1 Corintios 4:10 - Biblia Dc en Mixe de Quetzaltepec

¹⁰ Koos ja Kristë nmëpëktë, tsuuja'ayës nyajtijtë; nkukajpxëpës ja Kristë ko miits myajtijtë wijy kejy; ëëtsëty ka'apës njotmëk'atë, e miitsëty amëk jotmëk myajpaatë. Ka'apës ja'ay xytsyoktë, e miitsëty myajtsojktëp.

Biblia Mixe de Quetzaltepec

¹⁰ Koos ja Kristë nmëpëktë, tsuuja'ayës nyajtijtë; nkukajpxëpës ja Kristë ko miits myajtijtë wijy kejy; ëëtsëty ka'apës njotmëk'atë, e miitsëty amëk jotmëk myajpaatë. Ka'apës ja'ay xytsyoktë, e miitsëty myajtsojktëp.

1 Corintios 4:10 ပူးပေါင်းရင်းမြစ်များ

1 Corintios 2:3

Yaj'ayow yaj'ama'at jam nmiinyës ma miitsëtyën ets tsë'ëkë tsë'ëkë.

Hechos 26:24

Ko ja Pablo jëtu'un nyäkyukajpxtaayë, ënät ja yajkutujkpë Festo mëk y'akajpxtujkë: Pablo kupoj. Yë m'ijxpëjkën yë'ë të myajlokëjajtënë.

Hechos 17:18

Mäjtskpëky ënety ja wijyjyä'äytyëjk jam yajpaatë: epicúreos tu'pëky yajtijtë, ets jatu'kpëky estoicos, ets y'ëna'antë: ¿Tii tääpë ja'ay atsä'pxy nyimëtyaktëp? Ets ja wiinkpë y'ënantë: Wiink tios yë yowë nyikajpxtëp. Paaty jëtu'un y'ënantë jä'ä ko ënety ja Pablo tnikäjpxy tnimëtyä'äky ja Jesús ets ko o'kpë jyuukpyëka'any.

1 Pedro 4:14

Xoonta'aktë pën jää pën ëxëëk mnikajpx mnimëtya'akëtë ko ja Kristë xymyëpëktë, jä'ä ko ja Dios Jya'awën ijtëëp jam ma miits ja mjot mwinma'anyëtyën.

2 Corintios 13:9

Paaty jotkujk näjya'awëm ko ëmaay paki'ix nyajpatëmë ets miits mëk myajpaatëty; xëmës ja Dios n'amëtowa'any mpëjktsowa'antë ets wa'ats m'awinpitëty.

1 Corintios 3:18

Ni pën kë'ëm kyanäwyin'ëënëtëty: pën jää pën nyätyijyë wijy kejy ijxtëm ja naaxwiinyëtë ja'ay ja wyinma'anyëtyën, jëtu'un miits näpyëjkta'akëtë ijxtëm ja ja'ay ni'ik tsuupën mëti'ipë ka'ap tii tjaty nijawën, ënät miits myaj'ixtëty wijy kejy mëti'ipë ka'ap kyixy nyäxyën.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Dios ënety kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

2 Corintios 11:29

Ko pën pya'ampety, näjyëtu'unës näpyëjktä'äkyë ijxtëm yë'ëjëtyën; ets pën jää pën tyajpokytyuny ja myëku'uk, ëjts määpy tajpës ets äjkëpës ijty.

2 Corintios 11:19

Miitsëty mëk wijyjyä'äy yë'ëjëty, paaty jotkujk xymyëtänëtë ja tsuuja'ayëty.

2 Corintios 10:10

Jä'ä ko tam mëti'ipë ënaanpën: Yë Pablo nëkoo y'ëk'ënä'ämnë mëët yë noky, koos muum nyajpaaty ka'apës pën tii ntuk'atsip'aty ets ka'apës pën tii atsip ntuktuny.

1 Corintios 10:12

Jëtu'unts mëti'ipë maaytyëp tajtëpën ko oy tsyëënëtë, wä'än mëk näkyëwent'atëtë këtiipë pyokykya'atëty.

1 Corintios 4:8

Ko n'ëk'ëna'anmëty aak akujk jotkujk miitsëty, ko aaktam miits xymyëët'ajnëtë mëti'ipë mtsojktëpën, ets jëtu'un mnäyjyawëtë ijxtëm ja yajkutujkpën, ijxtëm ka'ap tii xy'ëkyajmëyajtnëtën ma ëëtsëtyën. Ka'ap jeexyë wyi'ixëty ko jeexyë miits m'ëkjanty yajkutujkpë'atë ets jeexyë ëëts jam nyajpaatë ma mkutujktaknëtyën.

1 Corintios 3:2

Ka'ap ojts miits tsip nyaj'ijxpëktë. Jëtu'un nyaj'ixpëjktë ijxtëm tu'uk ja mëxu'unk yajmo'oyën ja tsyi'tsk ko ka'ap tjaty tkayëty ja kääky uuky, jä'ä ko ka'ap miits ënety xyjyatë wi'ix xyjyä'äkyukëtëty mëti'ipëty tsipën. Tyampaat ka'ap xyjyatë,

1 Corintios 2:14

Pën ja Kënu'kxymyëkajtën ka'ap tmëëtëtyën, ka'ap tkupëky mëti'ipë ja Kënu'kxymyëkajtën jyä'ä'ajtypyën, jä'ä ko tsuuwinma'any tijy ets ka'ap tja'akyukë; ya'atë yë'ë mëët yajnijawë Kënu'kxymyëkajtën.

