, mëj'ajt oyajtën ets näyajmëjnaxë ma mteetyën Nabucodonosor.

Daniel 5:23

Mijts, je'eyë xynyëxi'iky xytyukxi'iky yë Wintsën tsajpjotmëpë yajpaatyën, tëë xynyikäxë ja tsim texy mëti'ipë aak pu'ts pujxn mëët y'oytyunyëtyën jampë ijty yajpaatyën ma tsajptëjkën ets jap yë m'uuky të xy'atämëtë ets të xy'ëwtatë ja wiinkëtypë ja tios mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn ets kepy tsaa; tios ka'apë myëtowtën ets ka'apë tii tnijawëtën. E ka'ap ja Dios të xywyinkutsë'ëkë mijts yajkutujkpë mëti'ipë myajjuuky'ajtëpën ets mëti'ipë mtuktuunëpën winë.

Lucas 19:13

Tääts ja tyuunpë nimajk tyajmiiny ko ënety tsyoonanë ets nitu'ukjaty këëktu'uk tmooy ja myeeny mëti'ipë tsoowpatpën ets t'ënëmaay: Yaj'u'unk'atë ya'atë meeny koonëmës nwinpitëty.

Juan 1:16

Ni'ëmukë yë Dios të xykyënu'kxëmë kanaak ok mëjwiin këjää.

Juan 3:27

Ets ja Juan y'ënëmaayëtë: Ka'ap pën tii tmëëtëty pën ka'ap ja Dios të myo'oyë.

Romanos 1:5

Jesukristë mëyajtën të tuny etsës të xyajnaxy oy ayukkajpxwa'kxpë, jëtu'unts oymyaatsowëty ja ja'ay tmëpëktëty ja Jesukristë ets tmëmëtowtëty.

Romanos 12:3

Jä'äkyëjxm ko ja Dios ja mëyajtën të tuny ma ëjtsën, paaty miits nëëmëtë ko ka'ap je'eyë mnämyëmay mnämyëtajëtëty ets mnämyëjpëjkta'akëtëty. Yë'ë mëmay mëët'ajtëp wi'ix ja Dios të mmo'ojëtën ja wijyajtën kejyajtën mëët ja mëpëjkën.

Romanos 12:6

Këëkjä'ä ja Dios ja tuunk të xymyo'oyëmë wi'ix tii nitu'ukjaty ntu'unmëtyën. Tam mëti'ipë të yajmo'oyën ja tuunk ets tkajpxwa'kxëty ja Dios ja y'aaw y'ayuk, wä'än jëtu'un tuny ijxtëm tmëëtëtyën ja mëpëjkën.

1 Corintios 15:10

E ja Dios tëë ja myëj'ajtën tuny, paatyës të xykyupëky ets ja mëyajtën mëti'ipë të tunyën ka'ap ja nyatëkë'aty. Nikë tëëjës wäänëni'ik ntuny këtiinëm ja wiink ijxpëjkpëtëjkëty; je'eyëp ko ka'ap y'ëjtsëty kë'ëm, Tiosës të xypyutëkë mëët ja y'oyjyot y'oywyinma'any.

1 Corintios 3:5

¿Pën xyëëwajtyp Apolo ets pën Pablo? Dios ëëts yi'iyë nmëtuuntëp mëti'ipë miits të xymyëpëktën. Këëkjä'ä ëëts ja ntuunk ntuntë mëti'ipës ja Wintsën të xytyuknipëktën ets ntuntëtyës.

1 Corintios 5:6

Paaty miits ka'ap tii mnätyukyajmëjnaxëtëty mëti'ipë jam mtuuntëpën. Tëë xynyijawëtë ko ja ayuk y'ënä'äny: ja poky jëtu'un yë'ë ijxtëm ja tsajpkääky tsyooyën, yajma'tääpy ja jëtsy.

1 Corintios 7:7

Jëtu'unës njatsoky ets ni'ëmukë ja ja'ay jeexyë y'itë ijxtëm ëjtsën, je'eyëp ko ka'ap ja Dios tu'knax ja tuunk të xymyo'oyëmë.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

1 Pedro 4:10

Këëkjä'ä miits xytyuntëty ja mtuunk ijxtëm ja Dios të mmo'ojëtën. Näpyutëkëtë nixim niyam wi'ixëty ja Dios ja kënu'kxën mtukpaatëtën.