1 Corintios 4:19 - Biblia Dc en Mixe de Quetzaltepec

¹⁹ Pën y'a'ijxëp ja Wintsën, jyëkyejpy tsojk ninëjkxtëty. Tääts n'ixëtyës pën janty jotmëk ya'atë ja'ayëty mëti'ipë amëj akëjxm näjya'awëtëpën, këtiipë je'eyë y'aaw tmëtë'ëtstëty.

Biblia Mixe de Quetzaltepec

¹⁹ Pën y'a'ijxëp ja Wintsën, jyëkyejpy tsojk ninëjkxtëty. Tääts n'ixëtyës pën janty jotmëk ya'atë ja'ayëty mëti'ipë amëj akëjxm näjya'awëtëpën, këtiipë je'eyë y'aaw tmëtë'ëtstëty.

1 Corintios 4:19 ပူးပေါင်းရင်းမြစ်များ

Hechos 18:21

Ko nyäjyëkajpxënë ets y'ënäny: Pën ënaanp Dios, minëpës jatëkok. Tääts ja Pablo tyëjkëy kepy nëëwinye'epyëjoty ets tsyo'ony jam Éfeso.

Hechos 19:21

Ko jëtu'un ya'atë jyäjty kyëpejty, ënät ja Pablo ojts myäy tyäjy ko nyëjkxa'any jam Macedonia y'itjotm ets näjyëtu'un jam Acaya y'itjotm ets jya'ta'any jam Jerusalén. Näyjyëtu'un ënety myäy tyäjy ko y'ëknëjkxëty Jerusalén tääts ok nyëjkxa'any jam Roma.

Hebreos 6:3

Yë'ë jää jëtu'unpë ntu'unmëty ko Dios tyajkutukëty.

2 Corintios 1:23

Wa'ats ja Dios nijawë ko ka'anëm nnëjkxyës jam Corinto, jä'äkyëjxm ko miits nkayajjotmaytyëkëja'antë, ets Dios yë'ë wa'ats nyija'ap tii koojën.

1 Corintios 11:34

Ets pën jap pën yuu'ookyë, wä'än tkay jam ma tyëjkën ets ja Dios ka'ap tsyäätyunëtëty ko ënety kya'ëwxity ma ye'eymyuktën. Jäänëmës wiinkëtypë ja jotmay nyaj'oyëty ko ënety jam nëjkx nku'ixëtë.

1 Corintios 4:18

Jam ma miitsëtyën tam jënaakën mëti'ipë tyukxoontaktëpën ko tnijawëtë ko ka'ap nëjkx n'ëk ku'ixëjanëtë.

1 Corintios 2:6

E ma ja mëti'ipë tëë ënety myëpëjknëtën yajxon, nyajtuuntës ja aaw ayuk tsipëtypë. Je'eyëp ko ka'ap yë'ëjëty wijyajtën kejyajtën mëti'ipë ja naaxwiinyëtë ja'ay ets yajkutujkpëtëjk yajtuuntëpën, mëti'ipë ka'ap tii mëk'ajtën tmëët'atyën.

Romanos 15:32

Pën ënaanp ja Dios etsës jotkujk nja'tëty ma miitstsëtyën ets nxoontakmëty, npo'kxmëty npëjkmëty ko miits ënety jam nku'ixëtë.

Santiago 4:15

Nikë jëtu'un n'ëna'anmëty: Pën ënaanp ja Dios, ënät njuuky'ajtmëty, ënät winë ntu'unmëty.

1 Corintios 16:5

Koos nnëjkxëty ma miitsëtyën, Macedonia y'itjotmës naxa'any, koos jam ntsoonëty Corinto nja'ta'anyës.

1 Corintios 14:5

Njatsojkpyës ets jeexyë miits ni'ëmukë wiink ayuk xykyajpxtë; je'eyëp ko nikë oy ko xynyikajpxtëty ja Dios ja y'aaw y'ayuk këtiinëm ko xykyajpxtëty ja wiink ayuk. Ko yajkajpxtë'kxy, ënät jëtu'un tyuny ko ënety yajkäjpxy ja wiink ayuk ets wyimpätëty ja mëpëjkpëtëjk ja myëpëjkënëty.

Hechos 20:2

Kajpnkajpn tjotmëkwinkajpxëy ja mëpëjkpëtëjk, jëtu'un jyä'äjty jam Grecië.

1 Corintios 4:6

Mëku'uktëjkëty paaty ya'atë ntukmëmëtya'aktë ets miits xytyuk'oy'attëty, ko npëjktä'äkyës yë Apolo ijxtëm tu'uk ja ijxpäjtën ets ëjts näjyëtu'un. Yë'ëkyëjxm ets jëtu'un mja'ay'atëty ijxtëm ëëtsëtyën ets këtiipë nëkoo tii tëkatsy xytyuntëty, këtiipë pën tni'ikëty mëti'ipë jap këxja'ay miinpën, këtiipë tu'uk xypyukajpxëtëty ets tu'uk xy'ixtijtëty.

1 Corintios 16:7

Ka'apës tëyë nnaxa'any, jeky jam nwë'ëma'anyës pën yajkutujkpy ja Wintsën.

2 Corintios 10:9

Ka'apës ntsoky ets m'ëna'antëty ko miits ya'atë noky ntuk'ëtsë'ëkëja'antë.