1 Corintios 3:9 - Biblia Dc en Mixe de Quetzaltepec

⁹ Tu'ukyë ëëts ja Dios ja tyuunk ntuunëtë ets jëtu'un miitsëty ijxtëm ja kamën ma ja Dios ja tyuunk tyu'uye'eyën, jëtu'un miitsëty ijxtëm tu'uk ja mëj tëjkën mëti'ipë Dios të tkojyën.

Biblia Mixe de Quetzaltepec

⁹ Tu'ukyë ëëts ja Tios ja tyuunk ntuunëtë ets jëtu'un miitsëty ijxtëm ja kamën ma ja Tios ja tyuunk tyu'uye'eyën, jëtu'un miitsëty ijxtëm tu'uk ja mëj tëjkën mëti'ipë Tios të tkojyën.

1 Corintios 3:9 ပူးပေါင်းရင်းမြစ်များ

Salmos 118:22

Ja tsaa mëti'ipë ojts ja tëjk kojpë ka'ap tsoktën, yë'ë të y'awinpity tsaakopk mëti'ipë ja tëjk myëtënääpyën.

Salmos 72:16

Wä'än may'äämpy tyajpaaty yë tsajpmok ma naax kajpnën, ets wä'än jam tmayë tunkëjxm kopkëjxm. Wä'än yë tsajpmokpajk tyajpëky may'äämpy tä jamën Líbano, ets wä'än yë tyëëmpt jëtu'un tyäky tä yë aay ujts myäykyëxë'ëkyën kamjotm tu'ujotm.

Proverbios 9:1

Ja ixpëkyajtën ojts ja tyëjk tkojy, ets tpëjktäky wëxtujk yë nyixeny.

Isaías 32:20

Miitsëty jotkujk nëjkx mjuuky'atë, ma ja mkam mtu'ujëtyën, jam'ataanp ja mëj komnëë mëti'ipë ja m'aay mkepy mtukyajxooktëpën ets ja mjëyujk mtsajpkaajëty ka'ap nëjkx tyaj'ëmaaytya'aktë ja y'ääy y'ujts mëti'ipë y'oktëp wyëtstëpën.

Isaías 61:11

Jä'ä ko jëtu'un tä yë aay ujts yoontä'äkyën naaxwiiny ets ënät jyiitsy jam kamjotm, jëtu'un yë Wintsën tyaj'ita'any yë jyä'äy ets myëta'aktëty xëmë, ets y'ëwtëty ya'axtëty mëët ja jotkujk'ajtën.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Isaías 61:5

Nëjkxëp ja jaaypyo'kxyjyä'äy tkëwent'atë ja mkam mtu'u ets mjëyujk mtsajpkaa.

Jeremias 2:21

Jëtu'un ojts mijts njakojy njamä'kxy tä tu'uk yë tsatym aatsën oypyë juunpë mëti'ipë pyajk oy të pyëtsimyën. E mijts ëxëëk të mnätyunyë, ka'ap të n'ëk'ijxkajpnë.

Mateo 15:13

Tääts ja Jesús y'ëtsooy: Jëtu'un yë fariseë ja'ayëty ijxtëm yë ujtsën mëti'ipë ka'ap yë nTeetyës të tkojyën. Oytyii'ujtsëty pën ka'ap yë'ëjëty yë nTeetyës tsajpjotmëpë të tkojy, yajwijxë'ëkaanp jappaat ma tyiktsën.

Mateo 16:18

Pedro mijts yë mxëëw. Jëtu'un mijts ijxtëm ja tsaajën maas ja tsajptëjk nkojë'ëka'anyën. Ets ni ja o'kën kyamëmëtaa'akëtëty.

Mateo 9:37

Ënet t'ënëmaay ja y'ijxpëjkpëtëjk: May ja pëjktä'äky pyëtë'ëka'any. Yë'ë ka'ap myäyëty ja tuunpëtëjk mëti'ipë ja pëjktä'äky yajpëtë'ktëpën.

