1 Corintios 4:1 - Biblia Dc en Mixe de Quetzaltepec

¹ Paaty miitsëty, je'eyë ëëts xytyijtëty Jesukristë pyutëjkëpë ets ko yë'ë të xytyuknipëktës etsës ja ja'ay ntuk'ijxpëktëty ja Dios ja wyinma'any mëti'ipë ijty kayajnija'apën.

Biblia Mixe de Quetzaltepec

¹ Paaty miitsëty, je'eyë ëëts xytyijtëty Jesukristë pyutëjkëpë ets ko yë'ë të xytyuknipëktës etsës ja ja'ay ntuk'ijxpëktëty ja Tios ja wyinma'any mëti'ipë ijty kayajnija'apën.

1 Corintios 4:1 ပူးပေါင်းရင်းမြစ်များ

Mateo 13:11

Tääts ja Jesús y'ëtsoowëtë: Miitsëty tëë ja Dios mtuknijawëtë mëti'ipë yu'utsy myëët'ajtypyën jam ma tsajpjotmëpë kutujkënën, e yë ja'ayëty ka'ap tnijawëtë.

Mateo 24:45

¿Pën jëtää ja tuunk oy y'ëkmëpëtsëmëp? ko ja Wintsën tyajwë'ëmëty tu'uk ja tyuunpë ma ja tyëjkën mëti'ipë yajja'akyäyëpën tiempëpaaty.

Marcos 4:11

Tääts ja Jesús y'ënëmaayëtë: Miitsëty tëë ja Dios mtuknijawëtë mëti'ipë ijty kayajnija'apën; temë mëti'ipë jëkäm yajpatëpën mëët ja ijxpäjtën winë yajtukmëmëtya'aktë.

Lucas 1:2

jëtu'un ijxtëm ojts xytyuk'ëwa'anëmën ja mëti'ipë y'ijxtën nyija'awëtyën wi'ix tsyo'onë'ky tsyo'ontäkyën mëti'ipë tuunën jajtën, mëti'ipë ojts yajtuknipëktën tkajpxwa'kxtëty ja Dios ja y'aaw y'ayuk.

Lucas 12:42

Tääts ja Wintsën y'ënäny: ¿Pën jëtää oy myëtuumpy ja wyintsën, mëti'ipë ja wyintsën tuknipëjkëpën ets tkëwent'atëty ja jëën tëjk, ets tyajkayëty tyaj'uukëty mëti'ipë jam yajpatëpën?

Lucas 8:10

Tääts ja Jesús y'ëtsoowëtë: Miits ja Dios të mtuknijawëtë mëti'ipë yu'utsy'ijtpën ma ja kyutujktaknën. E ja wiinkëtypë ja ja'ay, ijxpäjtën mëët yajtukmëmëtya'aktë këtiipë tja'akyukëtëty oy tja'ixtëty, ets ka'ap tmëtoowkukëtëty oy tjamëtowtëty.

Romanos 11:25

Mëku'uktëjkëty, yë'ëjës ntsojkpy ets miits xynyijawëtëty mëti'ipë ijty ka'ap yajnijawën, jëtu'unts ka'ap mnämyëjpëjkta'akëtëty. Yë jutiis ja'ay juun yë y'aaw jyot të tpëjkta'aktë, ka'ap yë Dios të tmëmëtowtë, jëtu'un y'ita'antë koonëm tpata'atëty ja oyajtën mëti'ipë ka'ap jyutiis'atën.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

1 Corintios 2:7

Yë'ë yajtijp ja Dios ja wyijy'ajtën kyejyajtën mëti'ipë ijty kayajnija'apën, mëti'ipë ja Dios tyuknipëjktakëyën tëëyëp ma ja naaxwiinyëtë ënety ka'ap tyajkojynyëmën ets ëëtsajtëm ntuk'oy'ajtmëty.

1 Corintios 3:5

¿Pën xyëëwajtyp Apolo ets pën Pablo? Dios ëëts yi'iyë nmëtuuntëp mëti'ipë miits të xymyëpëktën. Këëkjä'ä ëëts ja ntuunk ntuntë mëti'ipës ja Wintsën të xytyuknipëktën ets ntuntëtyës.

1 Corintios 4:13

Koos tsaaty ma'at nyajmëkajpxtë, ëëtsëty oyës n'ëtsowtë. Jëtu'unës tyampaat nyaj'ixtë ijxtëm ja pu'uxmën naaxwiiny, ijxtëm ja ja'ayën mëti'ipë ka'ap tii tkëjxmëtyën.

