1 Corintios 4:12 - Biblia Dc en Mixe de Quetzaltepec

¹² Ënu'kxëtëpës näjyëtu'un koos nyajtuntë ja nkë'ë ntekyëty. Koos ja ja'ay xypyoktë, oy aaw oy ayukës ntuk'ëtsoowinpijtëp. Tëës ja'ay xy'ixjëtit xypyajëtitë e ëëtsëty tëëjës nmëmëta'aktë.

Biblia Mixe de Quetzaltepec

¹² Ënu'kxëtëpës näjyëtu'un koos nyajtuntë ja nkë'ë ntekyëty. Koos ja ja'ay xypyoktë, oy aaw oy ayukës ntuk'ëtsoowinpijtëp. Tëës ja'ay xy'ixjëtit xypyajëtitë e ëëtsëty tëëjës nmëmëta'aktë.

1 Corintios 4:12 ပူးပေါင်းရင်းမြစ်များ

Mateo 5:11

Jotkujk miitsëty myajpaatëty ko ja'ay m'ojëtëty mya'axëtëty ets m'ixjëtit mpajëtitëtëty ets mnipëtë'ëkëtëty ets mni'antaakëtëty mëët ëjtskyëjxm.

Mateo 5:44

E ëjts jëtu'un miits n'ënëëmëtë, tsoktë ja mmëtsipëty ets tuknija'amyätsëtë Dios pën m'ixjëtijt mpajëtijtëtëp.

Lucas 23:34

Tääts ja Jesús y'ënäny: Dios Teety, nimä'kx, jä'ä ko ka'ap tnijawëtë tii tyuuntëp. Tääts ja tsiptuunpëtëjkëty tni'ëyë'ktë ja Jesús ja wyit ets aak ayi'iyë ojts twijtswa'kxtë.

Lucas 6:28

Amëtowtë Dios ets tkënu'kxëty mëti'ipë mkajpxpojkëtëpën, tuknija'amyätsëtë Dios mëti'ipë oywyi'ixjaty mtuunëtëp mnëmaayëtëpën.

Juan 15:20

Ja'amyätstë ijxtëm të nëëmëtë: Ni pën tuunpë wyintsën tkawinaxy. Pën tëëjës xypyajëtijta'aktë, näjyëtu'un miits myajpajëtijta'aka'antë; ets pën tëëjës ëjts ja n'aaw n'ayuk xykyupëjkëtë, näjyëtu'un miits ja m'aaw m'ayuk yajkupëka'antë.

Hechos 18:3

jam ojts wyi'im tuunpë. Näy jä'ä ja Pablo tyuunk'ajtyp ja wit tëjk xuuyk.

Hechos 20:34

wa'ats miits xynyijawëtë ko kë'ëmës të nitunë ets të npaatyës tiijës xykyaka'atp ets näjyëtu'unës ja nmëku'uktëjk të nputëkë mëti'ipës të xypyajämyëët'atën.

Hechos 7:60

Ko jëtu'un y'ënaantaay, tää kyoxtënaay ets mëk y'ënäny: Wintsën, këtii xytyukpoky'atëty ya'atë tuuntëko'oyën koos xyaj'ooktë. Ko jëtu'un y'ënaantaay, tääts y'o'ky.

Romanos 12:14

Amëtowtë ja Dios ets tkënu'kxëty pën m'ixjëtijt mpajëtijtëtëp. Ni'ikyë kënu'kxtë ets këtii xykyajpxpoktëty.

Romanos 12:20

Näyjyëtu'un: Pën yuu'o'këp ja mmëtsip, yajkay; pën tëtsëp, yajnëë'uuk, jëtu'un jyëënkuuts tyooykyuutsëty mëët ja tsyëtyu'un.

Romanos 8:35

¿Pën jëtää xy'ëkpëjkëmëp ja Kristë ja tsyojkën? ¿Wä'än jëtää yë'ëty tsipë, ëyo'on, ko nyaj'ëxwojpmëtyë ëkë ko yuu xëëw nyajnajxmëtyë, ëkë ko nwit'ajt nxox'ajtëm kya'itëtyë, ëkë ko kutsë'ëkëtuuy nyajpatmëtyë, ëkë ko yë ja'ay xyaj'o'kmëtyë?

1 Corintios 9:6

¿Ëkë Bernabé ets ëjts ka'apës jëtää xypyaatë xy'ixtëtyës ja naax kajpnë?.

2 Corintios 11:8

Wiinkpë ja mëpëjkpëtëjk ja myeeny të nyajtuunës ets miits nmëtuntë.

Efesios 4:28

Pën ijty mä'tspën, ka'ap y'ëkmä'tsnëty wä'än je'eyë tnitunë tii tsyojkpyën, wä'än tyajtuny ja kyë'ë ets tii tpaatëty mëti'ipë myo'ojëpën ja ëyoopëja'aytyëjk.

1 Tesalonicenses 2:9

Mëku'uktëjkëty, wa'ats ënät miits xyjyä'ämyätstë wi'ix ijty ntuntënës xëëny koots këtiipë myaj'atsiptëty ko ntukmëmëtyaktë ja oy aaw oy ayuk, mëti'ipë Dios jyä'ä'ajtypyën.

2 Tesalonicenses 3:8

ka'apës pën ja kyääky jyi'kxy të nkakujuuyëtë. Ni'ikyës të ntuntë xëëny koots këtiipë miits n'atsiptëty.

1 Timoteo 4:10

Paaty ëëts ntuntë mëk, jä'ä ko yë Dios ntuk'ijxpätës juukpyë, mëti'ipë ni'ëmukë ja'ay yajnitsokpyën, yë'ë ni'ik mëti'ipë mëpëjktëpën.

1 Pedro 2:23

Ko yajwinkajpxpejty, kä'äp y'ëtsooy ajoot'an; ko yajtsaatsy tyuuny, ka'ap y'ëtsu'uxyäxy; je'eyë ja Dios ojts nyätyukë'ëwanëty ets yë'ë nyipaye'eyëtëty.

1 Pedro 3:14

E pën jamts xykyu'ëyowëtë ko ja oypyë xytyuntë, akujk jotkujk itë. Këtii mtsë'ëkëtëty mjawëtëty, ni mkatsëtyuytyëty.

1 Pedro 3:9

Këtii ëxëëk xyajwinpitëty ko pën nitu'ukën kyamëta'akëty ëkë ko pën jam mwin'ëw mwinkajpxëtëty; këtii näjyëtu'un xy'atsoowinpitëty, wäänëni'ik ninu'kxta'aktë ets ja Dios kyënu'kxëtëty. Paaty miits ja Dios të mwootsowëtë ets jä'ä xytyuntëty ja oypyë ets ja kënu'kxën wäänëni'ik xypyaatëty.

1 Pedro 4:19

Paaty, pën ëyoop ijxtëm ja Dios të tuknipëjktaakën, wä'än tuun'ëtë'ëtsy ja oypyë ets ja jyot jya'awën tpëjkta'akëty ma Tiosën mëti'ipë të yajkojyën, jä'ä ko yë'ë oypyë xëmë tyuunpy.

Judas 1:9

Yë'ëpaat ja Dios ja tyuunpë mëti'ipë xyëëwajtypyën Miguel, ko tsyiptuuny mëët ja mëjku'u ma ja Moisés ja nyi'kx kyopk tnitsiptuunyën, ka'ap ojts ëxëëkjaty t'ënëëmë, je'eyë t'ënëmaay: Wä'än ja Dios mwinkukajpxëty.