Marcos 16:20

Tääts ja y'ijxpëjkpëtëjk tsyo'ontë ets ojts tkajpxwa'kxtë ja Dios ja y'aaw y'ayuk oy tyimmaajëty. Wintsën Jesukristë ojts pyutëkëtë ets ja ja'ay tuk'ijxtëty tuknijawëtëty ko tyiyëty jyääntyëty mëti'ipë kyajpxtëpën, jä'ä ko tuntë winë mëët ja Dios ja myëj'ajtën.

Hechos 4:11

Yë Jesús yë'ë tyam jëtu'un të nyäxy ijxtëm ja tsaakopkën, mëti'ipë miitsëty, ja pojtspëtëjk ojts xy'ixka'atstën. E tëëts ja y'awinpity jëtu'un ijxtëm tu'uk ja mëjtsaakopkën mëti'ipë myëtënääpyën ja jëën tëjk.

1 Corintios 3:16

¿Këtii xynyijawëtë ko miitsëty, jëtu'un yë Dios myajnaxëtë ijxtëm tu'uk yë tsajptëjkënë ets ko ja Kënu'kxymyëkajtën yë'ë jap tsënääpy ma miitsëtyënë?

1 Corintios 3:6

Ëjts ojts ni'ipy nkojy ets Apolo të tyajxooky, e yë Dios yë'ë të tyajyony të tyajjiitsy.

1 Corintios 6:19

¿Ka'ap miits xynyijawëtë ko ja Dios mni'kx mkopk myajwa'anxëtë tä ja mëjtsajptëjkën ets ko mtsënaaytyakn'atëtë ja Kënu'kxymyëkajtën mëti'ipë ja Dios të mmo'ojëtënë?

2 Corintios 6:1

Jëtu'un, ijxtëm ëëtsajtëm nmëtu'unëmën ja Dios, tyam nmënu'kxta'aktë ets xytyukjuuky'atëty ja oyajtën mëti'ipë ja Dios të mtuk'ixëtën,

2 Corintios 6:16

Ka'ap tjëkyepy tu'ukyë yajpaatëty yë Dios yë jyëën tyëjk mëët yë awinax. Jä'ä ko jëtu'un ja Juukpyë Dios xyajwa'anëmë tsyënaaytyaknën. Jëtu'un ijxtëm ja Dios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

Efesios 2:10

Dios të xypyëjktakëm ets ntu'unmëty ja oypyë tuunk tu'ukyë mëët ja Jesukristë, ijxtëm të tuknipëjktaakën.

Colosenses 2:7

Ijxtëm tu'uk ja kepy tyikts në'p yajpaatyën, jëtu'un miits mëk yajpaatë tu'ukyë mëët ja Jesukristë. Jëtu'un ijxtëm myajtukni''ijxëtën ets xëmë ja Dios xykyukajpxëtëty.

1 Timoteo 3:15

ets pën poxpës, mnijawëp wi'ix mëpaat ja ja'ay jyä'äy'äty mëti'ipë yajpatpën ma ja Dios ja jyëën tyëjkën, ma nyiye'eypyätën ja mëpëjkpëtëjkëty mëti'ipë ja juuky Dios y'ëwtajtëpën, mëti'ipë myëët'ajtypyën ets kyuwäänpyën ja tëyajtën.

Hebreos 3:6

E ja Kristë, jëtu'un jä'ä ijxtëm tu'uk ja u'unkën, oy tmëtuny ja Dios ma ja jyä'äyën, ëëtsajtëm yaj'antijëm; pën nmëpëjkëm ëmuumtu'ukjot mëti'ipë njëjp'ijxëmën.

1 Pedro 2:5

Näyjyëtu'un miits ja Dios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Dios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Dios y'oyjya'apën.

3 Juan 1:8

Paatykyëjxm ëëtsajtëm xypyattëm ets nyajja'ajtakmëty, jä'ä ko tu'ukyë nmëtu'unëm ja Dios.