1 Corintios 4:2

Pën ja tuunk të t'ëxajë, yajnikëxë'ëkëp ko maayëp ja tuunk.

2 Corintios 11:23

¿Kristë myutuuntëpë? Wäänë ni'ikës ëjts, oy jëtu'un yajmëtoy kupojës yowë koos jëtu'un n'ëna'any. Wäänë ni'ikës winë të ntuny këtiinëm yë'ëjëty, kanaak okës të nyajtsumy këtiinëm yë'ëjëty. Ni'ikës të nyajwopy të nyajka'atsy këtiinëm yë'ëjëty, kanaak okës o'kënjëjp'am të nyajpaaty.

2 Corintios 12:6

Koos jeexyë n'ëknämyëjawëja'anyë, ka'ap jëtu'un yaj'ixëty tsuunwinma'anyën, jä'ä ko ja mëtëypyës ënety nimëtyäkpy; je'eyëp ko ka'apës jëtu'un ntuny, këtiipë pën wyinmayëty ko ni'ikës tii nijawë këtiinëm mëti'ipës nnikäjpxypën,

2 Corintios 4:5

Ka'apës kë'ëm nänyimëtya'akëtë, ja Kristë mëti'ipë Wintsënën ëëts nikajpx nimëtyaktëp; ëëtsëty tuunpës je'eyë näyajnaxëtë koos ja Jesús xytsyoktë.

2 Corintios 6:4

Ni'ikyënëm nyajnikëxë'ëktës koos ja Dios nmëtuntë, nmënax nyajnaxtës ja ëyo'on jotmay mëët ja mä'kxtujkën, oyës n'ëyowtë, oyës tii nyajmëyatë ets oy tsip ja xëëw juukyajtën nyajnaxtës,

Efesios 1:9

ets të xytyuk'ijxëm ja wyinma'any mëti'ipë ijty ka'ap yajnijawën wi'ix të tuknipëjktaakën tyajwintu'upëka'any mëët ja Kristë.

Efesios 6:19

Tuknija'amyäjtsëtëkës ja Dios, ets ja Dios ja aaw ayuk xymyo'ojëtyës mëti'ipës nimëtya'akëpën, etsës amëk jotmëk nkajpxëty ets ja ja'ay ntuknijawëtyës ja oy'aaw oy ayuk, mëti'ipë ijty kayajnija'apën.

Colosenses 2:2

Paatyës jëtu'un ntuny jä'äkyëjxm koos ntsoky ets ni'ëmukë mjotmëkta'aktëty ets m'itëty tu'ukyë mëët ja nitsokën ets xymyëët'atëty kä'pxy ja wijyajtën kejyajtën, jëtu'unts xyjyä'äkyukëtëty xymyëtoowkukëtëty ja Dios ja jyä'ä mëti'ipë ijty kayajnija'apën, yë'ë jëtu'un ja Kristë.

Colosenses 4:3

Tuknija'amyäjtsëtëkës ja Dios ets ja në'ë tu'u y'ëwa'atsëty ets nkajpxwa'kxëtyës ja Kristë ja y'aaw y'ayuk, mëti'ipë ijty kayajnija'apën ets mëti'ipës tsumy nku'ijtëpën.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

1 Timoteo 3:6

Paaty ka'ap mëpaat yë'ë kyutuunk'aty ja ja'ay mëti'ipë naamnëm Dios mëpëjkpën; këtiipë nyämyëjpëjkta'akëtëty ets kya'ajëty ëxëëktum ijxtëm jyäjtyën ja mëjku'u.

1 Timoteo 3:9

Ja tëyajtën tyuk'o'kpätëp mëti'ipë të nnija'awëmën ko të nmëpëjkëmë ets wa'ats tmëët'atëty ja jot winma'any.

Tito 1:7

Mëti'ipë nyikopk'atëpën ja Dios ja nyaax kyajpn yë'ë mëpaat t'ixy ttuny mëti'ipë Dios y'oyjya'apën, paaty kyopkpëkyëty ets oy tsuj jyuuky'atëty. Ka'ap kyujuunta'akëty, ka'ap wyin'äkë'atëty, ni kya'uuk kyamu'ukëtëty, ni tsip tka'ixta'ajëty, ni meeny tka''atsokëty

1 Pedro 4:10

Këëkjä'ä miits xytyuntëty ja mtuunk ijxtëm ja Dios të mmo'ojëtën. Näpyutëkëtë nixim niyam wi'ixëty ja Dios ja kënu'kxën mtukpaatëtën.