Hechos 17:32

Ko ja ja'ay tmëtoowtë ko ja Pablo y'ënä'äny ko ja o'kpë jyuukpyiky, tääts ja Atenas ja'ay je'eyë xyiktë; tam wiinkpë mëti'ipë ënantën: Jää ënety jatëkok xyjyaaknikäjpxy.

Hechos 9:16

Ntuk'ix ntuknijawëpës wi'ixës xykyu'ëyowëtyën.

Lucas 18:9

Ënet ja Jesús ojts nimëtyä'äky tu'uk ja ijxpäjtën ets tuk'ëwaanëja'any ja ja'ay mëti'ipë pyäjxtëpën ja wiinkëtypë ja myëku'uk ets nyäyjyawëtë ko oy tmëtuntë ja Dios:

Lucas 10:16

Ënet ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënety xymyëtoow'ijtëp; pën kyamëtoow'ijtyp mëti'ipë ënety miits mnimëtyaktëpën, nän ëjts ënety xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Lucas 6:22

Akujk jotkujk miitsëty myajpaatëty ko ja ja'ay m'ëxëëk'ixëtëty, m'ëxwopëtëty, m'ojëtëty ets jëtu'un myaj'ixtëty m'ëxëëkja'ay'ajtëp yowë, mëët ko yë'ë xymyëjwa'kpätë ja naaxwiinyëtë ja'ay ja y'U'unk.

Mateo 24:9

Ënet miits myajkë'ëyaktëty ets myajtsaatytyuntëty ets ja ja'ay myaj'ookëtëty. Tu'kë'ëyë ja'ay nëjkx m'ëxëëk'ixëtë jä'äkyëjxm ko ënety ëjts xymyëpëktë.

Mateo 5:11

Jotkujk miitsëty myajpaatëty ko ja'ay m'ojëtëty mya'axëtëty ets m'ixjëtit mpajëtitëtëty ets mnipëtë'ëkëtëty ets mni'antaakëtëty mëët ëjtskyëjxm.

Oseas 9:7

Tëë tpaaty ja xëëw po'o ma ja tëytyu'unën y'ita'anyën. Tëë tpaaty ja xëëw po'o ma tkëpäta'antën ja ja'ay ja y'ëxëëktu'un y'ëxëëk kajpxënëty. Israel nyijawëp ënät ko tpaatëty ja xëëw po'o. Miitsëty jëtu'un m'ëna'antë: Yë Dios yë kyäpxynyajxpë winma'anytyuk yë'ë ets tsuujajtp lokëjajtp. Yë'ëjëty paaty jëtu'un y'ëna'antë jä'ä ko ëxëëk nyäyjyawëtë, jä'ä ko mëj këjää yë pyokyëty.

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Proverbios 11:12

Ja'ay ka'apë oy yë jot winma'any tmëëtëtyën je'eyë myëku'uk wiinkjaty tnimëtyä'äky; e yë ja'ay mëti'ipë jap yë wyinma'anyën amonyë y'ity.

2 Reyes 9:11

E ko ja Jehú jatëkok wyimpijty, ma ënety jap yajpaatën ja tsiptuunpë wintsëntëjkëty, mëti'ipë ja yajkutujkpë myëtuuntëpën, tä yajtëëwëtë: ¿Wi'ix jyäty? ¿Tiijën ko tääpë ja'ay kyupoj të y'ojtspë? Miitsëty mnija'awëtyëp yë'ë, tëë kë'ëm xymyëtowtë wi'ix yë xo'onën ijtën tmëët'atyën, jëtu'un y'ëtsooy yë Jehú.

1 Corintios 1:21

Ja Dios ja wyijy'ajtën, ka'ap ojts ja naaxwiinyëtë ja'ay tja'akyyukëtë mëët ja wyijy'ajtën kyejy'ajtënëty, tëë ja Dios tuknipëjktaakë ko tyajnitso'oka'any mëët ja y'aaw y'ayuk mëti'ipë mmëpëjkëpën, oy ya'atë jëtu'un jyayajmëtoy ijxtëm ja tsuuwinma'anyën.

1 Corintios 1:23

e ëëtsajtëm yë'ë nikajpx nimëtyakëm ja Jesukristë, mëti'ipë ojts kruutskëjxm y'ookyën. Yë'ë ya'atë jutiis ja'ayëty näwyinkajpxpätë jya'awëtëp; ets mëti'ipë ka'ap jyutiis ja'ay'atën, tsuuwinma'any tijtë;

1 Corintios 1:25

Mëti'ipë ma Tiosën këxë'kpën tä tsuuwinma'anyën, ni'ik yë wijyajtën kejyajtën tmëëtëty këtiinëm yë naaxwiinyëtë ja'ay yë jyä'äjëty; ets mëti'ipë ja'ay tyijtëpën ko Dios wäänë mëk'ajtën tmëëtëty, yë'ë jëtu'un wäänëni'ik myëët'ajtyp ja mëk'ajtën këtiinëm ja mëk'ajtën mëti'ipë naaxwiinyëtë ja'ay myëët'ajtëpën.

2 Corintios 6:8

Jëna'ajëtyës pën xykyamëj'ixtë ets jëna'ajëty pën xyajjotma'atës; jëna'ajëty nyajnimëtya'aktës ëxëëk oyës ja mëtëypyë njanimëtya'aktë.

2 Corintios 4:12

Jëtu'unts, oyës o'kënjëjp'am njatimy'itë, miits ja juukyajtën mpatëp m'ijxtëp.